Maskila wakwa Dafiti, ili ali mulukelo; itembelo. 1 Ne shiwi lyangi nalilila ukungofya kuli ba Yawe; ne shiwi lyangi ndapapachila ikumbu yaba Yawe. 2 Ndetulula ukutamauka kwangi ku menso abo; ndabeba ifya kukatasha fyangi. 3 Ili umupashi wangi wanaka mukachi kangi, mwaishiba ishila yangi. Munshila emo ngenda balifishilemo akakose banteyele. 4 Nakeba ku kulyo ne kumona achi takulipo nangu umo uwakumposako pali nemo. Takulipo ukwa kufyukila nemo; takulipo nangu umo umposako kubumi bwangi. 5 Nalichile kuli mwebo, ba Yawe; nali labile, ''Muli ikyakufisamamo kyangi, ikyakanika kyangi mukyalo kya bomi. 6 Kuchikeni ku kwita kwangi, pakuchi bankefya sana; mpokololeni kuli babo abankyusha, pantu bankila mukukosa. 7 Fumyeni umweo wangi mukifungo pakuchi ningapela ukutotela kwishina lyenu abalungami bakabungana ne kunshinguluka nemo pantu muli abaweme kuli nemo.''