1 Ili imfumu david akulile nekukota alikele imyaka ingi. Kabili nangu bamufimbilisha ibulangeti. Talukumfwapo ikibe. 2 Penka ababomfi bakwe kabalabile ati "twendeni tubafwaile umwana umwanakashi kamwale uyo tangawapo. Abe wakubalama nekubabombela . Muleke akalelala mukyeni kyabo pakweba ati imfumu yesu bakaleumfwa ikibe." 3 Penka balifwaile kamwale umuweme mukenda yonse iyakumipaka ya isaleli. Balishile mukusanga Abishangi umwina shunema nekumuleta balimuletele kuli bamfumu. 4 Uyu kamwale uli uwemeikilungi. Ali babombele bamfumu nekubalama bwino, Lomba imfumu taya mwishibilepo yowe. 5 Popele pali ilya inshita ,Adoniya umwana umwalalume uwakwa hagita alilikunkile mukatibi nekulabila ati, "Nemo ndebandimfumu."Penka ali pekenye ikikochikala nebantu akwesha imbongolo nebantu amakumi asanu abakutangilako kuntashi. 6 Kabili bawishi tabamushupilepo, ukwe ati, "mba nindo wakitila ikya musango uyu nangu filya?"' Adoniya naye ali mwalalume uwali nekilungi ikiweme, ewali wabubili mukufyalwa ukufuma pali Abisalomo. 7 Ye alyumfwañgene na Yoabu umwana wakwa zeluya na Abiyata iñganga yaba lesa. balimukonkele Adoniya ne kumofwako ye. 8 Sombi sadoka umupapatilishi,na Benaya umwana umulalume Yeoyadi na Natani iñganga yabalesa. Na shime,na Reyine balalume aba makosa abakwa Davida tabakwatakene po na Adoniya ne. 9 Adoniya alilambwile umulambu wa mbelele, ñgombe ne bana bañgombe ishinonene kubwipi nekibwe kya Zoheleta ikyo ikyali kubwipi na Enelogeli. Alitile abalongo bakwe bonse abalalume, abana ba mfumu,nebalalume bonse abena Juda, nebabomfi bamfumu bonse. 10 Sombi tatilepo Natani umupapatilishi ,na Beniya umwalalume ukosele,neli umulongo wakwe Solomoni. 11 Natani kalabila kuli Betesheba nyina yakwa Solomoni nekulabila ati, "taumfwilepo ati Adoniya umwana umwalalume uwakwa Hagagi aba nimfumu,Kabili Davida umukulu wesu teshibilepo neli kimo?" 12 Pano lomba leka kumpele ikakufwako, pakweba ati wingalinga ukupulushako umweo obe nemweo wa mwana obe Solomoni. 13 Ima koya kumfumu Davida,ulabile kuliye ati,mwe bashikulu bamfumu yangi .Kanshi tamwalapile kuli nemo nemubomfi wenu nekulabila ati, "ikyakineSolomoni umwana wobe akekala nimfumu panuma yangi?"kabili akakala petebe lyabufumu bwangi? mba nindo Adoniya engatekela?' 14 Ili ulyko nekulabila nemfumu, ndeisa panuma yenu mukushininkisha amashiwi enu." 15 Penka betesheba alile mukwingila munganda kukipinda kya mfumu Solomoni,imfumu yalikotele.Na Abishayi umwina shunema ewalasunga imfumu. 16 Betesheba alifkeme panshi nekulangisha umukishi kumfumu. Kabili imfumu kailabile ati, "mba ninsakintu ikyo ulukufwaya?" 17 Ye alimwasukile ati, mwebakulu ,mwalilapile kumubomfi wenu kumenso aba Yawe lesa wenu. nekulabila ati, ikya kine solomoni umwana obe umwalalume eukakonkapo ukuswana ubufumu ukufuma pali nemo,kabili ye akekala petebe lya bufumu bwangi.' 18 Pano bona Adoniya aikalamba nimfumu ,nangaba mwebo bamfumu yangitamwishibilepo nangu kimo. 19 Alambula ingombe ishingi nebana bangombe ishinine, nembelele, kabiliaita nebana bamfumu bonse abalalume, Abiyata amupapatilishi na Joab umukulu wabashilika bankondo,nangaba ni fifyo tetilepo Solomoni umupyungishi wenu. 20 Koti nimwebo mwebakulu mwemfumu yangi,amenso onse abena isaleli ali pali mweo, mukumipembeleleni ukubebe abantu ukapingapo petebe lyabufumu pali mwebo mwebakulu bangi. 21 Lomba iki kikamoneka, impindi iyo abakulu abo abali nimfumu ili bakafwa pamo nabawishibo, alinemo pamo nemwana wangi Solomoni bakatulangulukila ati fipondo." 22 Impindi yo alukulabila nemfumu ati, "Natani iñganga yabalesa yalishele. 23 Uyu mubomfi ali yebele imfumu ati, "Natani iñganga yabalesa alikuno."Ili aishile mukati kumenso amfumu, ali fukeme panshi nekukinka ikilungi kyakwe panshi. 24 Natani kalabila ati,mwebakulu mwemfumu , bushe mwalabila ati, ' Adoniya akekale pabufumu ukufuma pali nebo kabili akekale petebe lyabufumu?' 25 Pantu aya lelo mukutula umulambu wapendwa ikulu iya ñgombe nebana bañgombe ishinine nemikoko.Kabili aita nebana bamfumu abalalume, nebakulu bankondo, na Abiyata umupapatilishi.Bo balelya nekunwa kumenso akwe nekulabila ati, 'mutwaalilile ubwikashi mwemfumu ba Adonayi.' 26 Lomba koti ninemo Zadoka neñganga yabalesa na Benaya, umwana wakwa Yehoyada nemupyungushi wenu Solomomi, ye tatwichilepo fwebo. 27 Ngakyakweba ati ye umukulu wesu imfumu ngaba kitefi ukwakubula ukutubula fwebo fwebabomfi, ungalinga ukupyana pabufumu ukufuma paliye ninani?" 28 Penka imfumu David alyasukile nekulabila ati, "mwiteni Betesheba abwele kuli nemo." Alishele kumenso amfumu nekwimakana kubwipi nemfumu. 29 Imfumu yalipangile ikilayano nekulabila ati, "mwenka umubelelebalesa nebumi abo abankula nemo mufyakukatasha fyangi fyonse, 30 Ili ndukupanga ukulayano kuli mwebo kumenso abayawe lesa wabena isaleli nekulabila ati, "Solomoni umwana obe eukekala pabufumu kani nemo nafumapo, Kabili ye akekala petebe lya bufumu pakifulo kyangi,'Iki nkokikita lelo lyenka." 31 Penka Betesheba alifukeme panshi nekekinka ikilungi kyakwe panshi kabili alilangishi umukinshi kunfumu nekulabila ati, "ikine imfumu yangi itwalilile ukwikala umuyayaya." 32 Imfumu Davida alilabile ati,"ngichileniko Zadoki umupapatishi, na Natani iñganga yabalesa ne Benaya umwana wakwa Yehoyada," balishele kuli bamfumu . 33 Imfumu yalilabile kulibo ati, "pinteni ababomfi bangi nemfumu yenu, kabili muleke Solomon umwana wangi ende pamwana wambongolo yangi nekumutwala kunshi ku Giyoni. 34 Muleke Zodoka umupapatilishi na Natani iñganga yabalesa musube amafuta aakwikala nemfumu yabena isaleli nekulisha intolompita, nekulabila ati, "mwitalilile ukwikala imyaka nemyaka mwemfumu ba Solomoni." 35 Kabili mwebo mukeba abakumulondela ye, kabili akesa mukwikala pafifulo kyangi ikyabufumu ; Pakuti ye akaba nimfumu mukifulo kyangi. Nemo namusala ukuba nimfumu yabena isaleli nebena Yuda." 36 Penka Benaya umwana wakwa Yehoyada alyasukile imfumu ati, "lekeni kibe fyenkefyo! ba yawe lesa waba shakulu besu imfumu bakisuminishe. 37 Ili ba yawe bali nebakulu bangi bamfumu, lekeni babe nakwe solomoni . Nekukusha ubufumu bwakwe ukukila napabufumu bwabakulu bangi imfumu Davida." 38 Penka Zadoka iñganga yabalesa na Natani, na Benaya umwana wakwe Yehoyadi ne bena Kaleta ne bena Peleta, balikunkulikile nekuya mukumunishika pambongolo lyalalume iya mfumu iya mfumu Davida, nokumuleta ku Gihona. 39 Zadoka iñganga yabalesa alitolele ulusengo ulwalimo amafuta mwitente ne kumushinga solomoni. kabili balilishishe nentolompita, penka abantu bonse kabalabile ati, "mukekale umuyayaya mwemfumu ba Solomoni!" 40 Kabili abantu bonse balile nakwe ili bamukonkele, kabili abantu balilishe amatolompita nekusangalala ukukulu, ikyalengeshe nekyalo ukusunkanaumulandu wakulila kwa filimba. 41 Adonayi nebeni abo nabo balyumfwile impindi bapwishishe ukulya.Ili Joabu aumfwile ukulila kwa ntolopita kalabila ati, "Mba nindo mwabela ikiwowo mu mushi?" 42 Impindi iyo alukulabila,Jonifani umwana wakwe Abiyata iñganga yabalesa alishele. Adonayi kalabila ati, "ingila isa, pantu uli muntu umuweme kabili leta amashiwi aweme." 43 Jonifwane alysukile nekulabila kuli Adoniya ati, "umukulu wesu imfumu Davida abika Solomoni ukuba nimfumu, 44 Kabili imfumu yatuma Zadoka umupapatishi, Natani iñgnga yabalesa na Beniya umwana wakwa Yehoyada, nebena Keleta, nebena Pelete. bali munishikile Solomoni ukwenda pambongolo ilume iya mfumu. 45 Zodoka umupapatilishi na Natani iñganga yaba yawe, bamushinga amafuta ukuba nimfumu ku Gihon, Kabili baisa ukufumu ukubaile ka basangalele,pakweba ati umushi onse obe ne kiwowo ikikulu. iki ekyongo iki mwaumfwa. 47 Kabili Solomoni alikelepetebe lya bufumu. 46 Mukulundapo, ababomfi bamfumu balishile mukushukisha imfumu yesu Davidi nekulabila ati, 'ba lesa benu bapange ishina lya kwa Solomoni libe iliweme ukukila ishina lyobe, Nekulengesha ubufumu ukukula ukukila pabufumu bobe.' kabili imfumu yalifukeme panshi pabulo. 48 Kabili imfumu kailabila ati, "ba kindikwe ba yawe, lesa wa bena isaleli, abo aba mpela umuntu uwakukila petebe lya bufumu bwangi pabushiku bwalelo, kabili nmenso angi kalukuli mwena."' 49 Kabili nebeni bonse aba kwa Adonaya balyumfwile umwenso. balimine kilamuntu nekuliila. 50 Penka Adoniya aumfwile umwenso wakutina Solomoni, alimine nekuya, alipinchile nensengo shakyakokelapo umulambu. 51 Kabili kyalilabilwe kuli Solomoni ati, "bona Adoniya aumfwa umwenso wamfumu Solomoni, pakuti ye akwata pa nsengo shakya kokelapo umulandu wakokya,nekulabila ati, 'lekeni imfumu Solomoni taye alape kuli nemo ati nsha kepayepo umubomfi wenu nemupanga."' 52 Penka Solomoni alilabile ati, "nga alilangisha umwine ukuba muntu ufikilepo neli mushishi umo uwakwe uwengakuntikila panshi, sombikani ubunake kabusangwa muliye ninshi akafwa." 53 Penka umfumu Solomoni alitumine abalalume, abamuletele Adoniya ukumufumya kukyakokelako umulambu, Alishile nekufukama panshi kumfumu Solomoni, kabili solomoni alilabile kuliye ati, "Koya kuñganda yobe."