¹ Ba Yawe balilabile kuli Mose mumalungu amu Moabi apepi Jodeni Jeliko ne kulabila ati, ² ''Kambisha abantu ba Isuleli mukupelapo fimo pa fyakaniko fyabo mushili kubena Levi. Balilingile ukuuubapela imishi iya kwikalamo ne panga yakulilamo inama ishingulukile lya mishi. ³ Nabena Levi bakali kuba ne Shi mishi isha bakaleikalamo. Impanga yakulilamo inama ukaba wa iñgombe shabo, ne matanga, ne nama shabo shimbe shonse. ⁴ Umushili uwa kulilamo inama iya shingulukile imishi iyo ulinokupela ku ba Levi ifwile ukukula ukufuma kufibubwa fya mishi amakyubichi ikana limo mubali shonse. ⁵ Mulilingile ukupima amakyubiki amakana yabili ukufuma mukachi ka mushi kumutulesuba, ne makuybiki amakana yabili kumboshi, na makyubiki amakana yabili kubulenge. Iyi ikaba mushili uwa kulilamo inama iya mishi yabo. Imiishi ikaba pakati. ⁶ Imishi isano na umo iyo mwinokupela kubena Levi lilingile ukumboba kwati mishi yakufisamamo. Ulilingile ukupela fi kwati nikende umo umuntu uwa iyipaya umunakwe engabutukila. Kabili mukapela imishi amakumi yane ne yibili. ⁷ Imishi eyo ulinokupela kubena Levi ikaba amakumi ane natusano na tutatu shonse pamo. Ulilingile ukubapela umushili uwa kulishishamo inama shabo. ⁸ Imitundu ishikulu isha bantu ba Isuleli, Imitundu ishikwete umushi iyikulu, balilingile ukupana imishi ishingi. Imitundu ishinini shili nokupana imishi iyinini. Kila mutundu alilingile kupana kuba Levi ukulingana nekyaka niko ikyo bapokele.'' ⁹ Popele ba Yawe balilabile kuli nekulabila ati, ¹⁰ ''Labila kulibo ati, 'Ili mukabuka bushilya bwa Yodani ukuya mupanga ya Kenani, ¹¹ Kabili mulilingile ukusala mishi iya kubamba kwali mishi yakufisamamo mwebo, Inkende uko umuntu uwaipaye umunakwe mukubula kwishiba engabutukila. ¹² Iyi mishi shikali kuli kyakufisamo kyenu ukufuma kuba kushinkanya, pakwebati umuntu uwa mulandu akabule ukwipaiwa ukwakubula intashi ukwimakana ukwakubula ukulumbulula kuntashi yakimasamasa. ¹³ Mulye mulyelelwe ukuisala imishi shisanu na umo kwati mishi iyakufisamamo. ¹⁴ Mulilingile ukupana imishi itatu ubu shilya bwa Yodani naiyi tatumupanga ya Kenani. Ikaba mishi iyakufisamamo. ¹⁵ Pakuti abana ba Isuleli, kubena, nakuli onse uwikala mukachi kenu, iyi mishi isano naumo ikaba kwati mwakufisama kubakwebati ulionse uwaipaya umu nakwe mukubula kwishiba akabutukileko. ¹⁶ Lomba nga kyakwebati umuntu uwa mulandu amusomesha nekyele, kabili ulya basomesha nga sfwa, nishi ulya uwa milandu akaba ikine abawa kwipaya. Alilingile ikiine ukwiipaiwa. ¹⁷ Nga kyakwebati uwa mulandu asomesha umunakwe ne libwe mukuboko kwakwe pakwebati engepaya umubyakwe, kabili nga umbyakwe afwa, nishi ulya uwa mulandu akaba wakwipaya ikiine. Alilingile ukwipayiwa. ¹⁸ Nga kani uwa mulandu asomesha umunakwe ne kyaso kya kichi ikyokingepaya umubyakwe, kabili nga kyakwebati umunakwe afwa, nishi uwa mulandu ikiine aba uwakwipaya. Alilingile ukwipaiwa. ¹⁹ Uwa kushinkanya ne milopa alilingile ukwipaya ulya uwakwipaya. Ili amukumanya, uwakushikanya umulopa alilingile ukwipaiwa. ²⁰ Kani asomesha umbi mukumupatanaya ukumulasapo ikimo kimo ye, ili akali kufisama mukumupinikila ye, pakwebati ulya basomesha afwe, ²¹ nangu nga amusomesha ye panshi mukumupata ne kuboko kwakwe, pakwebati ulya uwamusomesha afwe, penka ulya uwamusomesha ye ikiine ye alingile ukwipaiwa. Wakwipaya uwakushinkanya kwa milopa kuti abika uwipaya ukumwipaya kani amukumanya. ²² Lomba umntu uwamulandu nga musomesha umuntu ukwakubula ukumupata nangu ukumupaselapo fimo filya ifa kumusomesha ukwakubula ukulala mukupebelela ²³ nangu nga amuposela ilibwe ilingepaya umuntu ukwakubula ukumumona, penka ulya uwa mulandu talipo mulwani uwaulya umuntu uyo basomesha; tali ali ukumusomesha ulya umuntu. Lomba ifi efifwile ukukita nga ulya basomesha nga afwa mushila ili yonse. ²⁴ Mufyakuba fiilya, ikimasamasa kililingile ukupingula pkati wamulandu no wa kushikanya umulopa ukulingakana ne fishite fya ifya mishilo ishi. ²⁵ Ikimasamasa kilingile ukupokolola uyo wamilandu ukufuma kumaka ukushinkanya kwa mulopa. Ikimasamasa kilingile ukubwesha uwa milandu ku umushi wakufisamamo uko bali kubutukila. Alilingile ukwikala kulya ukufika nakufwa kwa mupapatilishi umukulu ulipo, uyo uwasufishiwe na mafuta aya shilile. ²⁶ Lomba nga kyakwebati umuntu uwa milandu aya kumupaka wa mushi uwa kufisamamo papijii ili yonse uko abutukile. ²⁷ Kabili uwa kushikanya ne milopa nga kyakwebati amusanga pesonde ya mupaka wa mushi wakwe uwakufisamamo, kabili nga amwipanya umuntu wa milandu, uwakushikanya no mulopa takabe no mulandu wakwa ipayangana. ²⁸ Iki ni pa mulandu wakwebati umuntu uwa milandu afwile ukushala mumshi wakwe uwakufisamamo ukufika na kukufwa kwa mupapatilishi umukulu. panuma yakufwa kwa mupapatilishi umukulu, uwa milandu alilingile ukubwela kupanga ukwali ifipe fyakwe. ²⁹ Aya amafunde yali lingile uku ba ifipope pali webo na mukulo iya bantu bobe mukyende onse umo wikala. ³⁰ Uyo onse ukepaya umuntu ulionse, uwa kwipaya kalilingile ukwipayiwa, kwati kushininwa kumashiwi aya buboni. Lomba ishiwi lyabone umo weka tente lilengepo umuntu uli onse ukwipayiwa. ³¹ Kabili, taulingile ukupoka amaulipilo pa mweo pawakwipaya uyo wasangwa ne mulandu wa kwipaya. Alingilile ikiine ukwipaiwa. ³² Tamulingile ukupoka amalipilo kuli uyo uwabutukila kumushi uwa kufisaminamo. Tamulingile ukumusuminisha muli iyi inshila ukubwela mukwikala pafipe fyakwe umwine ukufikila na kufwa kwa mupapatilishi umukulu. ³³ Mwikabifya muliyi inshila ipanga emo mwikala, pakuti umulopa uwa ba kwipaya alonaula ipanga. Takulu ukulekelwa ukwingakitika mupanga iyo umulopa ayitikilamo, kani lukoso nomulopa uyo umo uwawichile. ³⁴ Tamulingile ukushilulula ipanga iyo mwikalamo pantu pakuti nemo tukwikala. Nemo, ba Yawe, dekala mukachi kabantu ba mu Isuleli.''