¹ Ikebo kyaba yawe kyalishile kuli Yehu mwana Hanani kuli Baasha, nokulabila ati, ² "nangu nakulenga ukulitota webo ukufuma kulukungu nokupela bukilolo pabantu abena Isuleli, waenda mushila yakwa Yeloboam nokulenga Isuleli ukubifya, ali abantu bangi batatika nokubifya kwabo. ³ Mona, nemo kabapwisha ukubapyanga abena Baasha nekifyashi nokulenga ikifyashi kuti kifyashi kyakwa Yeloboam mwana Nebat. ⁴ Ibwa ikalya onse ulikulubali lwa kwa Baasha u_wafwilile mumushi, nefyoni fya mwiulu fikalya ukafwila mwibala." ⁵ Napamilandu ibi iyakwa Baasha, ifyo akitile, namakosa, tafilebelwe mwibuku lya fikitwa fya fumu sha Isuleli? ⁶ Baasha alilele kufikolwe kabili alishikilwe mu Tilzah, kabili umwana wakwe Elah alibele nifumu mupusha yakwe. ⁷ No wakubona Jehu mwana Hanani ikyebo kyaba yawe kyalishile pali Baasha nekifyashi, bonse pamulandu wa fyonse ifyakubifya akitile kumeso abayawe, ali ababatatikile kubukali pamilimo ya maboko, koti kifyashi kyakwa Yeloboama, kabili napakwipaya ikifyashi kya kwa Yeloboam. ⁸ Mumwaka wa 26 ifumu Asa ifumu ya Yuda, Elah mwana Baasha alitatikile ukwikalika Isuleli mu Tilzah, alikalikile pa myaka 2. ⁹ Umubofi Zimli, umukulu wamakaliki, ali fwaile kuli ye, pano Elah ali mu Tilzah, alikunwa umwine muñganda yakwa Azla, u_wali mukulu wañganda mu Tilzah. ¹⁰ Zimli alingile nokumutula ishita nokumwipaya. mumwaka wa 27 wakwa Asa ifumu yaba Yuda, kabili alibele nifumu. ¹¹ Ili Zimli atatikile ukwikasha nokwikala petebe, alipeye ikifyashi kyonse kyabena Baasha. Tashilepo neli umo umwalalume mu kifyashi neli mubatemwe. ¹² Ali zimli aonawile abalongo bonse abakwa Baasha, ukulingana kufyebo fya ba yawe ifyo ba mwebele Baasha ku wakubona Jehu pakubifya, ¹³ kwa Baasha nokubifya Elah umwana wakwe akitile, nokulenga Isuleli ukubifya, kwebati balitatikile bayawe, lesa wa Isuleli kubukali bwa fibubwa_fyabo. ¹⁴ Pamilandu ibi ukulingana na Elah, ifyo akitile, Tafilebelwe mwibuku lya fikitwa fya fumu mu Isuleli? ¹⁵ Mu mwaka wa 27 ifumu Asa wa Yuda, Zimli alikalikile pa shiku 7 mu Tilza. Pano ifita fyali pakabi pa Gibbethon, u_wabena filishitiya. ¹⁶ Ifita fyalikele nokufwa kulabilwa, "Zimli apangana kabili aipaya ifumu."Ali bulya bushiku mukabi, aba Isuleli bonse kababilika Omli, umukulu wafita, ifumu ya Isuleli. ¹⁷ Omli alile peulu ukuma Gibbethon naba Isuleli bonse nayi, nokupoka Tilzah. ¹⁸ Ili amwene Zimli ukwebati bapoka umushi, alile nokutula ishita kumushitu wafumu nokukipango nokokya ifishimikwa; palififi alifwile kumulilo. ¹⁹ Fyalikitilwe nipakubifya kwabo kumeso aba yawe bakitile, nokwenda mushila yakwa Yeloboam mukubifya akitile, nokulenga Isuleli mukibipile. ²⁰ Pamilandu ibi yakwa Zimli, kabili nekwipaya akitile, tafilebelwepo mwibuku lya fyakitilwe kufumu Shaisuleli? ²¹ Penka abantu abena Isuleli balyabenwe mubili. Kabeyakamo balikokele Tibni mwana Ginath, nokumubika ifumu, nokukoka Omli. ²² Lomba abantu abakokele Omli kosele ukukila abantu abakokele Tibni mwana Ginath.Ili Tibni afwile, kabili Omli alibele nifumu. ²³ Omli alitatikile ukwikalika Isuleli mumwaka wabutatu wafumu Asa ifumu ya Yuda, kabili alikalikile imyaka 12. Kaikalika ukufuma Tilzah pa myaka 6. ²⁴ Alishitile ikyulu kya Samaliya ukufuma Shemeli pama taleti yabili yabili aya siliva.Alisopele umushi pakyulu kabili nokumwinika ishina ati Samaliya, panuma yeshina lya Shemeli, umwine wakyulu. ²⁵ Omli alikitile ukubifya kumeso aba yawe kabili nokukita ukubifya ukukulu ukukila abalipo kunuma. ²⁶ Pakuti alyendele mushila yakwa Yeloboam mwana Nebati mukubifya kwakwe ukwalengele Isuleli ukubifya ba yawe, lesa wa Isuleli, ukufitwa naba lesa wabo abalukoso. ²⁷ Pamilandu ibi pali Omli ifyo akitile, nefiamwenesha, tafilebelwe mwibuku lya fikitwa mu Isuleli kufumu? ²⁸ Ali Omli afwile nabashakulu nokushikwa mu Samaliya kabili na Ahabi umwana wakwe alibele nifumu. ²⁹ Mumwaka wa 38 wafumu Asa ifumu ya Yuda, Ahabi mwana Omli alitatikile ukwikalika Isuleli. Ahabi mwana Omli kaikalika Isuleli mu Samaliya pamyaka 22. ³⁰ Ahabi mwana Omli alikitile ukubifya kumeso aba yawe, ukukila abalipo paliye. ³¹ Ni Ahabi akitile ifyabanya ukwenda mukubifya kwa Yeloboam mwana Nebati, ali apicile umukashi wakwe Yezebeli umwana umwanakashi wakwa Efitabaali, ifumu yaku Sidonina; alile kabili nokuyupa mbali nokumufukamina . ³² Ali pangile ikyoto kyakwa mbali muñganda ya mbali, iyo aibikile mu Samaliya. ³³ Ahabi alipangile imyamba ya Ashela. Ahabi alikitile ifingi ukukolomona ba yawe, lesa wa Isuleli, ubukali ukukila pafumu shaisuleli abalipo. ³⁴ Mukwikalika kwakwe Ahabi, Hiel wa Bettel alibakulwilwe Yeliko. Hiel alibikile ukutatika kwa mushi bakushita kwa bumi bwakwa Abilam, ibeli lya mwana umwalalume wakwe; kabili Segubi umwana umwanike wakwe umwalalume, kafwa ili alukwibaka umulyango wamushi, mukulama ifyebo yaba yawe ifi balabile kuli Yoshiwa mwana Nuni.