¹ Mose alile nokulabila aya mashiwi kubena Isuleli bonse. ² Nokulabila kulibo, ''Pano ndi nemyaka 120; Tekuti inye nokwisa mukaci; Ba Yawe balabila kuli nemo, 'Tawaya bushilya bwa Yodani.' ³ Ba Yawe Lesa wenu, bakaya na webo kutangile yobe; akonaula ifyalo kutangile yenu kabili mukabalama bo. Yoshiwa, akabakutangile yenu, fyenka ba Yawe balabila. ⁴ Ba Yawe bakakinta kulibo fyenka bakitile ku Sihoni naku Og, imfumu sha bena Amoliti, nakupanga, iyo ao nawile. ⁵ Ba Yawe bakabapeleni kuli mwebo, kubili nokukita kulibo ifi namokambisheni kuli mwebo. ⁶ Koseni noku twalilila ukukosa, mwetina, kabili mwebafutuma; pakuli ba Yawe Lesa wenu, euya na mwebo; takafilwe kuli mwebo nangu ukumilekelesha.'' ⁷ Mose alitile Yoshiwa nokulabila kuli ye mu menso abena Isuleli bonse, ''Koseni kabile nokuli koshesha ukuweme, pakuti ulukuya na bantu mupanga iyo ba mweneshe akakolwe ukupana kuli bo; kikalenga bo ukulikalima. ⁸ Ba Yawe, euya kutangile yenu; akaba na mwebo; takafilwepo nangu kumilekelesha mwebo; mweba nomweso, mwe lilengulula.'' ⁹ Mose alilembele iyi mishilo nokuipana ku bapapatilishi, abana ba bena Lev,i aba lukupita imbokoshi lyalulayañgano lwa ba Yawe; nokupana fimo kubakulu ba Isuleli. ¹⁰ Mose kabakambisha nokulabila kulibo, ''Ati kupelo ya myaka isanu na ibili, pa mpindi ilingile kupana ikongole, mupindi ya kusekela fisasa, ¹¹ ili bonse aba Isuleli baisa mukumonekela ku menso yaba Yawe Lesa wenu mupusha mwasalile kwitepuli lyakwe, mukabelenge iyi mishilo kutangile yaba Isuleli bonse ku matwi abo. ¹² Bunganya abantu, abalalume, na banakasi, na banini, na beni abali mumishi yenu mumilyango, pakwebati bengofwa nokufunda, kabili nokukindika ba Shikulu ba Yawe Lesa nokulama ifyebo ne mishilo. ¹³ Kiteni ifi pakwebati abana babo, abatabeshibile bengofwa nokusambilishiwa ukukindika ba Yawe Lesa wenu, fyenka mwikala mu kyalo uko mulukuya bushilya bwa Yodani mukekela.'' ¹⁴ Ba Yawe kabalabila kuli Mose, ''Mona, ubushiku buli kwisa ili ukafwa; ita Yoshiwa nokulipana wemwine mwitete lyakukumaninamo, pakwebati pane ukukambisha.'' Mose na Yoshiwa kabaya nokulipana abene mwitente lyakukumaninamo. ¹⁵ Ba Yawe kabamonekela mwitente mwishiki lyakumbi; mwishiki kulimakana pa mulango wetente. ¹⁶ Ba Yawe kabalabila kuli Mose, ''Mona, ukalala nabawiso; abantu bakema nokukita koti ba cecemeshi ukukonka ba lesa bambi abali muli mwebo mu kyalo umumulukuya. Ba kasula nemo nokonaula ululayañgano na pangile nabo. ¹⁷ Penka, pali bulya bushiku, ubukali bukema kulibo nokubemika. Kafisa ipumi yangi ukufuma kulibo kabili nokonaulwa. Ukonaulwa ukwingi namakatasho ukabasanga pakwebati bakalabila pali balya bushiku, 'Kashi ubonaushi tabwishilepo pali fyebo pamulandu balesa tabali pakati kesu?' ¹⁸ Kine kafisa ipumi yangi ukufuma pali bo nokwisa pali fwebo pali balya bushiku pa mulandu wa fyonse ifibipile bakita ifi bakita, pakwalulukila kuli ba lesa bambi. ¹⁹ Pano nemba ululwimbo we mwine nokusambisha abena Isuleli. Bika mukanwa kobe, pakwebati ululwimbo lukabe nikamboni pali nemo naku bantu ba mu Isuleli. ²⁰ Pakuti ili na bafumishe mupanga iyo nababulile ukupela kufikolwe fyabo, ipanga yamukaka nobuki, bulukusuma kabili balya nokutondwa nokwina, penka bakalulukila kuli ba lesa bambi nokubalama bakandengulula nemo nokonaula ululayañgano lwangi. ²¹ Ili ububi namakatasho aisa pali baba bantu, ululwimbo lukaba bukamboni (pakuci taba kalumbemo mutunwa twa fikolwe fyabo). Pakuci naishiba imilangwe balukukinta lelo, nangu na cibafumishe mu kyalo na balaile.'' ²² Pano Mose kalemba ulwimbo pabushiku bumo nokubasambisha abantu abena Isuleli. ²³ Ba Yawe kabapela Yoshiwa mwana Nuni nokumukambisha nokumebati, ''Kosa nokwilabwino mukutundaika, pakuci ukabwesha Isuleli mupanga iyo na ba mweneshe, kabili kabanawebo.'' ²⁴ Kyali kitikile ili Mose apwishishe ukulemba ifyebo mwi buku, ²⁵ ili akambishe abena Levi abapichile imbokoshi ya lulayañgano lwaba Yawe, nokulabila ati, ²⁶ ''Bula ibuku lyamishilo nokulibika kumbali ya mbokoshi ya lulayañgano lwa ba Yawe Lesa wenu, pakwebati lube nikamani kuli webo. ²⁷ Pantu naishiba ukusatuka nemikoshi iyi kosele moneni ili kili umumi na mwebo lelo mwasatukila ba Yawe pano shani ilikafwa? ²⁸ Bungisha kuli nemo abakulu bamumikoka, na ba filolo, pakwebati ndabile ifi fyebo mu matwi abo nokwita iulu ne kyalo ukuba ni mboni kulibo. ²⁹ Pakuci naishiba panuma yalufu lwangi muli nokulyo naula mwebene nokwalukila mushila imbi iyo namikambisha; ubonaushi bulino kwisa pali mwebo pa bushiku bwakokapo. Ifi filino kukitika pakuti mwakita ububi kumenso yaba Yawe, ifi mwabatatika ubukali ukupitila mukupyunga kwamabo yenu.'' ³⁰ Mose alyufwile mu matwi ya bonse abena Isuleli ifyebo fyalwimbo ukufika na pa kupwisha.