¹ Ahandi ali mwebele fyonse Yezebeli ifyo akitile Eliya kabili nefyo aipeye bonse abakwaula ne mupanga. ² Ali Yezebeli atumine imilai kuli Eliya, Noku labila, "Balesa benga kitila kabili ifingi nanemo. Anga shikitile ubumi kiti ninemo wafwile abakubona mailo papindi." ³ Ili Eliya aufwile ifyo, Alimine kabili nokupusha ubumi kabili alishile ku Mbesheba, iyaba Yunda, kabili no kusha ababofi kulya. ⁴ Lomba ye kaya ulwendo mumayamba, nokwikala panshi mushi yakichi kya pamuloteni. No kwipusha ukweba afwe, no kulabila, "Fyafula, pano, Bayawe; piteni ubumi bwangi, shiwemepo ukukila abashakulu abafwile." ⁵ Lekeni ndale mushi yakichi kya pamulotemi. Peka malaika kamwikata no kulabila kuli ye, "Buka kabili nokulya," ⁶ Eliya kakeba, pabwipi nomutwi wakwe kwali umukate wakubumba pamalasha nebotolo ya menda. Alilile nokunwa kabili nokulala libili. ⁷ Malaika wa ba Yawe alishile libili no kumwikata kabili nokulabila, "Ima kabili ulya, pakuci ulwendo lukulu kuli webo." ⁸ Ali abukile kabii nokulya nokunwa, kabili alyendele mukosa yafyakulya ishiku 40 Akasuba nobushiku ku Olebi, kumukolo waba Lesa. ⁹ Alile mulukelo kulya nokwikala, kabili ishiwi lya ba ba Yawe kalisa kuli ye nokulabila kuliye, Nindo ulukukita kuno, Eliya? ¹⁰ Eliya kabasuka, "Ndine kikoko pali ba Yawe, Lesa wa fyonse, pamulandu abantu ba Isuleli balubako ulu layano, nokonala ifyoto, nokwipaya aba kubona nemipanga. Pano nemo, ndi nemo, nashalapo kabili ba esha ukufwaya umweo wangi." ¹¹ Bayawe kabamwasuka,"Koya kabili wimakane kumukolo kutangile yangi," Penka ba Yawe balipicile, nakabesha umukulu nokutekanya umukolo kabili nokumukola amabule mufipi fwa kutangile yaba Yawe, lomba tabalimo ba Yawe muli kabesha. Panuma yakabesha, kwa lishile iki tetashi, lomba ba Yawe tabali mo ¹² Panuma yakitetashi umulilo kaisa lomba ba Yawe tabalimo. Penka panuma yamulilo kalishiwi kanini kalishile. ¹³ Ili aufwile ishi, kafimba ipumi nekitambala, nokufuma nokwi makana pamulyango wa lukelo. Eli shiwi lyaishile nokulabila, "Nindo ulukukita pano, Eliya?" ¹⁴ Eliya kabasuka, "Ndi nekikoko pali ba Yawe, Lesa wa fyonse, pamulandu aba Isuleli balubako amalyano, nokonaula ifyoto, nokwipaya abakubona ne mipanga. Ninemo nashala kabili balukufwaya nkungipaya." ¹⁵ Penka ba Yawe kabalabila kuli ye, "Koya, bwelela mulubasa mumayamba ya Ndamasikashi, kabili ili wakufika ukabekepo Hazael ukuba nefumu pali Alamu. ¹⁶ Uka sube Yeho mwana ninshi ukuba nifumu pali Isuleli, nokusuba Elisha mwana shafwati umwina Meholahi ukuba u-wakubona papusha yobe. ¹⁷ Kuli no kukitika ukwebati Yehu alinokwipaya ukabutuka onse ukufuma kumupanga wa kwa Haael, kabili Elisha akepaya onse ukabutuka kumupanga wa kwa Yehu. ¹⁸ Lomba ndukusha nemwine 7000 abantu mu Isuleli, abo amakuti taba fukaminepo Mbaali. Kabili notunwa tafu fyopelepo. ¹⁹ Eliya alishile kulya kabili nokusanga Elisha mwana Shafwati, u-walikulima nengombe ne makoti12 aya ngomba kutangile ukufuma epo ali, Eliya alyendele kuli Elisha nokuponya ikoli pali ye. ²⁰ Eli Elisha ashile ikoli lyangombe nokubutukila Eliya; nokulabila, napapata lekeni fyope ba tata naba mama, nokumikokeni," Eli Eliya alabile kuli ye, "Bwelamo. Lomba languka ifyo nakiya kuli webo." ²¹ Eli Elisha abwelele ukufuma kuli Eliya nokupita ikoli lya bongolo shangombe. Penka kabapana kubantu kabili balilile. Eli aimine nokukokela Eliya no mupyungila.