¹ Ku mukulu wa bakemba. Isamo lyakwa Dafiti. Nalipembembelele nokutekanya kuli ba Yawe; bo balingufwile kabili ba lyufwine ukulila kwangi. ² Balifumishe mu kilinji ikyakutina, nokufumya muma chipa, kabili bo babika amakasa yangi palibwe nokubika intapulo shangi bwino. ³ Babikamo ulwimbo ulwa bukumo mukanwa kangi, ukutota kuli ba Lesa besu. Abengi bakamona kabili nokumupela umukishi kabili bakaketekela muli ba Yawe. ⁴ Alipalilwe umuntu ulenga ba Yawe ukuba ikya kuketekelamo kabili talemya balya aba kilumba nangu balya abafuma kuli bo nokuya kubufi. ⁵ Fingi, ba Yawe Lesa wangi, Ifiweme ifimwakita, kabili ne milanguluko shenu pali fwebo tekuti ipendwe; angati ngilangishe kabili nokuilabilapo, ingaba ingi ukukilapo mukupenda. ⁶ Tamu fwishapo ifya milambu nangula ifya bupe, pano mwashinkula amatwi angi; Tamuli kufwayapo ifya bupe ifya kokya nangula ifya bupe ifya bumbifi. ⁷ Elo nalabile, ''Moneni, Naisa; kililembelwe pali nemo mwibuku ilya kupeta. ⁸ Ndafwaisha ukita ifyo mukalabila, ba Lesa bangi; Imishilo shenu shili mumuchima wangi.'' ⁹ Alabila ukuwama kweshiwa lyenu ilya bulungami mumabumba ayakulu; ba Yawe, mulishibile ukuti imilomo shangi tashilekapo ukukita fino. ¹⁰ Shifishilepo ubulungami bwenu mumuchima wangi; nalabila pali bukishinka bwenu kabili no kupulusha kwenu; Shifishilepo ikipangano ikya kiishinka nangula ukuketekela kwenu kumabumba aya kulu. ¹¹ Mwileka ukukita ifikitwa fyenu ifya kumbu pali nemo, ba Yawe; Lekeni ikipangano kyenu ikya kishinka kabili nokuketekela kwenu findame fyonse. ¹² Ifyakukatasha ifya kubula ukupenda fyashokoloka nemo; ububi bwaisa pali nemo pakuti naleka nokumona ifili fyonse; bwafulisha ukukila imishishi mumutwi wangi; kabili umutima wangi waanfilwa nemo. ¹³ Sekelenimo, ba Yawe, mu kumpulusha nemo; endesheni mu kukwasha nemo, ba Yawe. ¹⁴ Lekeni ba lengeshiwe insoni kabili bafilwe ba lya bonse abafwayapo ukonaula ubumi bwangi nokubufumyapo. Lekeni ba bwelemo kunuma kabili baye kunsoni, balya bonse abafwaya ukunsomesha bemo. ¹⁵ Ba lekeni bafitwe mulandu wansoni; shabo, balya aba labila kuli nemo ati, ''aa, aa!'' ¹⁶ Pano balya bonse aba mifwaya basangalale kabili basekele muli mwebo; Lekeni onse utemenwe ipusukilo lyenu atwalilike uku labila, ''Ba Yawe ba totwe.'' ¹⁷ Napenga kabili na bulisha; pano ba Shikulu balalaunguluka pali nemo. Muli bakungofwako kabili mu lesa mukumpulusha; mwekokola, ba Lesa bangi.