¹ Pno panuma yakapidi, Naboti umwina Yezreelite wali nebala lyafisepo mu Yezreel, pabwipi nepusha yakukipango kya kwa Ahabi, ifumu ya Samaliya. ² Ahabi kalabila kuli Naboti, nokulabila, "pele ibala lyobe ilya fisepo, nengalibika ilya kubikamo ifya mabula, pamulandu ili kubwipi neñganda yangi, nangu, nangu walubuluka kokupela idalama." ³ Naboti kamwasuka Ahabi, "ba yawe balikenye ukwebati tekuti pele ipanga yabashakulu bangi kuli mwebo." ⁴ Ali Ahabi aile kukipango kyakwe ukwabulo kutodwa nokofitwa pamulandu Naboti umwina Yezleelite tamupele ili alabile< "tekuti kupele ipanga yaba shakulu bangi." Ali lele pamupunda, nokwalula ipumi yakwe, nokukana ukulya ifyakulya. ⁵ Yezebel umukashi wakwe alishile kuliye nokulabila kuli ye, "mba nindo umutima obe waba nobulanda, ali wakana nokulya?" ⁶ Kamwasuka, "nakilabila kuli Naboti umwina Yezleelite nokulabila kuli ye: pele ibala lyobe nangu nindalama, nga kya kusekesha, kukupela libi ibala. 'penka akinga suka, tekuti kupele ibala."' ⁷ Ali muka Yezebel kamwasuka, "kanshi tamwikalika ubufumu bwa isuleli? imeni mulya; lekeni umutima Naboti umwina Yezleelite." ⁸ Ali Yezebeli alebele ikalata mwishina lyakwa Ahabi, tabakwete umakeshibilo nakeshibilo, nokutuma kutangishi nabakubuni u_waikele nakwe mwi bungano, kabili u_walikwikala pabwipi na Naboti. ⁹ Alilembele mukulata, nokulabila, "bilikisheni ukukashikilwa nasala nokwika Naboti pabantu bonse. ¹⁰ Kabili bika abantu babili ababatabakwete umukashi naye kabili balekeni bumilabile, ukulabila kuliye; mwakifinga lesa nefumu."' Penka mufumyeni posonde nokumupola amabwe nokufwa. ¹¹ Ali abalalume bamumishi, abakulu naba fuma balikele mwibala lyakwa Naboti mumushi, noku kita fyeka Yezebel alabile kuli nbo. fyeka fya lebelwe mukalata iyatuminwe kuli nbo. ¹² Penka kababika ukushikilwa nesala nokwikala pali Naboti pabantu. ¹³ Abantu babili balishile nokwikalikwi kabili kumeso akwa Naboti; balimushinabwile kuli Naboti kumeso abantu, nokulabila, "Naboti akifinga lesa kabili nefumu."Ali ba mupitile ukufuma mumushi nokupola amabwe nokufwa. ¹⁴ Penka abakulu kabatuma ishiwi kuli Yezebeli, nokulabila, "Naboti wapolwa amabwe kaabili wafwa." ¹⁵ Ili Yezebeli aufwile ati Naboti wapolwa amabwe nokufwa, alilabile kuli Ahabi, "ima nokupoka ibala lyafisepo lyakwa Naboti umwina Yezleelite, u_wakene ukupana ibala nendalama, pamulanda talimumi, lomba wafwa." ¹⁶ Ili Ahabi aufwile ati Naboti wafwa, alimine nokuya kwibala lyakwa Naboti umwina Yezleelite nokupoka ibala ukuba lyakwe. ¹⁷ Penka ishiwi lyaba yawe lyaishele kuli Eliya umwina Tishibeli, nokulabila, ¹⁸ "ima nokuya mukukumanya Ahabi ifumu ya isuleli, u_wikala musamaliya. Ali mwibala lyawa Naboti,uko ayamukupoka ibala. ¹⁹ Ulabile kuli ye nokulabila ati ba yawe balabila ati, "mupusha umo ibwa shika fyopa pamulopa wakwa Naboti, nebwa nosha shikafyopa pamulopa obe, kine, umulopa obe." ²⁰ Ahabi kalabila kuli Eliya, "kanshi mwasanga nemo, wemulwani?"Eliya kamwasuka,'nakusanga, pamulandu walishitisha kukibipile kumeso aba yawe. ²¹ Bayawe balabila ifi kuli webo; mona, kaleta ubone pali webo kabili nokupwilika ukonaula nokuputulwa ukufuma abalalume abanike nabasha nabakakulwa umuntu mu isuleli. ²² Kalenga ikifyashi fyobe koti kifyashi kyamwana Yeloboam mwana Neboti, kabili koti kifyashi kyakwa Baasha mwana Ahijah, pamulandu watatika nemo kubukali nokulenga isuleli ukubifya.' ²³ Ba yawe balabile kuli Yezebeli, nokulabila ati, "ibwa shikalya Yezebeli kumbali yakibumba kya Yezleel." ²⁴ Onse uli kuli Ahabi kabili akafwila mumushi, ibwa shikamulya; nefyuni fya mulwelele fikalya ukafwila mwibala." ²⁵ Takwali neli umo koti ni Ahabi, u_walishishe umwine ukukita ukubifya kumeso abayawe, uyo umukashi amubulile ukukita ukubifya. ²⁶ Ahabi alikusobolola imikito yatulesa ifyo akokele, fyeka bonse abena Amoliti bakitile, abo ba yawe bafumishe pakutanga kwa bena isuleli. ²⁷ Ili Ahabi aufwile ayamashibwi, katabula isalushakwe nokufwala isalu shamalilo,nokushikilwa nesala mukutebela nokwikala nebulanda. ²⁸ Penka bayawe kabatuma ishiwi kuli Eliya waku Tishibeli, nokulabila, ²⁹ "wamona ifyo Ahabi alikefya umwine kuli nemo? pamulandu alikefye kuli nemo, shalete ubonaushi mushiku shakwe; nimushiku shabana bakwe emo kaleta ubonaushi pakifyashi kyakwe.