1 Popele Solomoni alisompele ikipango kyakwe pamyaka ikumi limo nemyaka itatu. 2 Alisompele ikikipango mumpanga ya Lebanoni.ubutali bwañganda yali amakyubiki umwanda umo, mubwipi yali nema kyubiki amakumi asanu, kabili ukufuma panshi ukuya peulu yalitalimpile amakyubiki amakumi atatu. Kabili iki kipango kyalisompelwe pamyamba ine iya sompelwe nemashiki a Sida kabili fyonse fyali fyafichi fya Sida 3 Kabili iñganda yalifyimbilwe ne mapulanga a Sida ayo aalipeulu yanganda. Aya mapulanga alilamete pafibumba fyatufipuytulwa fyamukachi.Uto baputwilemo mba nitumañganda amakumi anena asanu mubutali, mubwipi twali ikumi limo naisanu. 4 Popele mwali ifibumba fitatu ifyamiputule ifyatumbeluka kabili nemawindo alililoleshe atatu atatu mundonda. 5 Kabibili nemilyango yonse nefichi mashiki amapulanga apamilyango napa mawindo nao ali aliloleshe mufiputulwa fitatu. 6 Popele alibeke nekinsansa kya mapanda mubutali kyali nemakyubiki amakumi asanu namubwipi bakyo mwali amakumi atatu, kabili kuntanshi alilundileko ulukolo ulwali ne mapanda nekyakushinshilapo pakwingila 7 Kabili Solomoni alisompele neñganda imbi umwakupingwila imilandu,lyamilandu. Kabili baliilamikile nemapulanga afichi fya Sida pafibumba ukufuma panshi ukufika na peulu pamyamba. 8 Kabili nenganda yakwe imbi Solomoni umo alaikala,alisompele pamo kochi ni ilya lyali mukipango kimbi ikyali kunuma yañganda ya bufumu. Kabili alisompele naimbi iñganda ipalene ya mwana umwanakashi uwakwa Felo enka ulya aupile ukuba mukashi wakwe. 9 Ifi fikulwa fyalisompelwe nemabwe amutengo ulemene ukuliñgana nemo ba apimine,mukuputulwa na So. Kabili namuku awamya mumbali shonse. Aya mabwe bali abomfeshe ukufuma panshi yakitendekelesho ukufika nakumabwe apeulu, kabili napesonde ya kipango ikikulu. 10 Kabili iki ikitendekesho kyalisompelwe nemabwe aakulu amutengo, ali nemakyubiki asanu na atatu na amakyubiki ikumi limo mubutali. 11 Kabili peulu napo pali amabwe amutengo ulemene, ayo baputawile ukulingana nemo ba apimine. 12 Kabili ne kipango ikikulu ikyashingulukile inganda yabufumu kyali nembali shitatu a mabwe akuputulwa aya batentakenye, nelubali lumo ulwa myamba lwafichi fya Sida kabili ikipango kyamukachi muñganda yaba lesa nemulukolo lwayo nalo lwali nembali pamo lukoso. 13 Imfumu Solomoni yalitumine abantu kutila abakuya mukuleta Hilama. 14 Hilama ali mwana wakwa mukamfwila uwamlaka wa bena Nefutali; bawishi bali bena Tila, bali nibasendwe ba fyakufula ifyalubemba.Hilama aliswile ne mano nekalango, nemakosa akukita imilimo ikulu iya busendwe bwa kusungulula amabwe alubemba. 15 Kabili Hilama aliwemye amashiki abili alubemba, ayo ali nemakyubiki ikumi limo naisanu naitatu ukuya peulu kabili nekumi limo naibili mubukulu. 16 Kabili ali pangile imitwi ibili iya lubemba wakusungulula u wakubika peulu pamapanda,ubutali bwa peulu ubwa mutwi umo bwalikumene amakubiki asanu. 17 Kabili alipangile ifyakupikankanya ifyali kochi bukonde neminyololo yakupyata iyakubika peulu pamapanda, iminyololo isanu naibili kumutwi umo, kabili naimbi minyololo isanu naibili iya kubika pamutwi umbi. 18 Popele Hilama alipangile ne mapomegulachi nekuabika pafibumba fibili ifishingulukile mukuwamya umutwi umbi. 19 Kabili imitwi iya peulu yamapanda ali kulukolo lwañganda baliawemye kochi muluba alendya, ali nemakyubiki ane mubutali. 20 Kabili pali iyi imitwi ibili iya mapanda iyabikilweko, yalifikile peulu mukipimo kya myanda ibili ya pomegulachi mufibumba ifishingulukile kumitwi yonse abili. 21 Alimikile amapanda ukwipi ne lukolo lwakwingililamo muñganda yaba lesa.Ipandalyakulwine lyalinikilwe ati Jakini, kabili ne panda lyaku kipiko lyalinikilwe ati Boashi. 22 Peulu yaaya mapanda bali wemyepo kochi maluba aweme.kabili nemusango waaya mapanda walipangilwe mu iyi shila. 23 Hilama alipangile nekishiba kyamenshi, ikyakela kyalubemba.Ikyali nemakyubiki ikumi ikishingulukile ukufuma bushilya na bushilya. Ukufuma panshi ukufika peulu yali nemakyubiki asanu,kabili nekishiba kyali nemakyubiki amakumi atatu mubukulu. 24 Munshi yamilomo yakyo mwalipangilwe ifimpashanya fya myungu ukushinguluka ikishiba kyonse, ikumi mukyubiki limo,ikumi mwikubiki imo limo, "ili ikishiba" kyapangilwe. 25 Iki kishiba kyalimakene pa misana yafimpashanya fyañgombe ikumi limo nashibili, shitatu shaliloleshe kumutule Suba, shitatu shalilolele kumboshi kabili shitatu shalilolele kukabanga kabili shimbinasho shitatu shalilolele kukabeta kabulenge."kabili ikishiba kyalikele peulu yafyo, nefitendekesho fya kyo fyali munshi yakyo. 26 Kabili ikishiba kyalichikeme pamo kochi bakulu bwa kuboko nekanwa kakyo walipangilwe kochi kanwa kamwakunwina, kabili pamo kochi liluba. Kabili ikishiba kyali ne mwakusambila amenshi amaeelufu abili. 27 Kabili ali Hilama alipangile ifyapanshi ikimi limo ifyafyela.Ifyo ifyali nemakyubiki ane palikimo, kimo ubukulu kabili ukufuma panshi ukuya mwiulu fyalim ne makyubiki atatu. 28 Kabili imibombele iiweme yali ko ti nififi. Pakati balipangilepo ifyela ifyaimakene pakachi pamalata. 29 Kabili pamalata ali mu mafulemu pali ifipashanya, fyankalamu ne nefyangombe nemakelubi. Kabili peulum napanshi yamabokwe ne ñgmbe pali fyakupata ifya kukwekwela. 30 Kabili nemapanda ali ne ma wilo ane afyela nemisumali yafyela kabili nemikonko ine, iyakoseshe ifya panshi mukachi nepesonde. 31 Kabili akanwa kauo aka mukati kamutwi napeulu kalikumene ikyubiki limo, nekichika ubukulu, kabili akanwa kauo kalibuluñgene kochi kitupa ikya kyubiki limona afu.Kabili umwakwiswila mwali amalata kabili nemyamba yali ilingakene iyitaishingulukile. 32 Kabili ama wilo onse ane, ali mushi yamyanda , kabili imisumali yakumawilo ne malata ao fyali mukachi kama panda,ifumbi lyama wilo lyali ikyubiki limo na afu. 33 Kabili ama wilo bali apangile kochi amalato imisumali. Insambo netutole fyonse fyali fyakusungulula. 34 Kwali nefyakukwachilako fine ifyamumikonko ine ifya pamapanda onse aemakene, ifi babikile munshi yama panda. 35 Mukachi ka fyakwimakanapo pali ikyela ikyali kochi kipeya ikya shingulukile konse ikyali na afu wekyubiki limo ukuya panshi, kabili peulu yakyakwimakanapo pali afishimbi ifikwatakene. 36 Kabili penka peulu yafilya ifishimbi napa malata alilembelepo ifipashanya fya kwa kelubi, bokwe, nekichikyamukuyu ikyo ikya fimbile pankyende yonse, kabili iki ikyashingulukilwe nefishinga. 37 Kabili alipangile ifyakwimakanapo ikumi limo muli uuyu musango.Ifi fintu fyonse fyali pangilwe umo,kabili fyalilukoso ikipimo kimo nekubobeka lukoso kumo. 38 Imfumu Hilama alipangile imisambilo yalubemba ikumi. umusambilo umo walukwingisha amabeeketi amakumi ane.Umusambilo umo wali amakyubiki ane mukukilañganya, kabili kwali pali umusambilo umo pa mbekechi imo pafya kwimakanapo fyonse ikumi limo. 39 Kabili alipangile nefyakwimakanapo fisanu kumboshi ifyo ifyalolele kwitempele kabili nafimbi fisanu ifyaloseshe kumutule suba wetempele. Ali pangile "nekishiba"kulubali lwamutulesuba, ukulolesha kumbonshi ye tempuli 40 Imfumu Hilama alipangile amabeseni nemafosholo ne mbeketi. Kabili alipwishishe inkito shonse ishiabombele ishamfumu Solomoni mwitempele lyaba yawe. 41 Kabili impanda shibili, nefyela ifi bulungeme fibili ifyo ifyakumitwi ifyali peulu yamapanda, nafifilya ifibapikwilefibili ifya kuwamya, kabili nekufimba palifilya ifibulungene ifya kumitwi iyali peulu yamapanda. 42 Ali pangile imyanda amakumi ine amopomegalati akubika kulifilya ifintu fibili ifya pikwile. (Kimo kumapanda abili, kabili nakimbi kimo amapanda abili ifya kufimbilisha kulifilya ifibulungene); 43 Kabili ifyakwimakanapo ikumi nemabeseni ikumi ali ali pafyakwimakanapo. 44 Ali pangile ne beseni ilikulu ilya leitwa ati "ikishiba" ikyo ikyali neñgaombe munshi yakyo; 45 Kabili imipika, amafosholo,ama beseni, nafyonse ifibombelo. Hiluma alifipangile bwino ifyalubemba ifya mfumu Solomoni ifya mwitempele lyaba yawe. 46 Penka imfumu yalifipangile mwilungu lyanika ya Yodani musungulukwa kwa machipa ali pakachi uku Sokochi uku Saletani. 47 Solomoni alifilekele fyonse fintu ukwakubula ukufyesha pakuti fyalifulishe, kabili ukulema kwalubemba kwalikulishe tekuti kwinga pimwapo. 48 Solomoni ali pangile fyonse ifya muñganda na Golide: ekweba ati kilya ikya kokelapo umulambu wa kufutumuna ikya Golide netebulu lya mikate yamilambu yalekingishiwa; 49 Kabili nefyakutulapo amalampi, fisanu kululyo nafimbi fisanu kukipiko, ifi a tulile kuntanshi yamuchi kañganda umo umwali Golide iweme, nemuluba, ne malampi nefimanto fya Golide. 50 Kabili Solomoni alipangile inkomeki,nefyakushimishako amalampi, nama beseni, namasupuni, nensani shakokelamo fyonse ifya Golide iswetelele, nefya kwalulwipo ifibi fya mukachi ka kiputulwa kyamuñganda.(ikyo ikyali nikyende ishilile), iya milyango iya mu~ganda mwi tempuli. 51 Muliyi inshila,inkito shonse isho imfumu Solomoni abebele iya ñganda yaba yawe yalipwile. Penka solomoni ali letele ifintu ifi atulile pambali kuli bawishi ba Daidi, kabili Siliva na Golide nefililo fylibikilwe umubalelamina ifyabuleme muñganda yaba yawe.