¹ Mose alile pamulu kufuma mwilungu lya Moabi kuya palupili lya Nebo, pamulu wa Pisiga, uulo lankene na Yeliko. Palya ba Yawe bali mu mweneshe ikyalo kyonse ikya Gileadi ne kufika lukoso naku Dani, ² kabili na Nafitali yonse, ne kyalo kya Efulemu na Manase, kabili ne kyalo kyonse ikya Yuda, kumboshi ya kishiba, ³ kabili na Negevi, ne lungu lya mumikolo ya Yeliko, mushi umukulu wafiti fya ku fumyako amafuta, kufika lukoso naku Zoali. ⁴ Ba Yawe balilabile kuliye, ''Iki ekyalo na bapile kuli Abulaamu, Isaki na Yakobi, kulabila ati, 'Kakipela ku fikolwe fyenu.' Nakusuminisha ukwebati ukimone ne menso obe, lomba tawakabukileko kulya yoo.'' ⁵ Kanshi mose kalume waba Yawe, alifwilile kwenka kulya mu kyalo kya moabi, koti ishiwi lya ba yawe lyalailwe. ⁶ Ba Yawe balimushikile mumukolo mukyalo kya moabi kulikebesha na Beti Peoli, lomba ta kuli po umuntu nangu umo uwishi apali akabuli kakwe kufikalukoso na lelo yoo. ⁷ Mose aline myaka umwanda umo ne makumi abili ilyo afwlle; ilinso iyakwe talyafwilepo, nangu ikosa shamubili wakwe kupwa yoo. ⁸ Abena Isuleli balimulilile Mose mumalungu a Moabi panshiku amakumi atatu, kabili penka inshiku sha kumulila Mose shalipwile. ⁹ Yoshiwa mwana mwalaluume wakwa Numi aliswilwe ne mano, pakuti Mose alibikile amaboko akwe paliye. Abena Isuleli baleufwa kuliye kabili nekukita fyonse ifi ba Yawe bakambishe Mose. ¹⁰ Takwaiminepo ngaushi mu Isuleli uwali koti ni Mose, uuba Yawe baishibile ikilungi ne kilungi. ¹¹ Takwalipo uwakwaula nangu umo uwali koti niye mu fishibilo ne fyakukankamana ifyo ba Yawe bamutumine mukukita mu kyalo kya Ijipita, kuli Felo, nakubakalume bakwe bonse, kabili naku kyalo kyakwe kyonse. ¹² Takwalipo uwakaula uwali koti niye muli fyonse ifikulu, fyubilo fya kuletane mwenso ifyo Mose akitile mu menso a bena Isuleli bonse.