¹ Aya emapalo ayo Mose muntu wa ba Lesa apalile abantu ba Isuleli ili tangafwa. ² Alilabile: Ba Yawe balishile kufuma ku Sinai ne kwimakana kufuma ku Seili pali bena. Alibalikile kufuma kulupili lwa Palani, kabili alishile ne makana ikumi limo ilya bamushilo. Mukuboko kwakwe kwa kulyo mwali ukubyasha kwa mfula. ³ Kyakine, alitemenwe abantu; abantu bakwe bonse abamushilo bali mukuboko kwenu, kabili balafukama panshi ku molu enu; balapokelela ifyebo fyenu. ⁴ Mose alitukambishe umushilo, ubupyani bwa ibumba lya Yakobo. ⁵ Penka kwali mfumu mu Yeshuluni, ili imitwe yapabantu ya bungene, imitundu yonse ya Isuleli pamo. ⁶ Lekeni Lubeni ekalene bumi kabili efwayoo, Lomba abantu bakwe abalalume babe banini. ⁷ Ili lipalo lyakwa Yuda. Mose alabile ati: Kutikeni, ba Yawe, kwi shiwi yakwa Yuda, nekumuleta ku bantu bakwe libili. Mulwileniko; mwafweniko ne balwani bakwe. ⁸ Kukuma kuli Levi, Mose alabila: Tumimi yenu kabili na ulimi yenu fyakwa uwankishi wenu, uyo-oo mwaeseshe ku Masa, naye-oo mwatosheshe nao ku menshi aku Meliba. ⁹ Umwalalume uwalabile palwa bawishi ne banyina ati, ''Shiba mwenepone.'' Nangu kubasakamana abalongo bakwe yo-oo, nangu kubaposako amano abana bakwe yo-oo, pakuti ena alilamine bwino ikyebo kyenu kabili ne kusunga ululayañano lwenu. ¹⁰ Alasambilisha Yakobi imikambisho yenu kabili na Isuleli umushilo wenu. Akabika ifyakufutumuna ifyakena akwaweme kutashi yenu kabili ne mulambu onse uwakokya pakyokelo kyenu. ¹¹ Paleni, ba Yawe, ubunoshi bwakwe ne kusumina ikinto ya maboko akwe. Fumpuleni imisana ya bonse balya abamwimakanina, kabili na balya abali pa balya bantu abamupatile, pakuti bemwimina na libili. ¹² Kuli Bejamini, Mose alabila: Umo uo batemenwe kuli ba Yawe balekala mubufisolo mukati kakwe; Ba Yawe balamukingilila ubushi ku bonse; kabili alekala pakati ka maboko aba Yawe. ¹³ Kulosha kuli Yosefa, Mose alabila: Ikyalo kyakwe kipalwe naba Yawe ne fyabune ifya mwiulu, ne kine kabili ne fili pashi ya mushili. ¹⁴ Ikyalo kyakwe kipalwe ne fyabune ifintu ifya kwangula fya kasuba, nefyabune ifintu fyakuletwa kwa mwenshi, ¹⁵ nefintu ifiweme ukukilapo fya mpili shakale, kabili nafintu ifyabune ifya mpili ne mpili sha myaka. ¹⁶ Ikyalo kywakwe kipalwe ne fintu ifyabune fya mushili na fyonse ifilipo, kabili ne kuwama kwa bufwayo bwa ulya uwali mupanga. Lekeni amapalo esepa mutwi wakwa Yosefi, kabili pamulu wa mutwi wakwe ulya uwali mwana umwalalume wamfumu ku balongo bakwe. ¹⁷ Mubeli wa ngombe, lipaka eo, kabili sengo yakwe ni sengo yafumbo. Nisho akasunkilako abantu, bonse lukoso, kubafisha kupelo ya kyalo kya pashi. Aba makana ikumi abena Efulamu; aba makana abena Manase. ¹⁸ Kulosha kuli Zebuluni, Mose alabila: Sekelela, Zebuluni, mukufuma kobe posonde, na webo, Isakali, mu matente obe. ¹⁹ Baketa abantu ku mpili. Bakapela imilambu ya bulungami. Pakuti bakakama ubwingi bwa fishiba, na ku muchanga wa kukitulu kya kishiba. ²⁰ Kukuma kuli Gadi, Mose alabila: Alipalilwe ulya uwakukusha Gadi. Akekala mulya koti bokwe umukashi, kabili akatabaulako ukuboko nangu umutwi. ²¹ Alipela umwine ikiputulwa ikiweme ukukilapo, pakuti mulya emuli punsha ya kyalo ikibasungila itangishi. Alishile ne mitwi yapa bantu. Alisendele ubupungushi bwa ba Yawe kabili ne mikambisho na Isuleli. ²² Kukuma kuli Dani, Mose alabila: Dani mwana wabokwe uwima kufuma ku Bashani. ²³ Kukuma kuli Nafitali, Mose alabila: Nafitali, alilingilwe nkumbu, ne mapalo onse kufuma kuli ba Yawe, pinta ikyalo kya kumboshina ku bulenge. ²⁴ Kukuma kuli Asha, Mose alabila: Apalwe Asha ukukila abana abalalume bambi; Lekeni bamupokelela kubalongo bakwe, kabili lekeni atupe kulu kwakwe mu mafuta a Olifi. ²⁵ Imyamba ya mushi obe ibeya kapotwe ne mukuba; fyenka ikikafula ishiku shobe, efikabane bukingo bobe panga pamo. ²⁶ Takuli uuli koti niba Lesa, Yeshuluni - umulungami, uwenda kupita mwiulu ne kumwafwa kwenu, kabili ne pabukulu bwakwe pa makumbi. ²⁷ Ba Lesa wenu aba myaka ne myaka kyesu kya kufisamamo, kabili napashi epali amaboko imyaka ne myaka. Alatafyako abalwani kutanshi yenu, kabili alilabile ati, ''Bonauleni!'' ²⁸ Isuleli alikele mubukingo. Kukantuputumpu isulo ya menshi yakwa Yakobi yali kingilwe mu kyalo kya kalyo kaseke ne fisunga fyabukumo; kyakine, lekeni ameulu aponye ikime paliye. ²⁹ Amapalo yenu yengi, Isuleli! Ninani uulinga mwebo, abantu abo ba Yawe bapuswishe, ikebo ya bwafulisho bwenu, ikipanga kya mukulu pa bakulu wenu? Aba lwani benu bakesa kuli mwebo bakotutuma; mukanyataula pa punsha abo apeulu.