¹ Lumbanya ba Yawe, pakuchi kiweme ukwimba isha kulumbanya kuli ba Lesa wesu; kiweme, kabili ne kulumbanya kwa kwafikilamo. ² Ba Yawe balaisompa ilibili Yelusalemi bala bunganya pamo abantu aba salangene abakwa Ishiloli. ³ Alabuka aba michima itobekele ne kukakapo pa filonda fyabo. ⁴ Alapenda utubangabanga; alatupela ne mashina tnse. ⁵ Ba Shiku besu bakulu kabili ne kukindama mu makosa; ukumfwa kwabo techi kupimwe. ⁶ Ba Yawe suntuleni abachikishiwe; alabwesha ababi panshi pamushili. ⁷ Imbeni kuli ba Yawe ne kubaotela; imbeni isha malumbo kuli ba Lesa wesu ne kalimba. ⁸ Alafimba imeulu onse na makumbi ne kupekanya imfula iya kyalo, ukulenga ifyani ukukula pa mpili. ⁹ Alapela inama ifya kulya nakutwana twaba mwankole nga twalila. ¹⁰ Tasangamo ukutemwa mu makosa akwa kabalwe; tasekela mukukosa kwa molu amuntu. ¹¹ Ba Yawe balasekela muli babo aba blemya, aba ketekela mu mukipangano kya kiketekelo. ¹² Lumbanya ba Yawe, Yelusalemi; lumbanya ba Lesa bobe, Zayoni. ¹³ Pakuchi balakosesha utupingilo uta kumilyango yenu; alapala abana bobe muli webo. ¹⁴ Alaleta ubunonshi mukachi ka mipaka yobe; alakwisusha webo na wichi iweme kyakine. ¹⁵ Balatuma amafunde abo pa kyalo; ifunde lyaba lilabutuka bwangu sana. ¹⁶ Ala lenga amabwe ampepo kwachi butonge; alapalanganya ifichimbile kwachii matoi. ¹⁷ Alaposa amenda achimbile kwachi tufipeswa; ninani uwingemakana kumpepo a tuma? ¹⁸ Balatuma amafunde abo ne kuasungulula; ala lenga umwela ukupupa na menda ukukunka. ¹⁹ Alilabile ishiwi lyakwe kuli Yakobo, ifipope fyabo kabili ne kulapa kwabulungami kuli Isuleli. ²⁰ Takichilepwefi ne kyalo kimbi, kabili ifilapo fyakwe, taba fishibile. Lumbanyeni ba yawe.