¹ Ulwimbo lwa bakuntuka. Bayawe, pakuchi pali Dafiti mutwite mu milanguluko palwaku kyula kwakwe. ² Mwiteni mu milangwe ili alapile kuli bayawe, ifi alaile kumwine uwakwa Yakobi. ³ Alilabile achi , "nshakengile munganda yangi nangu ukuya pa mupunda wangi, ⁴ Nshaka panepo two kumenso angi nangu ifikope fyangi ukutusha ⁵ kana nkasange mpusha yaba yawe, ikyakwikalamo umwine umo uwakwa Yokobi." ⁶ Boneni, twalyufwile palwakikyo mu Efulati; twalikisangile mwibala lyakwa Jaa. ⁷ Tukengila mumulenda waba lesa; takaba tota petebe lyankasa shabo. ⁸ Imeni, bayawe, pa mpunsha yenu iyakutushishapo, mwebo ne mbokoshi ya lulayano lwamakosa enu! ⁹ Abapapatilishi benu bafwike ne bulungami; lekeni abakishinka ba bilike mukusangalala. ¹⁰ Pakuchi npa mubomfi wenu Dafiti, mwe alukokufuma kumusubwa wenu imfumu. ¹¹ Bayawe balilapile ikyakine ukulaya kuli Dafiti, ukulapo kwakine uko ukutaba fumyepo; "nkatulapo umo uwamubana bobe pamufumu bobe. ¹² Kani abana bobe aalalume bakasunge ukulayana kwangi ne mishilo ishi nkaba sambisha bo, nebana babo nabo bakekala pa bufumu imyaka shonse ishingi. ¹³ Kyyakine bayawe basala Zayoni, ba mufwaisha ye petebe. ¹⁴ "Iyi empusha yangi iya kutushishapo imyaka shonse. Nkalikwikala kuno, pakuchi ndamufwaisha. ¹⁵ Nkamupala apafulile ne fya kubikapo.Nkamwikuchisha na shinkwa. ¹⁶ Nkafwika aba papapatilishi bakwe ne kupuluka, abakwe aba kishimka baka bilika mukusangalala. ¹⁷ Kulya nkalenga isengo lyakwa Dafiti ukumena neku tulapo inyali pa musubwa wangi umo. ¹⁸ Nkafwika abalwani bakwe nensoni, lomba paliye wakwe ukali ku beeka.