Kumukulu wañgambo. Amasama akwe Dafiti. ¹ Bayawe, mpulusheni nemo ukufuma kumbifi; mumpulushishe limo ukufuma kubupondishi. ² Balelenganya ifyakubifya mumichima yabo; balakwita inkondo lyonse. ³ Injimi shabo shili kochi nisoka; ubulembe bwakwa makata buli pa milomo yabo. ⁴ Nsunseni nemo ufuma kumaboko imbifi, bayawe; nkingilileni nemo ukufuma kubantu abapondonshi balelenganya ifyakumponya nemo. ⁵ Aba kulyumfwa banteya akando nemo; batandabika ubukonde; bambikila ikyakwamo nemo. ⁶ Nalilabile kulibayawe, "muli balesa wangi; umfweni ukulila kwangi ukwankumbu." ⁷ Bayawe, ba shikulu, mulinamakosa aakulinga ukumpulusha, mwali kingilele umutwi wangi pabushiku bwa nkondo. ⁸ Bayawe, mwepana ukufwaya kwambifi; mweleka ukufwaya kwabo kufilishiwe. ⁹ Balya anshinguluka nemo balemya imitwi yabo; lekeni ukutumpaika kwapamilomo yabo fibafimbe abene. ¹⁰ Lekeni amakalashi umulilo abaponene; baposeni mumulilo, mufilinji ifyakubula ukupele, takabushiwe. ¹¹ Abantu banjimi aba pakyalo kyapanshi mwebaleka bakale nekupokololwa; ifishishi ifibipile fikalukukela umuntu wakukanama ne mupuma afwe. ¹² Njishibile achi bayawe mukapingula munkumbu shanyanchilwe, kabili achi mukapingula bwino kubakalilwe. ¹³ Kine aba abantu aba lungeme bakopana ukutota kwishina lyenu; abantu aba lungeme bakekala mukyeni kyenu.