¹ Penka Solomoni ali bungenye abakulu ba Isuleli, nabakulu ba mitundu, kabili netungulushi shafifyashi mubantu ba Isuleli, kumeso akwe mu Yelusalemi, kwebati balete ibokoshi ya luyalano lwaba yawe ukufuma mumushi wa Davidi, ekwebati, Zion. ² Bonse abalalume bamu Isuleli kababungama kutangile ya fumu Solomoni kumalila, mumweshi wa Efinim, ekweba u_wabu sanu natubili. ³ Abakulu bonse abena Isuleli balishile, kabili naba papatilishi nokupita ibokoshi. ⁴ Baliletele ibokoshi yaba yawe, itete yakukumaninamo, kabili nafyonse ifiswetele ifipuna ifyali mwitete. Abapapatilishi naba lefi baliletele fyalya fintu. ⁵ Ifumu Solomoni nabonse ababungeme abena Isuleli balishile kumeso yabokoshi, nokupana imilambu ya belele kabili ne ñombe ifitafilingilwe ukupendwa. ⁶ Abapapatilishi kabaleta ibokoshi yalulayano lwa bayawe papusha yayo, mukaci kañanda kukipifwa kyañanda,umwamushilo mupusha yakusweta,mushi yafyapi fya makelubi. ⁷ Pantu amakelubi yalikutanika amapindo kupasha ya bokoshi, nokufimba ibokoshi kabili nemyamba yakupicilako. ⁸ Imyamba yali itali ukweba ba kupelo kwali kuboneka ukufuma umushilile kutangile ya kabeya kañanda, Lomba tabali kumona kumbali. Ekofili napano. ⁹ Tamwalipo neli kamo mubokoshi kani ifipapa fibili ifya mabwe ifyo Mose abikilemo pa Oleba, ili ba yawe bapangile ululayano nabantu ba Isuleli ili bafumine mukyalo kya Ijipiti. ¹⁰ Ili yafikile ili abapapatilishi bafumine mupusha ya Isuleli, ikubi lyali fibile petebuli lyaba yawe. ¹¹ Abapapatilishi tabaimakene ukupyunga pamulandu wekubi, pakuti ubuleme bwaba yawe bwafimba muñganda. ¹² Ali Solomoni alabile, "kuli bayawe ifyo alabile ukwebati akekala mwikubi lya kutikama, ¹³ Lomba namisopela mwebo ñanda iweme, ipusha yakwikalamo umuyayaya." ¹⁴ Penka ifumu Yalyasukile kabili nokupesha ababungeme aba Isuleli, ili bonse baimakene. ¹⁵ Alilabile, "bayawe, lesa waisuleli, bakindikwe, u_walabile kuli Davidi batata, kabili bafikilisha namaboko abo, nokulabila, ¹⁶ 'ukufuma pabushiku ubo nafumishe abantu bangi ukufuma mu Ijipiti, shisalilepo umushi ukufuma mumikoka yabena Isuleli umo ningalinga ukwibaka iñanda, peshina lyangi ukubapo. Nakaba nififyo, nasala Davidi ukwikalika abantu abena Isuleli.' ¹⁷ Pano kyali mumutima wakwa Davidi batata ukwibaka iñanda peshina lyaba yawe, lesa wa Isuleli. ¹⁸ Lomba bayawe kabalabila kuli Davidi batata, 'ikyali mumutima wabo ukwibaka iñanda peshina lyangi, wali kitile bwino pakuti kyali mumutima obe. ¹⁹ Nangu nififyo tawaibake iñanda; palifi, umwana obe umwalalume, umo ukafyalikwa ukufuma mubili obe, eukebaka iñanda yangi pasinalyangi.' ²⁰ Bayawe bapita amashiwi balabile,pakuti naimya mupusha ya Davidi batata, kabili nokwikala petenbe lya bena Isuleli, fyeka bayawe balaile naibaka iñanda pashina lyaba yawe, balesa wa Isuleli. ²¹ Nakita pusha iya bokoshi mulya, iyalulayano lwa bayawe, iyo apangile naba wishifwe ili abafumishe mupanga ya Ijipiti." ²² Solomoni alimakene kutangile ya kyoto kyaba yawe, kutangile yabonse ababungeme aba Isuleli, kabili nokutanika amaboko kwiulu. ²³ Alilabile, "bayawe, lesa wa Isuleli, tukulipo balesa abali koti nimwebo mwiulu peulu nangu ni panshi, ulama amalayo nabasumini nababofi abeda kutangile nemitima yabo yonse; ²⁴ mwebo abalama ababofi benu ba Davidi batata, ifyo mwabalaile. Mwasumina, mwalilabile nokanwa kenu kabili nokufikilisha namaboko yenu, fyeka ifyo kili lelo. ^{25 26} Pano penka, bayawe, lesa waisuleli, buleni ifi mwalaile kumusha wenu Davidi batata, ili balabile, 'tamwafilwe ukubanomuntu kumeso angi ukwikala petebe lyangi lya Isuleli,kani ikifyashi kyenu babikako akalongo ukwenda kutangile yangi, ifyo mwa endele.' Pano penka, balesa wa Isuleli, lekeni amashiwi yenu yafikilishiwe, ayo mwalabile kubabofi benu Davidi batata. ²⁷ Lomba balesa koti baikala pakyalo? moneni, ikyalo kyonse neulu tekwa kimilame ange tepuli ilyo mwaibaka! ²⁸ mukwishiba kidikeni itebelo ili ilyo umubofi wenu nokwipusha, bayawe mwebalesa wangi; kutikeni kukulila kwangi kabili netebeli ilyo umusha wenu alukutebelela kutangile yenu lelo. ²⁹ Ameso yenu engesuka petebuli lino ubushiku nakasuba, papusha iyo mwalabile, 'ishina lyangi nokwikalika kube pano'_mushila yakufwa kumatebelo enu ayo ababofi benu balukutebelo pa pusha ino. ³⁰ Ali mukutike kukwipusha kwabasha benu nabantu benu aba Isuleli ilitulukutebela palino pusha, nasumina, ufweni pali ino pusha apo mwikele, ukufuma kwiulu ; kabili ili mwaufwa, tutitulukileni, ³¹ Anga umuntu abifya kumupalamano wakwe kabili noku fwaya ukulapa ikilapo, kabili ngakaisa nokulapa kutangile ya kyonto muñanda ino, ³² ufweni kwiulu kabili nokukita. Pinguleni ababofi benu, nokufwitikisha ababifya, nokuleta ifyo bakita pa mitwi yabo. Fumyeni abataba kwete milandu nokubapela ukulingana nokoloka. ³³ Ili abantu benu aba Isuleli bakitiwa kubalwani pamulandu wakubifya kuli mwebo, Anga kasatuka kuli mwebo nokulapa peshina lyenu, nokutebela, kabili nokwipusha ukufituluka ukufuma kuli mwebo mwitepuli lino__ ³⁴ Penka napapata kutikeni mwiulu nokuba fitulukila kukubifya kwabantu benu aba Isuleli; baleteni panuma mupanga iyo mwapele abashakulu babo. ³⁵ Ili amakubi aisalika kabili takuli ifula pamulandu abantu babifya kuli mwebo ngabatebela kuli mwebo muino pusha, lepameni peshina lyanu, nokwaluluka ukufuma kukubifya nokubafitulukilako__ ³⁶ Penka mukutike mwiulu nokubafitulukila kukubifya ababofi benu kabili nabantu benu abena Isuleli, ili mwaba sabisha ishila iyiweme, umobalungile ukwenda. Temeni ifula mu kyalo, ifyo mwapele kufikolwe fyabo. ³⁷ Anga muli sala mukyalo, nangu malwele, mukutaba nangu pakati kakimye, izhiye nangu tukubi; nangu kulya balwani ukutula izhita umushi pamulyango mukyalo, kuli imyalo nangu malyele__ ³⁸ kabili nga matebelo nokwipusha kwakitika nabantu nangu nabantu bonse aba Isuleli__ onse ukwishiba mumutima ili aimya amaboko mwitepuli. ³⁹ Penka kutikeni mwiulu, kupusha mwikele, balekeleni kabili nokukita, nokupana ukulingana nefikitwa; mulishi imitima, pamulandu mulishi imitima yabantu bonse. ⁴⁰ Kiteni pakuti benga mitina ishiku shonse mwabapela ukwikala pakyalo mupanga yabakikolwe fyesu. ⁴¹ Mukulundapo, ukulingana nomweni uyutali umwina Isuleli: ili aisa ukufuma apatali yakyalo pamulandu weshina lyenu. ⁴² Pakuti bakofwa ishina lyenu ilikulu, nokuboko kwamakosa, kabili nokwimya ukuboko ili aisa mwitepuli lino. ⁴³ Penka kutikene napapata ukufuma kwiulu, kupusha ukumwikele, nokukita ifyo abeni bamwipusha mwenbo. Kiteni pakucibamwishibe abamukyalo beshibe ishina lyenu nokumitina, fyeka abantu benu abena Isuleli. Mukite ifi pakuci bamishibe ati ino ñganda yaibakwa ukwitwa peshina lyenu. ^{44 45} Anga kyakwebati abantu kabaya kubulwi nabalwani, mushila yonse mwengabatuma nangu benga tebela kuli mwebo, bayawe, kumushi mwatangilila uyu mwasalulula, nakuñanda iyo naibaka peshina lyenu. Kutikeni mwiulu kumatebeli nokwipusha kwanbo, kabili nokubafwa kuma kwifingo. ⁴⁶ Kani kaba bifya kuli mwebo, pakuti takulipo u_wakubifya, kabili mwenga fitwa nabo kabili nokubatwala kubalwani, ukweba abalwani bengabapita mubusha mukyalo kyabo, nangu apatali nangu pabwipi. ⁴⁷ Penka mwenga languluka bali mupanga ya busha, kabili nokulapila nokufwaya uluse ukufuma ukomuli naku kyalo uko babekete. Kabili nokulabila, 'Tatwakitilepo bwino nokubifya.Twaikalikwa mukubifya.' ⁴⁸ Penka anga kababwela kuli mwebo nemitima yonse kabili nemyeo yonse mupanga yabalwani babo ababekete, kabili anga batebela kuli mwebo pa panga yabo, iyo mwapele kufikolwe fyanbo kabili nakumushi uyo mwasalile, kabili nakuñanda iyo naibaka peshina lyenu. ⁴⁹ Ali ukufuma kwiulu, kupusha iyo mwikele nokufwa kumatebelo nokwipusha kubwafwa, kabili mukalenga amakatasho ukoloka palinbo. ⁵⁰ Bafitulukileni abantu ababifya kuli mwebo, kabili nokubifya konse bamikiteni mwebo. Bakiteni ikubu kutangileni yakukifya, kabili nokulenga umutende palibo. ⁵¹ Bantu benu mwasala, abo mwapulwishe ukufuma mu Ijipiti bali mukati kelungu lya mulilo umo ifyela filikusungulika. ⁵² Ameso enu egesuka kukwipusha kwabasha benu nokwipusha kwa bantu aba Isuleli, kutikeni ili balukulila kuli mwebo. ⁵³ Pantu mwalibabenye ukufuma mubantu bonse abapakyalo nokwikala kuli mwebo nokupoka amalayo, fyeka mwalabile kuli Mose umubofi wenu, uyo mufumishe muli ba wishifwe mu Ijipiti, bashikulu bayawe," ⁵⁴ Kyali ili Solomoni apwile ukutebela ukutebela konse nokwipusha kuli bayawe, alimine kukyoto kyabayawe, ukufuma mukufukama kumakufi nokutanika amaboko mwiulu. ⁵⁵ Alimakene nokupesha bonse ababungeme aba isuleli neshiwi ilikulu, nokulabila, ⁵⁶ "bayawe bengaa peshiwa u_wapela abaisuleli ukutusha, nokulama imilai. Tali akebo akafwilwa muli fyonse ifiweme ifyamalayo apangile kuli Mose umubofi wabo. ⁵⁷ Bayawe lesa wesu egaba nafwebo, ifi yali nefikolwe fyesu, tekuti batushe fweka nangu kutuleka. ⁵⁸ ukwebati batubishe imitima yesu kuli bo, nokwikala kabili mumakasa abo,ifyo akabishe bawishifwe. ⁵⁹ Lekeni ifyebo nalabila,ifyo naipusha kukutangile yabayawe, fibe pabwipi akasuba nobushiku, ukwebati fibakwasha abafinga ababofi nabantu aba Isuleli, mubushiku ba fwaya; ⁶⁰ ukwebatiabantu bonse abapakyalo begeshiba bayawe, balesa wesu, takulipo ubi lesa! ⁶¹ Penka lekeni imitima ibe yakishika kuli bayawe lesa, nokweda mwigabo nokulama amalamuna, pali buno bushiku." ⁶² Ali ifumu naba Isuleli bonse balipene ifitapisho kuli ba Yawe. ⁶³ Solomoni alipene ikitapisho ukupwanañana bwa fitapisho kuli ba yawe: 2200 ñombe na 120,00 ibelele, ali ifumu na bantu bonse bapesheshe iñanda yabayawe. ⁶⁴ ubushiku bumo ifumu yalyabenya pakaci ka lubasa kutangile yetepuli yaba yawe, kulya alipene imilambu yakokya, imilambu ya seke, neyamafuta ukupwana ñanya imilambu, pamulandu ulubemba lwa kyoto ulwali kutangile yabayawe lwali lunini ukupa imilambu yakokya, neseke shamilabu, namafuta nemilabu yakupwamañanya. ⁶⁵ Ali solomoni abikile umutebeto pali ilya pindi, kabili naba Isuleli bonse naye, nokubungama ukukulu, ukufuma Lebo Hamat ukufika kumupakana Ijipiti, shisanu nashibili napali shibi shisanu natubili ukufika yapedwa kuni nafune. ⁶⁶ Pabushi bwa shisanu natutatu alitumine abantu ukuya, kabili bapesheshe ifumu nokuya kumañanda nesangalashi nemitima yakusangalala mufiweme bayawe bamweneshe Davidi, umubofi kabili naku Isuleli, nabantu.