Isamo lyakwa Dafiti. ¹ Ukupalwa kube ni Ba Yawe, ibwe lyangi, abafunjisha amaboko angi mufya nkondo kabili ne miwe yangi mufya bulwi. ² Ni mwebo lulanyano lyangi ulwa kishinka kabili ne linga lyangi, ikiteba kyangi ikitali: kabili na umo umpusushi, ikyangi kya kuleyelamo kabili namuli umo umu mbutukila ne kufisama, umo ukifya ifyalo yangi. ³ Ba Yawe, inga umuntu enani ifi mwamuposa mano nangu umwana umwalalume wa muntu pakuchi muko mulanguluka? ⁴ Umuntu alilukoso pamo kwachi kupema; ishiku yakwe ili kwachi kishingwa ikilepita. ⁵ Lengeni iulu iselemuke kabili mwike panshi, Ba Yaww; kwateni pa mpili kabili mualenge ukufutumuka ikyushi. ⁶ Tumeni ukukemauka kwa kubyasha kabili ne kusalanganya abakwani bangi; laseni imifwi yenu kabili ne kuba bweshamo panuma mu kifulunganya. ⁷ Fisheni ukuboko kwenu ukufuma peulu; nkupususha ukufuma mu menshi ayengi, ukufuma mu maboko a bena fyalo. ⁸ Utunwa twabo tulalabila ifya bufi, kabili ne kuboko ukwa kulyo fya bufi. ⁹ Nkembo lwimbo wabukumo kuli mwebo, Ba Lesa; pa mbajo ya ntambo ikumi limo nkemba iyakulumbanya kuli mwebo, ¹⁰ Upela ipusukilo ku mfumu, uapuswishe Dafiti kalume wenu ukufuma ku mpoko ya bulwani. ¹¹ Mpususheni kabili ne nkufumya ku kuboko kwa bena fyalo. Utunwa twabo tulalabila ubufi, kabili ne kuboko kwabo ukwa kulya fya bufi. ¹² Lekeni abana besu abalalume babe kwachi ifilimwa abakukula ne kufika pa kipimo ikyalinga bwino mu bwanike bwabo kabili ne bana besu abanakashi babe kwachi amashiki amumakonka akonteme, abaswa kwachi aku kipango kya bufumu. ¹³ Lekeni amatala esu esule ne fyabusomboshi ifi pusene pusene, kabili lekeni ne mikoko yesu ifyale amakana kabili ne makumi a makana mu mabala esu. ¹⁴ Penka inombe yesu ikaba ne bana abengi. Takuli nangu ukatoba ne kwingila mu malinga esu yoo; tamwakabepo imbutushi nangu ukulila mu mashila yoo. ¹⁵ Abapalilwe bantu abali ne mapalo kwachi ni aya; abasekela bantu abo Ba Lesa wabo ni Ba Yawe.