¹ Eliya umwina Tishibite, ukufuma Tishibeti mu Gileadi, Alilabile kuli Ahabi, "ifyo ba yawe, lesa wa isulelibekele, abo naimakanina, tamukabapo ikime nangu ifula muilya myaka kani kandabila." ³ Ikyebo kyaba yawe kyalishile kuli Eliya nokulabila, ² "sha nokufuma kuno kabili uye kukabanga ka yolodani. ⁴ Kikakitika ukalikunwa mulukelo kabili kakabisha kikwangala ukumulisha kulya." ⁵ Eli Eliyaaile kabili nokukita ifyo ba yawe ba mwebele.Alile nokwikala mulukelo, kukabanga wa Yolodani. ⁶ Bakikwañgala kabamuletela umukate ne fwaina ulukelo nekingulo, kabili nokunwa ukufuma mulekelo. ⁷ Lomba panini mulukelo mwalyumi ne pakuei tamwali ifula mukyalo. ⁸ Ikyebo kyaba yawe kakisa kuli ye, nokulabila, ⁹ "ima, koya ku Zaloefiti, ili ku Sidoni, kabili nokwikala kulya. Mona, nakabisha mukafwilwa ukukulisha." ¹⁰ Ali aimine kabili nokuya Zalefiti,ili afikile pamulyango wamushi mukafwilwa ali kutola utukuni. Ali a mwitile nokulabila, "napapata pelenipo tumenda tunini mwibotolo ukwebatiinwe." ¹¹ Ili alukuya mukupinta amenda alimwitle, kabili nokulabila, "napapata noletelenipo umukate kumaboko enu." ¹² Kamwasuka, "ifyo ba yawe lesa abe bekele, shikwete po umukate, lomba tunini tubunga mwibotolo natumafuta mwibotolo tunini. Mona kotola tusala tubuli ukwebati ikoya nokuteka nemo nomwana wangi ukwebati tulya, kabili nokufwa." ¹³ Eliya alimwebele, "wetina, koya ukite ifi walabila,lomba upangilepo tumasunga tunini nokundetela. Panuma ukite wemwine nomwana obe. ¹⁴ Pakuti ba yawe, lesa wa isuleli, balabilila, 'ibotolo lya bunga tamwapwe, nangu lya mafuta talya lekepo ukusuma, ukufika papindi bayawe bakaleta ifula pakyalo." ¹⁵ Naye alilkitile ifyo Eliya amwebele. Ye na Eliya nebañganda, balilile pashiku ishingi. ¹⁶ mwebotolo lya bunga nelya nelya mafuta tamwalukupwa fyeka ba yawe balabile kuli Eliya. ¹⁷ Panuma yafiti umwana wakwa uyu mwanakashi alilwele pabwipi nokufwa. ¹⁸ Ali umwanakashi alabile kuli Eliya, "isa kitu ukwete kuli nemo, we muntu waba lesa? waisa mukunganusha nemo kukubifya nokwipaya umwana wangi?" ¹⁹ Penka Eliya kamwasuka, "pele umwana obe." Alimisha umwana wakwe umwalalume kumaboko nokumutwala muñganda umo alikwikala, nokumulalika pamupuda wakwe. ²⁰ Ali lilile kuli ba yawe kabili nokulabila, "bayawe mwebalesa wangi, mwaleta ulukatasho pali mukafwilwa uyu ndukwikala naye, pakumwipa ili umwana?" ²¹ Ali Eliya alitanikile umwine pamwana litatu; alilile kuli ba yawe nokulabila, "bayawe balesa wangi, napapata, namilomba lekeni uyumwana abwele kubumi." ²² Ba yawe kabakutika kwishiwi lyakwa Eliya; nomwana alibele nobumi kabili,no kubukulushiwa. ²³ Na Eliya kapita umwana nokumufumya muñganda nokumubwesha panshi muñganda yabo; nokumupana kuli bangina nokulabila, "mona umwana obe mumi." ²⁴ Umwanakashi kalabila kuli Eliya, "pano naishiba ulimuntu waba shikulu neshiwi lya yawe lili mukanwa kobe lya kishinka."