Iya umukulu wa bakemba, iya Yedutuni. Isalamo lyakwa Dafiti. ¹ Nalisalile, ''nkalemona fyonse ifyo ndalabila pakwebati nenga bifya ne lulimi lwangi. Nkesela akanwa kangi mukyeni kya mwalalume wakubifya.'' ² Nalikele kelele; nalisungile lukoso amashiwi angi nangu lukoso ukulabila ikili kyonse ikiweme, kabili ne kusomena kwangi kwalikulishe ukukilspo. ³ Umutima wangi alikabile; ilyo nalangulukile palifi fintu, alipili koti umulilo. Penka pakushilisha nalilabile. ⁴ ''Ba Yawe, ngishibisheni impelo ya bumi bwangi kabili ne kulundwako kwa nshiku yangi. Ndangeni ifinspelelelwa. ⁵ Moneni, mwalenga inshiku yangi kuti bwipi bwa mukuboko kwangi, kabili ne mpindi ya bumi bwangi ili koti ya lukoso kuli mwebo. Kyakine umwalalume onse kuupemakunga kumo. ⁶ Kyakine umwalalume onse alenda kwati kishingwa. Kyakine umwalalume onse alanguka mukulifwaila ubunoshi nangu kingaba tabeshibilepo uukabupoka. ⁷ Pano, Bashikulu, mba nikindo kopembelela? Mwebo emweluketekelo lyangi. ⁸ Pususheni ukufuma ku bubifi bwangi; mwindeka imbe ikyakutumpikwa kufipuba. ⁹ Naba kelele kabili teti ngisule akanwa kangi, pakuti ni mwebo mwakikita. ¹⁰ Kilekeni kushomaula; Naonaulwa ne lupi lwa kuboko kwenu. ¹¹ Kani mwakengesha bantu pa bubifi, mulalya ifintu fyonse ifi bafweya kwati moti. Kyakine abantu bonse tabalipo kyonse lomba luuya. ¹² Ufweni utembela kwangi, ba Yawe, ksbili ne kukutika kuli nemo; Mwiba abakomene amatwi kuli nemo, pakuti nji kwati mwina fyalo namwebo, mbutushi kwati ifyali abakekulu bangi bonse. ¹³ Fumyeniko ubukali bwenu kuli nemo pakwebati kipale ninga mwentula libili apo shinga fwa.''