¹ Ba Yawe bali labile kuli Mose kabili ne kulabila, ² ''Kambisha abantu abena Isuleli ne kulabila kuli bena, 'nga mwaingile mu mushi uwa Kenani, mushi ukuba wenu, umushi uwa Kenani ne mipaka yakyo, ³ Imipaka yenu iya kukabeta ka bulenge ika kulu kufuma mu mpanga ya Zini kumbali ya mupaka ku Edomu. Kuka banga ku mpelo ya ku bulenge ku mipaka iya pelako ikaba ku bulenge kupelo ya kishiba alya mukele. ⁴ Imipaka yenu kufuma kuya ku kabanga ukufuma ku mpili ya Aklabbimu kabili ne kupita mu mpanga ya Zini. Kufumapo, ikaya ku bulenge ulwa Kaadeshi Balina kabili ne kutwalilika ku ya ku Haza. Adda kabili kufika na ku Azimoni. ⁵ Kufumapo, umupaka ukufuma ku Azimoni kuya apepi naku nika aka Ijipita kabili ne ku konka ku kishiba. ⁶ Kumipaka ya kumboshi ya kishiba iyi eikaba mipaka yenu kumboshi. ⁷ Umupaka wenu wa ku kubeta ka ku buyeke uka kula kuya kufuma kuka kishiba muka putule ikashibisho ukufika na ku mpili iya Hola, ⁸ Lomba kufuma iya Hola kuya ku Lebo Hamati, lomba ne ku Zedadi. ⁹ Eli umupaka uka twalilika kuya na ku Zifuloni kabili ne kupela ku Enaniiyi ikaba umupaka wenu uwa kubuyeke. ¹⁰ Lomba mukaputule ashibilo kumupaka kukabanga kufuma ku Haza Enani ku kabanga kuya ku Shefamu. ¹¹ Eli umupaka uwa kuka banga ukaya kufuma ku Shefamu kuya ku Libula, ku kabanga ka Aini. Umupaka uka twalilika ku ka banga ka kishiba aka Kinneleti. ¹² Lomba umupaka uka twalilika ku bulenga ku nika lya Yodani, kuya kushiba ikya mukele ne kulwalilika ku mupaka uwa kukabanga aka kishiba ikya mukele. Uyu kaba mushili wenu, mukakonke imipaka yonse konse.'' ¹³ Lomba Mose alibakambishe abena Isuleli ne kulabila ati.'' Uyu emushili muka pokelela ukupichila muli Loti, uyo ba Yawe ba mukambishe ukupela ku mitundu isanu na ine kabili ne ku mitundu iya pakachi. ¹⁴ Aba mutundu uwa ku kikota kywkwa Lubeni, ukukonka ifwakukita ifya palyafipe iya mutundu uwa fikolwe fwabo, ne mutundu uwa kikota ikya kwa Gadi, ukukonka ifya mutundu uwa fikolwe fwabo, kabili ne ku mutundu uya pakachi uwakwa Manase bonse ba poka umushili wabo. ¹⁵ Imitundu shibili ne shapakashi sha poka ulubali lyabo ulya mushili kukila ku Yodani ku Jeliko ku kabanga, mupepi ne kusama ukwa kasuba.'' ¹⁶ Ba Yawe bali labile kuli Mose ne kulabila, ¹⁷ ''Aya emashina ya bantu aba kakanya umushili waku swaana mwebo: Eleza umupapatilishi na Yoshiwa umwana wakwa Nuni. ¹⁸ Mulilingile ukusalapo intungulishi umo kufuma ku mutundu onse mukwa banya umushili uwa mukoka wabo. ¹⁹ Aya emashina ya bantu: kufuma ku mutundu uwa Yuda, Kalebu umwana wakwa Yefune. ²⁰ Kufuma ku mutundu uwa kukikota kya kwa Shimoni, Shemulo umwana wakwa Ammihudi. ²¹ Kufuma ku mutundu uwakwa Benjmani, Elidad umwana wakwaKishiloni. ²² Kufuma ku mutundu uwa ku kikota kikyakwa Dani intangishi, Bukki umwana wakwa Jogili. ²³ Kufuma ku kikota ikyakwa Yose, uwa ku mutundu uwa kukukikota ikyakwa Manase intangishi Hanyela umwana wakwa Ephodi. ²⁴ Kufuma ku mutundu uwa kukikota ikyakwa Efulemu intangishi, Kemwele umwana wakwa Shifatani. ²⁵ Kufuma kukikota ikyakwa Zebuluni intangishi, Elizafani umwana wakwa Panaki. ²⁶ Kufuma ku mutundu uwaku kikota kyakwa Issaka intangishi, Pashele umwana wakwa Azzani. ²⁷ Ukufuma kukikota kyakwa Ashela intangishi, Ahihuda umwana wakwa Shelomi. ²⁸ Ukufuma kukikota kyakwa Nafatali intangishi, Pedahele umwana wakwa Ammihude.'' ²⁹ Ba Yawe bali mukambishe aba bantu ukwa kana umushili wa Kenani kabili ne kupela uli onse pa mutundu pa mutundu uwa ku Isuleli ikiputulwa kwabo.