Iya umwine umukulu wabakemba; pa filimba fya ntambo. Masikili wakwa Dafiti; ili abena Zifiti baishile ne kulabila kuli Saulo, ''Kanshi Dafiti talifishile umwine muli fwebo?'' 1 Mpususheni, Ba Lesa, kwi shina lyenu, kabili ne nkupingula mu bukulu bwenu. 2 Ufweni ukutembela kwangi, Ba Lesa; bikeni ukutwi kwenu ku mashiwi amukanwa kangi. 3 Pakuti balya abo shishibile bangi makanina, kabili ne balalume abashili ne nkumbu bafwailikisha ubumi bwangi; tababikile na ba Lesa kutanshi yabo. 4 Moneni, ba Lesa bwafulusho bwangi; ba Shikulu ebamanika. 5 Akabalulwila abalwani bangi ne fyabubifi; mubukine bwenu, bo nauleni. 6 Kalambula kuli mwebo ubupe bwa kulipelesha; kapela ukutota kwi shina lyenu, ba Yawe, pakuti iliweme. 7 Pakuti ampususha ku makatasho onse; ilinso lyangi lyakeba pa balwani bangi ne nkonsa.