¹ Penka intangishi shakalwe kyafi fyashi kyakikota kyakwa Gile umwana wakwa Maka (uyo uwali mwana wakwa Manase umwalalume), uyo uwafumine mumukoka wakila kyakwa Josefi, alishile nekulabila pa menso akwa Mose kabili na pa menso yatangishi abali bakulu bakolwe kyafifyashi fya bantu bamu Isuleli. ² Kalabila, ba Yawe balilabile, ''ba Yawe bali mikambisheni mwebo, baShikulu, ukupela ikyanika ku bantu bamu Isuleli penka pakuya ububele. Kabili Zelefeadi umulongo wesu umwalalume ku mwana wakwe umwanakashi. ³ Pano kani abana bakwe abanakashi kabopwa kubalalume aba mushobo umbi mubantu ba mu Isuleli, penka ubupyani bwabo ikya kyalo bakakifumyako kukibese kya fikolwe fyesu. Bakakilunda kukiputulwa kyakulubali lwa mushobo kuli kikyo ikibese ikyabuswani bwesu. ⁴ Na muli kikyo elyo umwaka wa bubili wa bantu ba mu Isuleli kafika penka ubuswani bwabo bukalundwa ubuswani bukalundwa kuli bulya ubuswani bwabo bakabupokolola ukufuma kumutundu wafikolwe fyesu.'' ⁵ Penka Mose ali pene umukambisho ku bantu abena Isuleli, ukupichila mwishiwi lyaba Yawe alabila ati, ''Ifyalabile umutundu wakotakya Josefi fyali fya kine. ⁶ Ifi efintu ba Yawe ba kambishe ukulingana ne bana abanakashi abakwa Zelefata. Ali labile ati, 'Balekeni bopwe kuli onse uyu balanguluka uweme, kani lukoso ukupwa uwa mumukoka wa mutundu waba wishi.' ⁷ Takulipo ubupyani bwa bantu abena Isuleli ubaka ukubutuntulula ukufuma kumushobo umo ukuya mushobo umbi. Uli onse uwa bena Isuleli alilingile ukutwalilila mubupyani bwafikolwe fyabo. ⁸ Umwanakashi onse umwina Isuleli uuli nobuswani kumutundu wakwe ukupwa kuli umo uwa mumukoka ukufuma kumukoka waba wishibo ikilifyekefyo ukweba ati uli onse umuntu umwina Isuleli engekalamo nobupyani mukita. ⁹ Takulipo ubupyani ubo ba kakingya ukufuma mumaboko amutundu umo ukuya kumutundu umbi. Kabili imitundu yonse iya bena Isuleli ikakachile ubupyani bwabo.'' ¹⁰ Penka umwana umwanakashi wakwa Zelefata alikichile ifi na Yawe bamukambishe Mose. ¹¹ Maala, Tiza, Hogala, Mikaya, na Nowa, abana abanakashi abakwa Zelofata, balyupilwe, mukita kya bena Manase. ¹² Balyupilwe kumikoka yafikota fyakwa Manase mwana Yosefi. Muli iyi nshina, ubwikashi bwabo abupyani bwabo bwalishele mumutundu bwamaboko waba wishibo. ¹³ Aya mafunde kabili mishilo ba Yawe bapele abena Isuleli ukupichila muli Mose mu malungu aoabi ku Jodano ku Jeliko.