¹ Ifi efyali ukwenda kwa bena Isuleli ukufuma ilyo bafumine mukyalo kya Ijipiti pamo ne ba shilikale babo abalipekenye muli butangi bwakwa Mose na Aloni. ² Mose kalemba panshi pamapusha ukufma kulya afumine na kulya alikuya, ifi efyo kumukambisha kuli ba Yawe. Ifi fyali mukwenda kwabo, ukuya ne kufuma ne kuya. ³ Penka kabenda ukufuma ku Lamese muli iyo ipindi iyakutanga kwa mweshi. Kabafumako mubushiku ubwe kumi nali limo na asanu mumweshi wa kutanga, penka lwali lukelo panuma ya kililo, abantu abena Isuleli kabafumako apatubile, kumeso abena Ijipiti bonse. ⁴ Ifi fyali kichilwe ilyo abena Ijipiti bali kushika bonse abana babo ababeli, Bonse abo ba Yawe balipaile mweka mulibo pantu nabo kabafikisha tulesa twabo. ⁵ Penka abantu abena Isuleli balyendele ukufuma ku Lamese kabili kabekala kwenka mukambiya kusukoti. ⁶ Penka kabendako ne kufumako kusuko tine kwikala ku kende ya Efami. Ili mumbali ya mpanga. ⁷ Penka mukambi ne kufumako ku Efami kabili ne kwalukila ku pikachiloti, uko uku ifyali kebeshe na Baal Zephoni, kweka kulya eko bakele kukambi ukupusene na Migdoli. ⁸ Penka nabo kabendako ne kufumako ukupusene na ku pikachiloti kabili kabapichilila pakachi ka kishiba ikyali mupanga. Penka kabenda Ishiku shitatu mulwendo mwenka mu mpanga ya Etami kabili kabekala mukambi ya Mala. ⁹ Kabenda ne kufumako ku Mala kabili ne kufika ku Elimi. Kwenka ku Elimi kwali ikumi limo na tubili kukatuputuputwa meshi ne fichi fya lukindu amakumi asanu ne makumi abili. kwenka kulya eko baikele. ¹⁰ Penka kabendako ukufuma ku Elimi kabili kabekala kukambi ya kishiba ikya matete. ¹¹ Penka kebendako ukufuma ku kishiba ikya matete ne kwikala mu mukambi mu mpanga ya kubifya. ¹² Penka kabendako ukufuma mu mayamba iya kubifya ne kwikala mukende ya Dofapika. ¹³ Penka kabenda ukufuma Dofapika ne kwikala mukambi ya Alushi. ¹⁴ Penka kabendako ukufuma ku Alushi ne kwikala mukambi ya Lephidimi kwenka kulya uku takwali amishi aakunwa abantu. ¹⁵ Penka kabendako ukufuma ku Lephidimi ne kwikala mukambi ya mumbi ya ku Sinai. ¹⁶ Penka kabendako ukufuma mu mpanga ku Sinai ne kwikala mukambi ya kibulo fi Hatatafa. ¹⁷ Penka kabendako ukufuma ku kibulofi Hatatafa ne kwikala mukambi ya Hazelofi. ¹⁸ Penka kabendako ukufuma ku Hazeloti ne kwikala mukambi ya Lifima. ¹⁹ Penka kabendako ukufuma ku Lifima ne kwikala mukambi ya Limoni Pelezi. ²⁰ Penka kabendako ukufuma ku Limoni Pelezi ne kwikala mukambi ya Libana. ²¹ Penka kabendako ukufuma ku Libana ne kwikala mukambi ya Lisisa. ²² Penka kabendako ukufuma ku Lisisa ne kwikala mukambi ya Keilata. ²³ Penka kabendako ukufuma ku Keilata ne kwikala mukambi ya lupili lwa Bembeshi. ²⁴ Penka kabendako ukufuma ku lupili lwa Bembeshi ne kuya mukwila mu mukambi ya Halada. ²⁵ Penka kabendako ukufuma ku Halada ne kwikala mukambi ya Makelofini. ²⁶ Penka kabendako ukufuma ku Malelofi ne kwikala mukambi ya Talati. ²⁷ Penka kabendako ukufuma ku Talati ne kwikala ku Tela. ²⁸ Penka kabendako ukufuma ku Tela ne kwikala mukambi ya Mifikani. ²⁹ Penka kabendako ukufuma ku Mifikane ne kwikala mukambi ya Hashimona. ³⁰ Penka kabendako ukufuma ku Hashimona ne kwikala mukambi ya Moselofi. ³¹ Penka kabendako ukufuma ku Mosselofi ne kwikala mukambi ya Bene Jakani. ³² Penka kabendako ukufuma ku Bene Jakani ne kwikala mukambi ya Hola Haggidaga. ³³ Penka kabendako ukufuma ku Hola Haggidaga ne kwikala mukambi ya Jotibafai. ³⁴ Penka kabendako ukufuma ku Jotibafai ne kwikala mukambi ua Abulona. ³⁵ Penka kabendako ukufuma ku Abulona ne kwikala mukambi ya Ezilyoni Geba. ³⁶ Penka kabendako ukufuma ku Ezilyo Geba ne kwikala mukambi ya mu mpanga ku Zini ku Kadeshi. ³⁷ Penka kabendako ukufuma ku Zini Kadeshi ne kwikala mukambi ya Lupili Holi mumbali ya kyalo kya Edom. ³⁸ Aloni umupapatilishi kaya mukunisa kulupili lwa Hola ulwa ba Yawe mu ku mukambisha ne kufwila kulya kweka mu mwaka wa makumi ane panuma ya bantu abena Isuleli pa kufuma mu kyalo kya ijipiti, mu mweshi wa busanu, mubushiku ubutashi ubwa mweshi. ³⁹ Aloni ali ne myaka 123 iya bukulu penka naye kafwa kulya kulupili lwa Holi. ⁴⁰ Penka abena Kenani, ne mfumu ya Aladi uyo uwali kwikala kukabe ya akabulenge mu mpanga iya mu kyalo kya Kenani. Uwa ufwile ukwisa kwa bantu abena Isuleli. ⁴¹ Penka kabendako ukufuma ku lupili lwa Holi ne kwikala mukambi ya Zalumona. ⁴² Penka kabendako ukufuma ku Zalomona ne kwikala mukambi ya Punoni. ⁴³ Penka kabendako ukufumako ku Punoni ne kwikala mukambi ya Obofi. ⁴⁴ Penka kabendako ukufumako ne kwikala mukambi ya lye Abalimi, ku mupaka wa Moabi. ⁴⁵ Penka kabendako ukufumako kulye Abalimi ne kwikala mukambi ya Diboni Gadi. ⁴⁶ Penka kabendako ukufumako ku Diboni Gadi ne kwikala mukambi ya Alimoni Dibulatami. ⁴⁷ Penka kabendako ukufumako ku Alimoni Dibulatami ne kuya mukwikala mukambi ya kulupili lwa Abalimi ipusene na ku Nebo. ⁴⁸ Penka kabendako ku lupili lwa Abalimi ne kwikala mukambi ya mulungu lya Moabi kubwipi na Jodani ku Jeliko. ⁴⁹ Penka kabendako kulya ku Jodani, ukufuma ku Befa Jeshimoti naku Abeli Shitimi mu mwilungu lya Moabi. ⁵⁰ Ba Yawe bali labile kuli Mose mulya mwilungu lya Moabi kulya ku Jodani ku Jeliko ne klabila,'' ⁵¹ Labila ku bantu abena Isuleli ne kulabila kulibo. Penka mwebo mukupitaila ku Jodani mu kyalo kya Kenani. ⁵² Penka mwebo mukaba ne kufumya fyonse ifya mu kyalo mulya ne kukipoka ukuba kyenu mwebo, mwebo mukaba ne kwipaya fyonse ifilimo na mulya monse mu mabwe kubasa, mwebo mukonaula byonse nafilya ifibumbwa bumbwa ifya kabasane kufyonaula fyonse na mulya mukende ishisutwilwe shonse mukonaula. ⁵³ Mwebo mukapoke ne kupoka fyonse ifi bakwete mulya mu kyalo ne kwikalamo, pakuti na bapele mwebo ikyalo ne kwikalamo. ⁵⁴ Mwebo mu kakipyana ikyalo pakupanga ububale ukulingana pa kumukokupa mukoka, kuli lyi imikoka ikulu wabo ukapele ifi kulu pantu bali ne kubali ulukulu mulya mukalo, kabili ku inini imikoka webo ukabapele ifinini pantu ulubali lukaba ulu nini lya mu kyalo. Konse uku kaponena ububale ku mu mulya mu mukoka, penka ikyalo kikapelwa kulibo. Mwebo mukali kuswana kilye kyalo ukulinga kuli onse imitundu mufikolwe fyabo. ⁵⁵ Lomba mwebo inga tamwaka fumyemo mukalo abantu aba iketemo pakutanga, penka mwebo abantu mukasumisha ukuba fya kuli someshako ne kulasako. Penka kakulenga ubwikalo bobe webo ukuba bukateshe mulya mu kyalo ikyo ukali kwikala. ⁵⁶ Penka ifi kali ku moneka ati patu nemo pano naishiba mukwebati kali kukita kuli bonse abantu. Nemo kali kukita na kuli webo.''