¹ Pano panuma yashiku ikyebo kya bayawe kyalishile kuli Eliya,mumwaka wabutatu mukikala, nokulabila, "koya, nokuli mwenesha kuli Ahabi kabili kotuma ifula mukyalo." ² Eliya kaya nokuli mwenesha umwine kuli Ahabi; pano ikipowe kyali mu Samaliya. ³ Ahabi alitile Obadiah, u_wali mukulu wakipango. Pano Obadiya alikindikile ba yawe apakulu, ⁴ pantu ili Yezebeli alikwipaya abakubona ababa yawe, Obadiya alibulile 100 abakubona kabili nokubafisa 50 mulukelo 50mulukelo kabili kabili nokubalisha nomukate nameeshi. ⁵ Ahabi kalabila kuli Obadiya, "koya upite mukyalo konse kutulo shanika namalungu. Pabi koti twasanga ifyani nokupulusha ibongo shensu nefitekwa nobumi, ukwebati twekabula ukulofwa ifitekwa fyonse ifyanama." ⁶ Ali ba abenye palibo nokupitamo nokumoma ameshi. Ahabi alilile kabeya kamo na Obadiya kabeya kamo. ⁷ Ili Obadiya ali mushile, ukwakubula kwishiba kamukumanya Eliya. Obadiya kamwanuka nokukunika ipumi panshi. Alilabile, "kanshi tamuli nimwebo, bakapa ba Eliya?" ⁸ Eliya kamwasuka, "ninemo.koya umwebe kapa yobe, 'mona Eliya alikuno."' ⁹ Obadiya kamwasuka, "kanshi nabifya shani nemo, ukwebati upane umubofi obe mumaboko akwa Ahabi, ukwebati angipaye nemo? ¹⁰ Fyeka bayawe lesa obe bekele, takulipo ikyalo neli bufumu uko ba shikulu tababulile ukufuma abantu ukukusanga. Konse kukyalo nangu ubufumu balabila, "Eliya tali kuno, 'Ahabi alakita ikilapo kwebati tabakusangile. ¹¹ Pano walabila, 'koya, umwebe kapayobe ukwebati Eliya ali pano.' ¹² Ili penka pano ulukoya ukufuma kuli webo, umupashi waba yawe alukukupita kupusha shishipo. Penka ili nakuya nokweba Ahabi, kabili nokubula ukukusanga, alukungipaya nemo, umubofi obe, napupa ba yawe ukufuma kubwanike. ¹³ Takilabilwe kuli webo, bashikulu, ifyo nakitile ili Yezebeli aipeye abakwaula baba yawe, ifyo nafisile 100 abakwaula baba yawe 50 mulukelo 50 mulukelo nokubalisha nashikwa nameshi? ¹⁴ Pano walabila kuli nemo, 'koya webe bashikulu bobe ati Eliya ali kuno. Ukwebati angipaye nemo." ¹⁵ Ali Eliya amwasukile, "fyeka ba yawe babaswetele bekele, Abo gimakanine, mukine kolimwenesha kuli Ahabi lelo." ¹⁶ Ali Obadiya aile nokukumanya Ahabi, kabili nokumweba ifyo Eliya alabile. Penka ifumu kaiya nokukumanya Eliya. ¹⁷ Ili Ahabi amwene Eliya, alilabile kuli ye, "kanshi niwebo? uleta amakatasho mu Isuleli!" ¹⁸ Eliya kamwasuka, "shiletelepo makatasho mu Isuleli, lomba webo nekifyshi kyaba wiso ebaleta mukatasho ukonaula amalamuna aba yawe nokukoka Baal. ¹⁹ Pano, tuma amashiwi nokubungana bonse aba Isuleli ku mokolo wa Kamela, nabalesa ba kubona 450 kabili 400 abakwaula Ashelah abalya kwi tebulu lyakwa Yezebeli." ²⁰ Ali Ahabi atumine amashiwi kubantu bonse nokubabunganya abakubona kumukolo wa Kamela. ²¹ Eliya alishile pabwipi nabantu nokulabila, "nilinga mwakulu kukikya kalango? nga bayawe ni balesa, bakokeni, lomba nga ni Baal nilesa wenu mukokeni."Ali abantu tabamwasukile neli lishiwi. ²² Ali Eliya alabile kubantu, "nemo, bushimwa, nashala bushimwa u_wakubona waba yawe, lomba Baal abakubona bali 450 abalalume. ²³ Pano leteni iñombe shilume shibili, lekeni basale iñombe imo abene nokuputula mufipifwa, nokubika palutala lwakuni, lomba mwebekapo umulilo mushi. Penka libabileni iñombe ibi nokubika pakuni,kabili mwebikamo umulilo mushi. ²⁴ Penka mwite peshina lya lesa wenu, kabili ndukwita peshina lya kwa lesa wangi yawe, kabili lesa u_wasuka nomulilo, lekeni obe ni lesa."Ali abantu bonse basukile nokulabila, "ikikiweme," ²⁵ Ali Eliya kalabila kubakubona bakwa Baal, "saleni iñombe imo mwebene nokulibabila pakutatika, pakuti bengi abantu. Penka mwite peshina lyakwa lesa wenu. Lomba mwebika umulilo mushi ya ñombe." ²⁶ Balibulile iñombe iyo bapelwe nokulibabila, kabili balitile peshina lya Baal ukufuma kumakya ukufika ikingulo, nokulabila, "Baal, tufweni fyebo." Lomba takwali ishiwi, nangu umo wa_asukile. Balikindile ukushinguluka ikyoto bapangile. ²⁷ Pakaciakasuba mwiulu Eliya alibasekele nokulabila, "bilikeni! nilesa! pabi alukulanguluka, nangu akutusha umwine, nangu ali palwendo, pabi alilele alilingile ukubuka." ²⁸ Ali babilikishe apakulu, kabili baliputwileko abene, ifyo balukukita lomba ifyo balukukita, ne mipanga namafumo, ukufika imilopa yabo kai longomoka palinbo. ²⁹ Pakaci kakasuba kakapita, bali kabalukuta ukufika ipindi yamilabu yakingulo, lomba takwali isiwi nangu umo ukwasuka; takwali u_waposeleko amano ukupapata. ³⁰ Penka Eliya kalabila kubantu bonse, "iseni kubwipi nanemo,"nabantu balishile kuli ye. Ali aibakukwile ikyonto kyaba yawe ikyali mumenda. ³¹ Eliya alibulile amabwe twelufu, ilibwe limo kwimakaninako umutundu wabana bakwa Yakobi uko amashiwi yaishile, nokulabila, "Isuleli Isuleli lishina lyobe." ³² Namabwe kaibaka ikyonto mwishina lya bayawe kabili alisepele umufolo kusinguluka ikyonto notucine tubili utwamenda nebuto. ³³ Ali bungenya ikuni shamulilo, nokuputula mu fipifwa iñombe nokubika pakuni. Ali labile isusheni amabotulo abili ayamenda nokwicila pa kyokelo kyafya kyabupe bwakufutumuna napakuni." ³⁴ Ali alabile, "kiteni libili,"balikitile libili. Kabili ilya butatu,"nokukita ilya butatu. ³⁵ Amenda kabutuka ukushinguluka ikyoto nokwisula umufolo. ³⁶ Kyalikitikile ipindi yabupe iyakingulo kyafitapisho, ili Eliya u_wakubona aishile kubwipi nokulabila, "ba yawe, lesa wakwa Abulama, wakwa Isaac,kabili wa Isuleli, lekeni kishibanikwe ba shiku buno ati muli ba lesa wakwa Isuleli, kabili ndimubofi wenu nakita ififyonse kwishiwi lyenu. ³⁷ Ngufyeni, bayawe, ngufyeni ukwebati ababantu bamishibe,bayawe, balesa, kabili mwa alula imitima yabo kuli mwebo mwebene." ³⁸ Ali umulilo waba yawe aliponene nokokya ikyoto kyamilambu, nekuni, namabwe, kabili neloba ne kukanya amenda ayalimumufolo. ³⁹ Ili abantu bonse bamwene ifi, baliponeshi ipumi panshi nokulabila ati, "bayawe, niba lesa! bayawe, nibalesa!" ⁴⁰ Ali Eliya alabile kuli bo, "piteni u_wakubona Baal. Mweleka neli umo ukufyuka."Ali babulile, kabili Eliya kaleta u_wakubona Baal panshi kumika ya Kishoni nokubepaya kulya. ⁴¹ Eliya kalabila kuli Ahabi, "ima, lya nokunwa, pakuti kuli ikilulumo ikikulu ikya fula." ⁴² Ali Ahabi aile mukulya nokunwa. Penka Eliya aile peulu lya mukolo wa Kamela nokufuma panshi nokubika ipumi pamakufi yakwe. ⁴³ Alilabile kubabofi bakwe, "kabiyeni pano, boneni kukishiba,"Ababofi bakwe kabaya nokulabila, "takulipo ifintu." Lisanu natubuli Eliya kalabila, "kabiyeni libili." ⁴⁴ Papindi yabusanu natubili umubofi kalabila, "moneni, boneni ikubi ukufuma pakishiba. Kanini koti kuboko kwamuntu,"Eliya kabasuka, "kabiyeni kuli Ahabi, 'libabileni amakalaki kabili nokuya panshi ilifula tainga kwinika."' ⁴⁵ Kyali kitilwe mukapindi kanini ili mwiulu mwafitile namakubi kabili nakabesha, kabili kwali ifula ikulu. Ahabi alimine kabili nokuya kuli Yezebeli. ⁴⁶ Lomba ukuboko kwaba yawe kwali pali Eliya.Ali kakile itabo mumushipi kabili nokubutukila kutangile yakwa Ahabi ili tangengila pamulyango wakwa Yezebeli.