¹ Imfumu Solomoni ali nimfumu pakyalo kyonse ikya isaleli. ² Aba ebali abomfi abakulu: Asaliya umwana wakwe Sandoki uwali mupapatilishi. ³ Eliolefi na Ayija abana abalalume abakwa shisha uwali balembeshi, na Joshifwati umwana umwalalume uwakwa Ailudi ali mulamishi wamashiwi. ⁴ Beniya mwana yehoyada alikile pa bushilika. Sadoki na Abiyata bali bapapatilishi. ⁵ Azaliya umwana umwalalume uwakwa Natani ali mukulu ukukila pafilolo fyonse. Zabudi umwana umwalalume uwakwa Natani ali mupapatilishi kabili umunabo nemfumu. ⁶ Aisha ali mukulu wapaba kulama inganda.Adonilamu umwana umwalalume uwakwa Abadaali mukulu wapa kibalo. ⁷ Kabili solomoni ali nefilolo ikumi nafibilipabena isaleli bonse, abo abalukuleta ifyakulya fyamfumu nefya bamunganda. umwalalume onse ali nenkito yakufwalisha umwenshi umo pamwaka. ⁸ Aya eali mashina abo:Beneuli, uwaleikala kukyalo kyampili ikya ku Efulemu; ⁹ Na Ben_ dekeli uwali ku Makaza na Shalabimu, na Beti shemeshi, na Eloni beti Hanani; ¹⁰ Ben_Hesedi uwaku Aluboti,( kabili kuliye ekwali Socone kyalo kyonse kya Helefa); ¹¹ Ben_Abinadaba munkende monse iya nafoti do(ali na Tafati umwana umwanakashi uwakwa Solomoni ewali mukashi wakwe); ¹² Baana umwana umwalalume uwakwa Ailudi uwaku Taaniki, na Magido, nakonse ku Beti Shani uya uli kumpelo ya Zaleti kunshi ya Yeseleli, ukufuma ku Betishani ukufika naku Abelo Mehola ukuya lukoso nakulubali lumbi ulwaku Jokimeamu; ¹³ Beni Geben mu Ramoti Gileadi (kuli ye imishi yonse iyakwe Jeili mwana Manase, iyali mu Gileadi ne kende ya Agobi yali yakwe, iyo iyali ku Beshani iyaliimishe amakumi asanu limo iyikulu, iyali nemalinga nefibi fya lubemba); ¹⁴ Ahinadaba umwana wakwe Ido, uwaku maanaimu; ¹⁵ Aimaza, uwaku nefutali (ye kabili alyupile Besemati umwana umwanakashi ukwa Solomoni ukuba mukashi wakwe); ¹⁶ Baana umwana wakwa Hushai, uwali ku Asha naku Bialoti; ¹⁷ Joshifwati umwana wakwa Peluya ewali ku Issaka; ¹⁸ Na Shimeo umwana wakwe Ela ewali ku Benjamini; ¹⁹ Kabili na Geba mwana uli,uwali mumpanga ya Gilaidi mu kyalo kya mfumu Sioni uwa bena Amolaiti kabili na Ogi imfumu yabena Beshani,kabili ewali ikilolo muli ilye mpanga. ²⁰ Abena yuda nebena Isaleli balifulile koti musenga wamufishiba ifikulu.Kabili balelya nekunwa nekusangalala.b ²¹ Solomoni alitungulwile ubufumu bonse ukufuma kunika ukufika namukyaloikya bena Filishitiya, ukufika namumupaka waku Injipita. Kabili baliletele nefyabupe nekumupyungisha Solomoni inshiku shionse ishabumi bwakwe. ²² Kabili ifya kulya fyakwe Solomoni ifya pakasuba kamo ifyali nekilemeshi amakumi atatu abunga ubupelekele bwino ubwa tilingu, nemakumi asanu nalimo akilemeneshi abunga lukoso. ²³ Ne ngombe ikumi limo ishinineishi balelishishe mukipaka, nengombe amakumi abili aya balishisha mumpanga, nembelele umwanda umo,pamo ne Tbashi, balupala, insebula ,nefibata ifinine. ²⁴ Pakuti ye alibebele nemakosa akuteka ifyalo fyonse ifyali kulubali lumo ulwa nika,ukufuma ku Tifisa ukifika na ku Gaza.Ukukila nemfumu ishali kuli luno lubali lwa nika, kabili alikele nemutende kuli bonse aba mushingulukile. ²⁵ Popele abena Yuda nebena Yelusalemabalikele bwino mumutende,umuntu onse alukwikala munshi yamfaina yabo namunshi ya mikuyu yabo, ukufuma ku dani ukufika ku Biyasheba, munshiku shonse ishakwa Solomoni. ²⁶ Kabili Solomoni ali ne ne masausande amakumi ane, ambongolo shakubomfya nefikotikala ,kabili ne masausande ikumilimo na abili abantu bakwenda pambongolo. ²⁷ Kabili ifilolo efyalepela ifyalepele imfumu solomoni ifyakulya nabonse abalukwisa kumfumu Solomoni mukulya nakwe. Pamuntu pamuntu baleleta kilamuntu mumwenshi wakwe , kabili tabalukufwayapo ikintu nelikimo ukubulapo. ²⁸ Kabili balukuleta kunkende iweme baale nefwani fyambogolo sha fikotikala, ne mbongolo shakwendapo , uli onse aleta ukulingana nefyo akwete. ²⁹ Kabili ba lesa balimupele Solomoni amano akulu nekalango, kabili nekukusha amano akwishiba koti musenga wa uwingi uwapambali yakishiba ikikulu. ³⁰ Amano akwe Solomoni alikilile amano abantu bonse abati kumutule suba, nemano amu Injipita. ³¹ Ali nemano ukukila abantu bonse_ ukukilaEtani umwina Ezula na hemani,kakikoli, na Dalida umwana umwalalume uwa'kwa Maoli_ kabili ne kupupa kwakwe kwalifikile namufyalo fyonse ifyamushingulukile. ³² Kabili alilabile ifishimpi imyanda amakumi atatu nenyimbo nasho shali imyanda ikumi limo nenyimbo shisanu mu balaka. ³³ Alilabile pamulandu wafilimwa fyelefumu kufichi fya Sida ifyo ifili ku Lebanonikufika isope umene palumbu. Alilubulwile nefyonse ifya panama, pafyoni napafikalaba fyonse na pesabi. ³⁴ Kabili abantu balishile ukufuma mufyalo fyonse mukumfwa amano akwe Solomoni. Balifumine mumfumu shonse isha pakyalo kyampanshi abo abaumfwile pamulandu wamano akwe.