¹ Ili bwapalamine ubushiku bwamfwa yakwa Davida,ali mwebele Solomoni umwana wakwe ati, ² "ndeya ukuli konse ukuya bonse pakyalo. Ube ukosele nekulilagisha ubwalalume wemwine. ³ Ukalukulama nemilaye ya bayawe lesa wobe nekulukwenda mushila shakwe nekulama amalamuna akwe nemafunde akwe nemilanguluko yakwe, nefisontelee fyakwe nemilaye yakwe, nekuba ukengele mukukita ifi lembelwe mumishilo yakwe Mosesa,Pakweba ati ukalukumone ifiweme mulifonse ifi ukalekita konse uka ukaya, ⁴ pakweba ati ba Yawe benga fikilisha ishiwi balabile ilya pali nemo ati, "kani abashakulu benu baba abakengele mukumona imibelo yabo,nekwendela kubwipi nanemo mulibukine ne michima yabo nemyeo yabo yonse, tamwakabulwepo umwalalume uwakwikala petebe lya bena isaleli." ⁵ Ulishibile kabili Yoabu umwana umwalalume ukwa Zeluya ifikichikile kuli nemo, nefi akichile kubakulu babashilika, aba bena Isalieli, nakuli abina mwana Nela, nakuli Amasa umwana wakwa Jeta umwalalume, uyo aipeye mukwichila umulopa pa mushipi wa mulubunda lwakwe na pansapato shakumolu akwe. ⁶ Penka ukamukite Yohaba umwaila imilanguluko iyo wasambilila, Sombi tekwesha ukuleka umutwi wa kwebutubulukile ukuya kushilo mumutende. ⁷ Nangaba nifyefyo, beni ne kumbu kubana abalalume abakwa Baziiya mwana Giliada, ukubaleka bakekale pamo na babalya abalya kwitebulu lyenu, Pantu balishile kulinemo , ili nabutukile ukufuma kuli Abisalomo umulongo wobe. ⁸ Bona uli na shimeo umwana umwalalume uwakwa Gela,umwina Benjamini uwaku Bahulimu, uyo uwamfingile ne fingo lyafyongo ubushiku naile ku Mahanaimu, shimeo alishile kunkumanya ku Yodano. Kabili nalilapile kuli ye, kumenso aba yawe, nekulabila ati, "shaka kwipayepo ne mupanga." ⁹ Sombi tekwesha ukumuleka ukufuma kukumanikwa. Webo uli muntu uwamano,kabili ulilingile ukwishiba ifi ulingile ukukita kuli ye,ukalete umutwi wakwe utubulukile kushele pamo ne milopa." ¹⁰ Penka Davedi aikele pamo nebashakulu balimushikile mumushi wakwe. ¹¹ Inshiku isho davedi aikele pabufumu bwabena isaleili shali imyaka amakume ane. Alikele pa bufumu imyaka isanu naibili mu Hebuloni ne myaka amakumi atatu ne myaka itatu mu Yelusalema. ¹² Penka Solomoni alikele pabufumu bwabawishi ba Davedi, ne kuteka kwakwe kwali kwakifyalilwa. ¹³ Popele Adonaija umwana umwalalume uwakwa Hagagi alishile kuli Betesheba ñyina wakwa solomoni.alilabele ati "bushe mwaisa mumutende.ye alyasukile at,ee mumutende''. ¹⁴ kabili kalabila ati".ndi nefi ndukufwaya ukulabila kulimwebo.''ye kaasuka ati, ''labila''. ¹⁵ adoniya kalabila ati. ''ulishi ati buno ubufumu bwalibwangi? kabili ati abena isalela baliketekele nemo ukuba ni nimfumu. Sombi ifuntu fyalyalukile,nebufumu bwali penwe kumulongo wangi pantu bwali bwakwe ukufuma kuli ba yawe. ¹⁶ Lomba ndilukose nekintu kimo ikindukumifwaileni mwebo, kabili tekwesha ukwalulapo ikilungi kyenu ukufuma kuli nemo, "kabili Betesheba kalabila ati, "labila." ¹⁷ Kalabila ati, "napapata labila kuli Solomoni imfumu, pantu takafumyepo ikilungi kyakwe pali webo, pakweba ati Koti ampela Abishai umwina Shunema ukuba mwina kwangi." ¹⁸ Penka Betesheba kalabila ati, "kiweme, nakulabila na ba mfumu." ¹⁹ Kabili Betesheba alimine nekuya kumfumu Solomoni mukulabila kuli ye pamulandu wakwa Adoniya. Penka imfumu yalimine mukukumana nakwe nekufukama panshi kuli ye. Kabili alikele panshi petebe lyakwe ilya bufumu, kabili netebe limbi ilyabufumu ili baletele baina lyamfumu. Balikalile kukuboko kwakulwike. ²⁰ Kabili balilabile ati, "ndukufwaya ukwipushako ubwafwilisho bumo ubunini ubwenu, pantu tamwa kingyepo ikilungu kyenu ufunya kuli nemo. Imfumu yali mwasukile ye ati, bepushe ba mama, pantu nemo shakakingyepo ikilungi kyangi ukufuma kuli webo. ²¹ Penka kalabila ati, "leka abishai umwina Shunema apanwe kuli Adoniya umulongo obe mukashi wakwe." ²² Popela imfumu Solomoni alyasukile nekulabila kuli bañyina ati, "nindo muleipushisha Abishayi umwina Shunema ukuba wakwa Adoniya? nindo teti mwipushishe ubufumu ukuba wakwe nabo? pantu ye emukulu wangi umwalalume_ uwakwe, uwakwa Abiyata, umupapatilishi na Yoaba umwana wakwe Zehiya?" ²³ Penka imfumu Solomoni yalilapile kuli ba yawe, nekulabila ati, "ba lesa ngabakite ukufwaya kwabo kuli nemo nekukilapo, nga kyakweba ati Adoniya talabilepo aya mashiwi apabumi wakwe. ²⁴ Pano lomba mwenka umwikalile ba lesa ne bumi, abo a ndengela ukwishibanika nekumbika pa kifulo kya ba Davedi batata, nekumpanga ukuba inganda ukulingana ne mulaye wabo, nekyakine Adoniya alukwipayiwa ubushiku bwalelo." ²⁵ Penka imfumu solomoni yalitumine Benaya umwana umwalalume uwakwa Jehoyada, kabili Benaya alisangile Adoniya kabili alimwipeye." ²⁶ Kabili kuli Abiyata umupapatilishi, imfumu yalimwebele ati, "koya kwenu ku Anatota kumpanga yenu. Pantu webo wakilinga ukufwa, Sombi paliino mpindi shakubikepo webo pamfwa, pantu walipinchile imbokoshi yaba yawe lesa kuli ba davedi batata kali nekupenga munshila shonse ishi bapengeleli batata." ²⁷ penka Solomoni alimutamfishe Abiyata nekumufumya pali buñganga bwa ba yawe,Ili alabile pamulandu wañganda ya kwa Eli ku Shilo. ²⁸ Amashiwi alishile kuli Yoabu alimukwashishe Adoniya, nangaba takwashisheko Abisalomo. Penka Yoabu alibutukile mwitente lyaba yawe alikete ne nsengo isha mukyakokelako imilambu. ²⁹ Imfumu Solomoni ili bamubulile ati Yoabu abutukile mwitente lyaba yawe kabili ali makene kulubali lwa Kyakolelako umulambu.Penka Solomoni alitumine Benaya umwana uwalalume wakwa Yehoyada, kalabila at, "koya ukamukulikile." ³⁰ Penka Benaya alishile kwi tente lya ba yawe nekulabila kuli ye, "imfumu yalabila ati ,fuma pe sonde Yoabu alyasukile ati, "Yowe nemo ndukufwila mwenka muno, Kabili Benaya alibwelele ku mfumu nekulabila ati, alabila ati alukufwaya ukufwila pakya kokelapo umulambo." ³¹ imfumu kailabile kuli ye ati, "kita fyenkefi alabila, mwipaye ubwele umushike pakweba ati koti wafumya kuli nemo nakuñganda yabatata umulopa uyu aichile Yoabu ukwa kubula umulandu. ³² Ba yawe ngaba bweshe umulopa pamutwi wakwe umwine, pantu ukwakubula amano abatata Davedi alitulile ubulemo abalalume babili abo abili abalungami kabili abaweme ukumukila ye umwine, kabili ali bepeye nemupanga, kabili Abina umwana wakwe Nela umukulu wabashika bankondo baku isaleli, na Amasa umwana wakwa Jetala, umukulu wabashilika bankondo aba kubena Yuda. ³³ Pano lekeni imilopa imubwelele pamutwi wakwe Yoabu na pamutwi wa bashikulu bakwe imyaka yonsefye. Lomba kuli Davedi ne kifyashi kyakwe, ne banganda yakwe,ne bufumu bwakwe lekeni umutende ekalile imyaka ukufuma kuli ba yawe." ³⁴ Penka Beniya umwana umwalalume uwakwa Jehoyada alile mukutula ubulemo Yoaba ne kumwipaya. kabili balishikile muñganda yakwe mumpa. ³⁵ Penka imfumu yali mubikile Beniya umwana wakwa Yehoyada ukumupingisha pakifulo kyakwe ikyabushilika, kabili abilikile Zadoka iñganga yabalesa pakifulo ilyalipo Abiyata. ³⁶ Penka imfumu yalitmine ne kwita Shimeo, nekulabila kuliye ati, "usompe wemwine iñganda mu Yelusalema ukekale mo, kabili tekwesha ukufuma mulya nekuya kunkende imbi. ³⁷ Sombi ubushiku ubo ukafumamo nekuya mukupita mumikolo iya ku Kindoloni, ulilingile ukwishiba atiempindi ukafwilamo,kabili imilopa yobe ikaba pamutwi wobe wemwine. ³⁸ Penka Shimeo alilabile kumfumu ati, "ifi mwalabila fiweme, koti nifyenke fyalabila ifumu yangi, umubomfi wenu akakikita." Kabili shimeo alikele Muyalusalema inshiku ishingi. ³⁹ Sombi kumpelo ya myaka itatu, ababomfi babili aba kwa Shimeo balibutukile kuli Akishi umwana umwalalume uwakwa Maka, imfumu yabena Gati.Kabili bali mwebele Shimeo ati, "bona ababomfi bobe bali mu Gata." ⁴⁰ Penka Shimeo alikakilepo ikyakwikalopo pambongolo yakwe nekuya kuli Alashi ku Gata mukumona ababomfi bakwe.Alile kabili nekubaleta ababomfi bakwe ku Gata. ⁴¹ Ili Solomoni bamwebele atishimeo ilifumine ku yelusalema nekuya ku Gata kabili ali bwelele, ⁴² Imfumu yalitumine nekwita Shimeo nekulabila kuli ye ati, "kanshi nebo shakwebele webo ukulapa kuli ba yawe nekukubulishisha webo ati, 'ulilingile ukwishiba nekyakine ati ubushiku umbi, nekyakine ukafw.' Kabili nekulabila kulinemo ati, 'ifi walabila fiweme.' ⁴³ Mbanindo tausungile umulaye obe kuli bayawe kabili nemafunde aya nakupele?" ⁴⁴ Penka imfumu nayo yalilabile kuli Shimeo ati, ülishi mukati kamumuchima wobe ubunake ubo wakichile kuli batata ba Davedi. Sombi bayawe bakabwesha ubunake bobe pamutwi obe wemwine. ⁴⁵ Penka imfumu Solomoni bakamushukisha ne bafumu bwa kwa Davedi bakabukusha nekwikalikwa kuli ba yawe myaka yonse. ⁴⁶ Penka imfumu yalipene amakosa kuli Beniya umwana wakwa Yohoyada. Alile mukumwipaya Shimeo. Kabili nebufumu bwalishibanikilwe bwino mumaboko akwa solomoni.