¹ Aya emashiwi ati ba Yawe bali mukambisho Mose ati ukababule abantu abena Isuleli mu kyalo kya Moabi, amashiwi ati akulundako kukulayañgana pakuti naye ata mukukita ifi kulibo ku Olebi. ² Mose kabamwita kuli bonse abena Isuleli kabili kalabila kulibo, ''webo waba nekumona fyonse ifintu ifyo ba Yawe bakita penka pa menso wobe wemwine mwenka mu kyalo kya Ijipiti kuli Falo, nakuli bonse aba pyungishi bakwe, kabili na kuli bonse aba mu kyalo kyakwe - ³ ne kupenga kukulu uko wemwine wamona, ne fyakumwenako, kabili na fyonse ifyo ifikuli ifyakukumya. ⁴ Pakuti ukufika kuakasuba kano ba Yawe tabakabe ne kukupela webo umuchima wakwishiba, amenso ne kumona, nangu matwi akufwa. ⁵ Nemo nali kubatangilileni paimyaka amakumi ane mwenka mupanga; ifya kufwala fyenu tamukali kuba ne kufifwala bo kuli mwebo, kabili ne makwabilo enu tamukali kuba ne ku afwalapo ku molu enu mwebo. ⁶ Webo taukali kulyapo nangu ni wonse umukate, kabili nangu kumwapo yonse imifaini nangu ifipendañgana ifyakunwa, pakwebati webo ukeshibe ati nemo ni nemo ba Yawe ba Lesa wobe. ⁷ Penka webo ukesa kwenka kuli uno umupunda, Sikoni, imfumu ya ku Kesibono, kabili na Ogo, imfumu ya ku Bashani, alishile mukufuma mukulwa na fwebo kabili kubapuma nabo mukubakifyo. ⁸ Fwebo tukaba ne kupokolola kilya ikyalo ne kukipela ati kikaba kya kwa Lubeni mukuba kyabupyani bwakwe, na kubena Gadi, kabili ne kiputulwa kimo ikya mutundu wakwa Manase. ⁹ Pakuti fifi bakali kulama amashiwi ayo akulifi ifyakalayañgana kabili mukukita kulibo, Lomba ati mwebo mukali kushukwa muli fyonse ifintu ifyo mukali kukita. ¹⁰ webo waimakana lelo, mwense mwebo, penka pali ba Yawe Lesa wenu; imfumu shenu, imitundu yenu, abakulu benu, kabili ifilolo fyenu na bonse abalalume abena Isuleli. ¹¹ Abana benu abanini, ne bakashi benu, kabili ne beni abili pakachi bali mwebo mwenka mukambi shenu, ukufuma kulibo abo abakuputula ikuni kuli mwebo nabo abakali kutapula amenshi enu mwebene. ¹² Mwebo mukali kulipano mukwebati mukuli kwingila mukulikulayañgana na ba Yawe Lesa wenu kabili na mwenka mukulapa kuli ba Yawe Lesa wenu mukubalengeni mwebo lelo, ¹³ lomba ati naye akabalengeni mwebo lelo mwenka mu bantu kuli ye umwine, kabili ati naye akaba ni Lesa wenu mwebo, kwati niye akolabila kuli mwebo, kabili kwati niye akolaya kufikota fyenu, kuli Abulama, nakuli Isaki kabili nakuli Yakobi. ¹⁴ Penka ati takuli lukoso kwenka kuli mwebo ati naye akabalengeni mulifi ifyakulayañgana kabili ne fyakulapa - ¹⁵ pamo na wonse umo uli muwimakana pano pamo na fwebo lelo penka pali ba Yawe Lesa wenu - pakuti nakuli wonse uyo utalipo pamo na fwebo lelo. ¹⁶ Mwebo mukeshiba ifyo ifi mwali kwikala mu kyalo kya Ijipiti. kabili nefyo ifi ifyo mwali kwisa ukufuma kukabeta kabulenge na ku mutundu yonse iyo mwali kupita mukachi mulibo. ¹⁷ Mwebo mwali mwene filya ifipakabi ifya fibumbwa bumbwa ifyo bapakile ifyafichi ne fya mabwe, ne Silifa ne Ngolide, ifyo ifyali pakachi palibo. ¹⁸ Mwenka mulya ikyakine pakachi pali mwebo tapakabepo nangu muntu, nangu mwanakashi, nangu mukoka, nangu mutundu uyo wonse ukalula umutima lelo ne kufuma kuli ba Yawe Lesa wenu, pakwebati mwakaye mukupopwela balesa abo abali muliyo imitundu. mukukita filya ikyakine tafikuli pamo na mwebo nangu nikyonse ikyamishashi uwikata indullwe iya kyambeshi kyakichi. ¹⁹ Penka ati pa muntu akofwa ne mashiwi ayo ali akufingana, naye akali ku bashukisheni ye umwine mwenka mu muchima wakwe ne kulabila, 'Nemo kali kwikala mu mutende nangabati, nemo kali kwenda mu muchima ukosele kuli umwine.' Ifyi fikali konaulwa pamo ne kuli kuya ili fyuma. ²⁰ Ba Yawe tabaka kufitulukilepo kuli bo, pakuti mukwebati, ne bukali bwa ba Yawe ne bukwa bakali kuli mukumufutu mukila ubushi ne bulwani kuli ulya umuntu, kabili ne shina lyakwe ukufuma mwenka mwiulu. ²¹ Ba Yawe bakali ku muteteka pa mbali kuliye mufyakukatasha ifyo ifikali kufuma mumitundu yonse iya bena Isuleli, mukuli kualama pamo wonseamafingo na kufyakulayañgana ifyo ifyalembelwe mwenka mwibuku ilya mishilo. ²² Penka ikulo ili ne kwisa, abana benu abo abakali kwima panuma yenu mwebo, kabili na kubeni abo abakakwisa ukufuma mufyalo fya mutali, bakali kulabila penka bakali kumona imyalo ya muli kilya ikyalo kabili ne malwele ayo ba Yawe bakali kuba ne kita ifi kukulwala - ²³ kabili penka bakali kumona ati kyonse ikyalo kikali kuba mufyakukatasha ne kuli kuya umukele, mulya tamuka kuli ku byalwamo nangu fisepo ifipanga, tamukali kubapo umushili uwakime uwa kufikusha, twa mwakabemo ne kubyalwamo ifikati ukula mumushili, ifili kwati kuwa ukwa mu Sodoma na Gomola, Adima na Seboyami, penka ba Yawe bakamona ula mukufitwa na mubukali - ²⁴ bakali kulabila pamo bonse naimbi mitundu, mba nindo kabili ba Yawe bakichila ifi muli kino kyalo? kashi kyaba shani ikya kufitwa ukukulu kya lumbulula shani? ²⁵ Penka abantu bakali kulabila ati mukali kwebati baba ne kulekelesha ululayañgano ulo balayañgane na ba Yawe, ba Lesa ababashakulu babo, ulo bena ba pange ne pamo nabo ilyo bena babaletele ukufuma mu kyalo kya Ijipiti, ²⁶ Kabili pakuti kabaya mukuli kukijika ba Lesa bambi kabili ne kuli kuba fukamina panshi kulibo, ba Lesa abo abatabeshibilepo kabili abo aba tabapelepo kulibo. ²⁷ Pakuti palifyo ne bakali bwa ba Yawe bwaba ne kuchibukita ukuba bulwani muliki kyalo, pakuti bukaba ne kuleta amafingo ayo alembelwe mulili buku. ²⁸ Ba Yawe bali balimbwile nabo ukufuma muli kilye kyalo mubukufitwa, na mubukali, kabili na kusoni ishikulu, kabili ne kuba ponsa nabo muli kimbi kyalo, kwati ni pakasuba kano.' ²⁹ Penka ifintu ififiseme ifililingile lukoso ukuba kuli ba Yawe ba Lesa wesu; pakuti ne fintu fyonse ifikufisululwa filingile ukuba kuli fwebo kabili nakuli ba bakamufyalwa besu. pakwebati fwebo tukali kuba mukukita ifi fyonse ku mashiwi ayo ali mu mumafunde.