¹ Hilama umfumu yakutilayalitumine ababomfi baiko kuli solomoni, pakuti alyumfwile ati bamusuba amafuta akwikala nemfumu mukifulo kyaba wishi; pakuti imfumu Hilama alitemenwe Davedi inshiku shonse. ² Penka Solomoni alitumine ishiwi kuli Hilama ati, ³ "Ulishi ati batata ba Davedi tabalingile ukusompa inganda yeshina lyaba yawe lesa wabo, pakuti pankondo iyo iyabashingulukile, pampindi yo baikalilemo nebumi, ba yawe balikubika abalwani babo mushi ya molu abo. ⁴ Sombibukumo, ba yawe lesa wangi bampela nemo ukutusha mukende shonse. Tukulipo ubulwani neli inkondo. ⁵ Popela nalanguluka ukwibaka itepuli lyeshina lyaba yawe ba lesa wangi, fyenkefi balabile ba yawe kuli ba tata ba Davedi ati, 'umwana obe umwalalume, uyo nkabika pakifulo kyobe, eukebaka itempuli lyeshina lyangi.' ⁶ Sombi pano ebeni abantu baye mukutema ifichi fyangi ifya sida kulebanoni. Ababomfi bangi bakaba pamo nebabomfi bobe, kabili nemo kamilipila pamulandu wababomfi benu. Mwekomu twaumfwanganina mufintu fyonse ifya malipilo ankito pakuti mulishi ati tapapulanga koti bena Shindona ne." ⁷ Ili aumfwile Hilama amashiwi akwa Solomoni, alisangalele ikyakine nekulabila ati, "Ba yawe ngabakindikwe lelo, abo aba pela Davedi umwana wamano kubantu abamikoka ikulu." ⁸ Hilama alitumine amashiwi kuli Solomoni nekulabila ati, "naumfwa amashiwi onse ayo mwantumina nemo. Ndemipeleni ifichi fya Sida ne fya Saipulashi ifi mulefwya. ⁹ Ababonfi bangi bakaleta ifichi ukufuma ku Ebanoni ukufika naku Kishiba ikikulu,kabili kafikaka pamo fikabe kochi mipo, Ikalukutumpaka pakishiba nekuya kunkende uko mwandangile uko eko inkafikakulwila kabili eko mukafifumya. Mukakite ukulingana nekulanguluka kwangi ukwa kupela abamunganda yangi ifyakulya." ¹⁰ Penka Hilama alipele Solomoni amapulanga onse a Sida ne a Sipulasi mwenkomu afifwaile. ¹¹ Solomoni alipele Hilama imyanda amakumi abili amasaka a wichi akulya aba munganda yakwe nemyanda amakumi abili amafuta akwengula.Kabili Solomoni alemupela ifi fintu pamwaka pamwaka Hilama. ¹² Popela ba yawe bali mupele Solomoni amano ukulingana nefyo ba mulaile. Pali umutende pakati kakwa Hilama na Solomoni,kabili palibonse babili pali umutende nekulayangana. ¹³ Imfumu Solomoni yalifungile ikibalo kkyankito kubena Isaleli bonse, kabili bali ababomfi imyanda amakumi atatu abalalume benka. ¹⁴ Kabili ali batumine ku Lebanoni, abantu umyanda ikumi limo. Mukulukulikingya pamwenshi pamwenshi.Kabili umwenshi umo baleba kumanganda abo, kabibili Adonilama ewali mukulu pabantu bonse mukibalo uyo bapele amakosa akubomfya abantu. ¹⁵ Solomoni ali nebantu imyanda amakumi asanu na abili abapintile ifipe ifilemene nebantu imyanda amakumi asanu na atatu abaletoba amabwe kumpili, ¹⁶ Kulubali lwakwa Solomoni 3,300 ababomfi bamfumu abo abalebomfya abantu nekuba sopa. ¹⁷ Ukulingana nekulabila kwamfumu abantu balukutobaula amabwe alemoneka bwino alefwaikwa ukampa ukusompa ikitendekesho kyetempuli. ¹⁸ Abantu bakwa Solomoni abasompeshi ne ne basompeshi bakwa Hilama ne bena Gibeya bali putawile nekuwamishisha limo amapulanga nemabwe akusompaesha itempuli.