¹ Penka Solomoni aliambawile nekumfwana ne mfumu Felo wa ku injipita ukuba umwana wakwe.Ali mupinchile umwana wakwe Felo umwanakashi ne kumuleta mumushi wakwe Davediukufika nempindi apwishishe ukusompa inganda yakwe, neñganda yaba yawe, nekibumba ukushingulusha Yelusalema. ² Abantu balukutapisha ifitapisho fyabo peulu apantunteme, pakuti tapalipo inganda iya sompelwe iyeshina yaba yawe. ³ Solomoni ali langishe ubutemwe wakwe ubwa ba yawe pakulukwenda mumalamuna aba wishi ba Davedi, kani lukoso enka umulambu alambwile nefyakufutumuna pakende ituteme. ⁴ Penka imfumu yalimine nekuya ku Gibiyoni mukutapisha, Pantu enkenda ikuluili peulu ili kulya. Solomoni ali lambwile imyanda ikumi limo umulambu wakokya pakyakolelapo. ⁵ Penka ba yawe balimonekele ku Gibiyoni kuli Solomoni mukiloto ubushi; balilabile ati, "ipusha!mba ninsa kintu iki nenga kupela?" ⁶ Penka Solomoni kalabila ati, "walangisha inkumbu nekunakila ukukulu kumubomfi wenu batata ba Davedi, pantu bobalukwenda bwino kumenso obe muli bukine, nebukishinka, namubulungami, namukoloka kwa muchima. Kabili mulisungile nekulayangana ukukulu ukwakishinka kabili amupele nemwana ukwikala pabufumu bwakwe lelo. ⁷ Penka ba yawe lesa wangi, mwalenga umubomfi wenu ukuba nimfumu mukifulo kyabatata ba davedi, nangaba nemo nkili lukoso umwana munini. nshishipo ifyakufuma nekuya neli ukubwela mukachi. ⁸ Ye umubomfi wenu ali pakati kabantu aba mwasalile, abantu abengi, ibumba ilikulu ili teti mukonshe ukupenda. ⁹ Pano mupeleni umubomfi wenu umuchima wakumfwa pakuputula imilandu yabantu benu,pakweba ati engeshiba umwa kusalulwila ikiweme nekibipile. Mbaninani uya ulingile ukuputula imilandu yababa bantu benu abalemene?" ¹⁰ Ili lipusho lyakwa Solomoni lyalisekeshe balesa. ¹¹ penka balilabile kuli ye ati, "Pakuti wangipusha iki kintu kabili taulipushishepo wemwine pamulandu wakwikala inshiku ishingi, nangu bunonshi nangu ibumi bwa balwani bobe, pano lomba waipushako ukuba nemang ne milangwe webo wemwine umwakuputwila imilandu. ¹² Pano bona, nemo ndekita ukuliñgana nefyo wangipusha nemo ili wampele ilipusho. Ndekupela amano ne muchima wakyumfwila, pakweba ati tapalipo neli umo uli kochi newebo kunuma yobe, kabili takwakabepo nangu umo ukema ukufuma pali webo. ¹³ Kabili nakupela fimbi ifyo tawakindomba, ifya bunonshi ne munkishi, pakweba ati, takwakabepo uli onse pamfumu shonse ukaba koti niwebo mushiku shobe shonse. ¹⁴ Nga kyakweba ati ukalukwenda munshila shangi nekulama imilaya yangi nemafunde, koti niba wiso ba Davedi ifi balukwenda ,ifi balukwenda . Penka nemo katalimpishainshikushobe," ¹⁵ Penka Solomoni ali bukile, kabili boneni, kyali kochi kiloto. Alishile Kuyelusama nekwimakana kuwipi ne mbokoshi yakulayana iya ba lesa. Ali pene nemulambu wakokya nemulambu wamutende, kabili alipangile nekusekelela kwa babomfi bakwe bonse. ¹⁶ Penka abanakashi babili abo abili bakenkemeshi balishile kumfumu nekwimakana kumenso amfumu. ¹⁷ Umwanakashi umo kalabile ati, "O, kapa uyu mwanakashi nanemo tulekalafye muñganda imo, kabili ili na fyele umwana twali fwense muñganda. ¹⁸ Kyalimonekele pabushiku bwabutatu ili napwishishe ukupapa uyu mwanakashi naye kapapa. Kabili twalipamo fwense, takwalipo umbi umuntu uwali nafwebo muñganda,twali lukoso bubili bwesu muñganda. ¹⁹ Penka umwana wakwa uyu mwanakashi alifwile ubushiku,pantu nyina lyamwana alilele paliye. ²⁰ Penka alibukile pakati kabushiku nekubula umwana wangi uyu nalalikile kulubali lwangi, ili umubomfi wenu alele nekumulalika kumabele akwe. Kabili nekulalika umwana wakwe ufwile kumabele angi. ²¹ Ili nabukile ulukelo mukonsha umwana wangi, nali sangile afwa. Sombi ili namuloleshe bwino ulukelo, nasangile ati tali mwana wangi, uyu nafyele." ²² Kabili uyu mwanakashi umbi kalabila ati, "yowe uyu mutuntulu emwana wangi, uyu wafwa emwana wobe."Uyu umwanakashi umutanshi kabili mutuntulu emwana wangi."ifi efyo balabile kumfumu. ²³ Penka imfumu kailabila ati, "umo pali mwebo ali labile ati, 'uyu mwana umutuntulu mwana wangi,umwana obe webo ufwile; umbi naye ati, 'yowe umwana obe webo eufwile, kabili umwana wangi nemo emutuntulu." ²⁴ Sombi imfumu yalilabile ati, "ndeteleni umupeni."kabili baliletele umupeni kumfumu. ²⁵ Popele imfumu yalilabile ati, "abanyeni uyu mwana mufipimfwa fibili, mupane ikipimfwa kimo kuli umo nakimbi kuli umbi." ²⁶ Penka umwanakashi umwine wamwana umutuntulu alilabible kumfumu pantu ye ali nemuchima wakutemwa umwana wakwe,ye alilabile ati, "O, mwebashakulu bangi, mupeleni ye umwana umutuntulu ukukila ukumwipaya." Kabili uyu mwanakashi umbi kalabile ati, "uyu mwana teshi abepo wangi nangu ukubaobe. pano mwabanyeni lukoso." ²⁷ Penka imfumu yalyaswikile nekulabila ati, "paneni umwana umutuntulu kumwanakashi umutanshi, ukukila ukumwipaya. uyo eñgina lyamwana." ²⁸ Ili abena Isaleli baumfwile ubupingushi yapene imfumu, balitinine imfumu pantu bali mwene amano a balesa ali muli yemuku patula imilandu.