Kumukulu wa bakemba; ukukonka imibele yaba Jedutuni. Isamo lyakwa Dafiti. ¹ Nalipembelele kelele pali ba Lesa bushimwa; ipusukilo lyangi lilafuma kuli bo. ² Bo bushimwa libwe lyangi kabili ne pusukilo lyangi; bo kiteba kyangi ikitali; nshaka seshiwe apa kulu. ³ Nilinga, mwebonse, mukemina umwalalume, nokumusendamina kwachi kibumaba nangu kwachi lufimbo ululefwaya ukupona? ⁴ Balamwipusha mukumu bwesha panshi ukumufumya pa kifulo kya bukulu; bo bali temenwe ukulabila ubufi; balamupala notunwa twabo, pano mu michima yabo balamufinga. ⁵ Kapembelela kelele pali ba Lesa bushimwa; nekiketekelo kyangi kili muli bo. ⁶ Bobushimwa libwe lyangi kabili lipusukilo lyangi; bokiteba kyangi ikitali; shakaseshiwe. ⁷ Naba lesa lipusukilo lyangi kabili buleme bwangi; Ibwe ilya makosa angi kabili ne kyakufisamamo kyangi fili muli ba Lesa. ⁸ Ketekeleni muli impindi yonse, mwebo mwe bantu; ichileni imichima yenu kulibo; Lesa kya kufisamamo kyesu. ⁹ Ikine abantu abapengele ba lukoso, kabili abantu aba peulu eba bufi; bakapuba anga bapimwa mu kyakupiminako; ukupimwa pamo, balipubile ukukila ikili kyonse. ¹⁰ Mweketekela mu kumanikwa nangi muli bukapondo; kabili mwiketekela ifya lukoso ifya bunonshi, pantu tafyakaletepo ifisabo; ukubika imichima yenu pali fyo yobo. ¹¹ Lesa alabila limo, ilya bubili naufwe efi: amakosa alikuli ba Lesa. ¹² Nakuli mwebo, ba Shikulu, kuli ikipangano ikya kishinka, pakuti mulabwesha ku muntu onse pali ifyo akita.