¹ Ili yonse fintu fyaisa kuli mwebo, Ishuko ne fingo nabika kutangile yenu, Ili mwaita mukalango na fyalo fimbi umo ba Yawe Lesa wenu amitwala, ² kabili ili mwabwela kuli ba Yawe Lesa wenu nokunakila ishiwi lyakwe, ukukokela fyonse namikambisha lelo -mwebo nabana benu - nemitima yenu no mweo wenu onse, ³ penka ba Yawe Lesa wenu akamipulusha kubusha ubusha bwenu kana bawapwa; Akabwela kabili nokumibunganika ukufuma mu mikoka ba misalanganyeni. ⁴ Anga mubusha bwenu abantu abalyapatali mupusha mushi yameulu, ukufuma kuli ba Yawe Lesa wenu bakami bunganika mwebo, kabili nokumifumya ukomwali. ⁵ Ba Yawe Lesa wenu ukamileta mupanga iyo ba Wishinwe bainayo. kabili muli nokwikala libili; Akamikitila ifiweme nokumifusha ukukilaba wishinwe. ⁶ Ba Yawe Lesa wenu akasembululwa imitima yenu kabili ne mitima ya fikolwe fyenu, Ali mukatemwe ba Yawe ba Lesa wenu ne mitima yenu yonse no mweo yenu yonse ukweba mwikale no bumi. ⁷ Ba Yawe Lesa wenu bakabika ifingo pabalwani benu nabamipalile naba mipesha. ⁸ Mukabwela kabili nokunakila ishiwi lya ba Yawe, nokukita amalamuna yabo ayandu kumikambisha lelo. ⁹ Ba Yawe Lesa wenu bakalenga ukwikalila nokwishibanikwa mukupyanga konse akwe maboko, mu fisepo fya mukapafu, mufisepo ifya filelwa ne fisepo fyamumushili wenu, pakwishibanikwa. Naba Yawe bakasekela kabili nokwishibanikwa, fyenka basekela muli ba wishibo. ¹⁰ Akakita ifi kani mwanakila kwishiwi lyaba Yawe Lesa wenu, nokulama imikambisho na malamuna alebelwa mwibuku ili ilya mishilo, kana mwa alukila kuli ba Yawe Lesa wenu ne mitima ne myeo yenu yonse. ¹¹ Paliyi mikambisho nduku mikambisha lelo taikoselepo kuli mwebo, nangu ukutalipa ukufika. ¹² Tali mwiulu, ukwebati mwinga labila,' uyu ninga naye peulu nafwebo nokubwesha pashi nokulenga ukufwa, ukwebati takite ifi?' ¹³ Nangu nipa kishiba, Alitwinga labila,' Nani uwinga ya pakishiba palifyebo nokulenga ukufwa fwebo, nokukita?' ¹⁴ Lomba ikyebo kilipa bwipi kuli mwebo, mutunwa twenu na mutima yenu, ukwebati mukite. ¹⁵ Moneni, lelo nobika ubumi nefiweme, ulufu nekibipile. ¹⁶ Anga mwanakila ififwaya ba Yawe Lesa wenu, Ifi ndukumikambisha lelo nokutemwa ba Yawe Lesa wenu, ukwenda mushila shabo, nokulama imikambisho yabo, namalayo nefi bafwaya mukekala kabili nokufusha, kabili bali nokumipesha mukyalo umo mulukwingila nokwikala. ¹⁷ Lomba anga imitima yenu kaifumako nokubula ukukutika lomba palififi nokufumako kabili nokufukamina ba lesa bambi nokubapupa, ¹⁸ penka nabilika kuli mwebo lelo ukwebati muli noko naika; kabili tamwakatwalilile ishiku shenu mupanga umumulukupita ukuya ku Yodani nokwikala. ¹⁹ Naita lulu ne kyalo ukuba nimboni kuli mwebo lelo ukwebati nabia ulufu nobumi ipese ne fingo; penka saleni ubumi ukwebati mwikale mwebo nekifyashi kyenu. ²⁰ Kateni ukwebati mutemwe ba Yawe ba Lesa wenu, ukunakie ishiwi lyakwe, nokukakatila kuli ye pakuti ebumi bwenu nobutali bwashiku shenu; kiteni ukwebati mwikale nobumi mupanga ba Yawe balaile abashakulu benu, Abulama nakuli Isaki, Yakobi ukubapela.''