¹ Batoteni ba Yawe. Batoteni ba Yawe, mwebali mu meulu; batiteni bo, na mwe muli umutali mwiulu. ² Ba toteni ikalamba shonse; batoteni mwemabumba onse. ³ Batoteni, akasuba no mwenshi; abtoteni, utubangabanga tonse utubengeshima. ⁴ Batoteni, mwwiulu umutali kabili na menshi ali peulu yalwelele. ⁵ Batoteni batote ishina lya ba Yawe, pakuti alipele ifunde, kabili fyalipangilwe. ⁶ Bo kabili bayekalika no muyayaya; bo balilabile ifunde ilyo talyakakingeye. ⁷ Batoteni ukufuma pa kyalo panshi mwebo mwefinama ifikulu ifya mufishiba na fyonse ifishiba ifitali panshi, ⁸ Umulilo ne mfula ya mabwe, ne mfula shino na makumbi, no mwela wakinkukwila mukufikisha amashiwi akwe. ⁹ Batoteni, me mpili ne fyulu, mwefichi fya fisabo kabili ne fya shiba, ¹⁰ mwefinama fyapanga na fyonse ifitekwa, fyonse ifikalaba ne fyoni ifima mwiulu ne mapindi. ¹¹ Batoteni ba Yawe, mwemfumu sha panshi ne fyalo fyonse, mwe bana bamfumu na bonse abatungulula pa kyalo. ¹² Bonse abanike abalalume na abanike abanakashi, abakulu na bana abanini. ¹³ Lekeni bonsebatote ishina lya ba Yawe, ishina lyabo lyenka lilisuntwilwe kabili ubuleme bwabo bwafika ponse pa kyalo na mulwelele. ¹⁴ Bo baimya isengo lya bantu babo muku batota ukufuma kuli bonse abakishinka.