¹ Popele twalyalukile kabili nokuya mukwingila mu panga mushila iile ku kishiba kya matente, mwenka umwalabile ba Yawe kuli nemo; kabili twali kushunguluka ulupili lwa Seila ishiku ishingi. ² Ba Yawe kabalabila kuli nemo, nokulabila ati, ³ 'Mwashunguluka ululupili impindi iyitali; kukabeta akabuyeke. ⁴ Kambisha abantu, labila, ''Mulilingile ukupitila mumupaka uwa bakwanu abalalume aba mukikota kya kwa Eso, uwali kwikala ku Seila; bakaba abakumutuneni webo. Pakuti pali fyefyo kamukekengela ⁵ tekwesha ukulwa nabo pakuti shakamipelapo ikyalo kyabo, nangu kimo yo-o. Nangu lukoso ikifikilemo ukulu kumo ukunyatamo; fyenka na mupela Eso ulupili lya kwikalamo. ⁶ Akalyo kenu akakulya mukali kushita ne ndalama, pakuti mukalelya; kabili mukali kushita amenshi yakunwa ukufuma kuli bena, pakwebati mukali kunwa. ⁷ Pakuti ba Yawe ba Lesa wobe bakakushukisha webo pamilimo yonse iya kuminwe yobe; naye aishiba ukwenda kwenu ukupita muli ipanga ikikulu. Pamyaka iyi amakumi ane aya ba Yawe ba Lesa wobe kwikala na mwebo, kabili tamwali kubulilwapo nangu ikintu kimo.'' ⁸ Fyopele fyo twaleya ne kulibwesha ku balongo benu, abena Eso uwa ikele ku Seyili, ne kusha twalishile inshita ipitile mupanga ukufuma ku Elata kabili neku Esyoni - Gebeli. penka twalya lulukile ne kuya mushila iya kupanga yaku Moabi. ⁹ Ba Yawe balabile kuli nemo ati, 'Tekuti mubakatashe abena Moabi, nangu ukulwa nabo inkondo. Shakamipele ikyalo kyabo ati mwikalemo mwebo pantu namipela uwa ku kikota kya kwa Loti, akekalemo.' ¹⁰ (Lomba akale aba Emi balikelemo, bali bantu abene, abengi, kabili abatali pamo nebena Anaci; ¹¹ abo abalaitwe abena Lefi, kwati bena Anaci; pano abena Moabi balabeta ati abena Emi. ¹² Abena Koli nabo baleikala ikale ku Seyili, abamukikota kyakwa Eso aba mukikoa kyakwa Eso bali baswene. bali balibonawile ukufuma kukale kabili balikele munkende yabo, fyenka akitie Isuleli mukyalo kyakwe ikyakwikalamo ikyo ba Yawe bamupele.) ¹³ '''Pano imeni kabili muye akanika ka Syeledi.' kabili penkapo twalyabukile akanika ka Syeledi. ¹⁴ Lomba ukufuma ku ishita iyo twafumine ku Kadesi Baneya, ukufika naku ishita iyo twabukile akanika ka Syeledi, yalilingile imyaka amakumi atatu naisanu. Kyali ni pali iyo inshita elyo bonse abali mulikyo ikikota umwali abalalume abafikilemo mukulwa bali fuminemo mu bantu, fyenka ba Yawe balapile kulibo. ¹⁵ Pakuti, ukuboko kwa ba Yawe kwali kosele kilya ikikota pakwebati babonaule abantu paka ne fyo baile. ¹⁶ Penka elyo fyekichilwe, bonse abalalume abafikilemo mukulwa inkondo balifwile kabili balifuminemo muachi ka bantu, ¹⁷ Penka ba Yawe kabalabila kuli nemo, ne kulabila ati, ¹⁸ 'Kasuba kalelo ulino kupita Ara, kupelo ya mu Moabi. ¹⁹ Kabili nga mukese kubwipi nakulubali lumbi ulwa bantu ba ku Amoni, mwekabakatasha nangu kulwa nabo; pantu shakamipelepo ikyalo nangu kinini kya bantu bakamoni ati mwikalemo; kabili nali kipeleni ku kikota kyakwa Loti mwikalemo.''' ²⁰ (Ilya nayo balyebele ati kyalo kya bena Lefemu. Abena Lefemu balikelepo kulya munshiku shakunuma - lomba abena Amoli balabeta ati Zamzumini - ²¹ abantu aba peulu, abali abengi, kabili abatali koti bena Anakim. Lomba ba Yawe kababonaula pa menso abena Amoli, kabili kaba bakimfya ne kwikala mumpusha yabo. ²² Kabili ifi ba Yawe kabili kabakichila abantu ba kwa Esao, abo abali kwikala mu Seila, ili baonawile abena Holi ukubatamfyamo bo ili tabanga, kabili ikikota kyakwa Esao ka ba ba kimfyabo ne kwikala mumpunsha yabo ukufika nebuli lelo. ²³ Lomba koti bena Avi abali kwikala mumishi ishali apatali koti niku Gaza, abena Kafitole, abaishile ukufuma ka kaputoli, kababo naula ne kwikala mu mpunsha yabo.) ²⁴ '''Bukumo imeni, kamuya pa lwendo, mukapite mufikumeke ya Anoni; bona, nabika mumaboko obe Siona umwina Amoli, imfumu ya Eshibona, kabili kyalo kyakw. Tatulo ukukipoka kabili kulwa nakwe mukondo. ²⁵ Lelo nakutatulo kabiko mwenso kabili ku myaka mwa mwebo ku bantu bonse abali munshi ye ulu lyonse; bakali kumfwe lyashi pali mwebo kabili bakali kututuma kabili bakali kwakamwa pa mulandu wenu.' ²⁶ Nalitumine ntumi ukufuma mumpanga ya Kademoti na ku Sihone, imfumu ya Heshabona, ne mashiwi a mutende, ati, ²⁷ 'Lekeni mpite mu kyalo kyenu; nkalukuya so munshi nshika sengukapo neli ni kulwine neli kukipiko. ²⁸ Mukali kunshichishapo akalyo ne ndalama, ati nengalya; mpenipo ne menshi a ndalama, ati nenga nwa; nsuminisheni mpitemo lukoso ne molu; ²⁹ koti ikikota kyakwa Esau abali kwikala mu Seila, kabili koti bena Moabi abali kwikala mu Ala, bankichile na nemo; ukufika nefi nkabuka Yodano mu kyalo ikyo ba Yawe ba Lesa wesu bali kutupela.' ³⁰ Lomba Siona, imfumu yabena Esboni, tekuti atusuminishe ukupita mu kyalo kyakwe; lomba ba Yawe ba Lesa benu bali koseshe milanguliko yakwe ne mutima wakwe mukukinga, ukwebati benga mu kimfya ye ku makosa enu akulu, ayo bakita bukumo pano lelo. ³¹ Ba Yawe kabalabila kuli nemo ati, 'Bona, natatula ukupokolola abena Siona ne kyalo kyakwe ne kukipana kuli webo; utatule ukukinonka, ukwebati wenga pyana ikyalo kyakwe.' ³² Popele Siona kafuma nekwisa kuli fwebo, ye ne bantu bakwe bonse, mukutulwisha ku Jayazi. ³³ Ba Yawe ba Lesa besu kabatupela ye kuli fwebo kabili katumukimfya ye ne bana bakwe ne bantu bakwe bonse. ³⁴ Katupinte mishi shakwe shonse pali ilye npindi kabili ne konaula onse umushi shata - Abalalume ne banakashi ne banini; tatwashilepo wakupuluka. ³⁵ Twalipinchilepo lukoso inama ihitwa pinchile ukwebati shesu fwebene, pano ne fitwa pakwile fya mu mishi isho ishitwa pokele. ³⁶ Ukufuma ku Aloa, uyo muli kumpelo ya muyunta wa nika ya Anoni, kabili ukufuma kumushi uyo uuli ku mutunta, ukuya kufika ku Giliyada, takwalipo mushi uwa talimpishe kuli fwebo. Ba Yawe ba Lesa besu balitupelebo mumaboko esu. ³⁷ Kyali lukoso ku kikota kyalo kya kikota kya Ammoni abo tamwaileko, na konse kumbali sha nika ya Jabok, na kumishi mufyalo fya mitunta - uko konse ba Yawe ba Lesa besu batukenye ukuya ko.