Ulwimbo lwakwa Dafiti. ¹ Ba Yawe, ndukulabila kuli mwebo; iseni bwangu kuli nemo. Kuchikeni kuli nemo ili naita kuli mwebo. ² Lekeni amatembelo yangi yabe kwachi ayakunukile bwino kuli mwebo; lekeni amaboko ngimishe peulu yabe kwachi mulambu wakyungulo kyabushiku. ³ Ba Yawe, bikeni ukulonda pa kanwa kangi; londeni ikibi kya milomo yangi. ⁴ Mwileka umuchima wangi ufwaye ikibipilekyonse nangu kusangwa mufyakukita ifya masambi naba bantu abakita ifibi. Nelya ikili kyonse ifiweme ifya kulya. ⁵ Lekeni umulungami ampume; kikaba ikyakumbu kuli nemo. Lekeni am golide; kikaba kwachi mafuta pa mutwi wangi; lekeni umutwi wangi wikana ukukipokelela. Lomba amatembelo yangi lyonse yabe aya kukana imikitile yabe ibipile. ⁶ Aba kubatangilila babo bakaposwe panshi ukufuma peulu ya mabwe; bankomfwa ati amashiwi yangi yaweme. ⁷ Bafwile balabile, ''Kwachi umo ukopalanganya umushili. palififyo amafupa yesu bayasalanganya pakanwa kaku Sheol.'' ⁸ Kyakine amenso yangi yali pali mwebo, ba Yawe, ba Shikulu; muli mwebo emo mfisama; mwileka umweo wangi ukwakubula ukukingililwa. ⁹ Mpokololeni kuli kikyo ikyo ba teya nemo, ukufuma kufiteyo fyabakita ifibi. ¹⁰ Lekeni imbifi shiponene mumakonde yabo ili nemo nafyuka.