¹ Mulemye ba yawe. Mulemye ishina lyaba yawe. mubalemye, mwebo mwebapyungushi baba yawe, ² mwebo mwe mwimakana munganda yaba yawe, mwilinga lya ñganda yaba lesa wesu. ³ Mubalemye ba yawe, pakuti baweme; imbeni ishakulemya ishina lyabo, pakuti ekyatutubila ukukita. ⁴ Pantu bayawe balisalile Yakobo abene, Isuleli ukuba kipe kyabo. ⁵ Nishiba ati bayawe bakulu, ati balesa wesu bakulu ukukila balesa bonse. ⁶ Fyonse ifi bayawe bafwaya, ukukitu balakita mwiulu, pano panshi, mufishiba ifinini ne fikulu ubutali ukuyapanshi. ⁷ Balaleta amakumbi ukuafumya ukutali, neupanga ukubesha kwamfula ukukwatakana nekuleta umwela ukufuma munganda iyi balaminamo ifipe. ⁸ Balipeye ibeli ilyamu Ijipitu bonse abantu ne nama. ⁹ Balitumine utwishibilo nefyakukumya mukachi, ka Injipita, pali Felo na pababombfi bakwe bonse. ¹⁰ Kabansansa ifyalo ifingi,kabili balipeye imfumu ishikosele, ¹¹ Shioni imfumu yabena Amoli kabili na Ogi imfumu yabena bashani kabili nebufumu bonse ubwa bena Kenani. ¹² Balitupele umushili wabo mbabuswani, ubuswani kubena Isuleli abantu babo. ¹³ Eshina lyenu, ba yawe, lilikalikilwe umuyayaya; ukwishibanikwa kwenu, kulikalikilwe kunkulo shonse. ¹⁴ Pakuti bayawe balakingilila abantu babo kabili bali nenkumbu ishikulu kubabomfi babo. ¹⁵ Utulibi twakyalo ni Siliva na Golide, ifipangwa ne maboko abantu. ¹⁶ Uto utulubi tulinetunwa, sombi tatulabila; ¹⁷ tuli nemenso, sombi tatumona; tuli namatwi sombi tatufwa nali umuya mutunwa twabo. ¹⁸ Abo abafimpanga bali kochi nifyo, kochi nuyo onse uketekela milito. ^{19 21} Mwekifyashi kyabena Isuleli, mubashukishe ba yawe; mwekifyashi kya kwa Aloni, mubashukishe ba yawe. ²⁰ Mwekifyashi kya bena Lefi, mubashukishe ba yaw; mwebo mwe mupana umukishi kuli ba yawe, mubashukishe bayawe. Bushikishiwe ba yawe mu Sayoni, abo abekala mu Yelusalemama. balemyeni bayawe.