¹ Pali ilya pindi Abiya mwana Yeloboam alilwele apakulu. ² Yeloboam kalabila kumukashi wakwe, "napapata ima kabili nokulipusanya, ukwebati bengakwishiba ati ulimukashi wangi, kabili koya Kushilo pamulandu Ahija u_wakubona ali ibe nifumu pabantu. ³ Bula imikate ikumi nebisho, nakapu wa buki kabili uye kuli Ahija. U_wakwaula Ali kukweba ifilukukitika kumwana." ⁴ Yeloboam umukashi wakwe alikitile; Ali mushile kabili nokuya kushilo kabili nokwisa kuñganda yakwa Ahija. Pano Ahija tamwene; alishibete pamulandu ali kotele. ⁵ Bayawe kabalabila kuli Ahija, "mona, muka Yeboam alukwisa muku fwaya ubukwasho ukufuma kuli webo ukulingana nomwana obe umwalalume, pakuti mulwele. Labila ifi kabili nokuliye. Pantu ili alukwisa alukukita koti Ali nabanakashi babi." ⁶ Ili Ahija aufwile imitutu yamakasa ili alukwisa kumulyango, ali labile, "ingila mukachi, muka Yeboam. Nindo ukitila ukuba umo ili tauli? natumwa kuli webo namashiwi ayakubipa. ⁷ Koya, umwebe Yeloboam ba yawe balesa waisuleli, balabila,'nalikwimishe ukufuma mubantu ukukulenga nitangishi pabantu ba Isuleli. ⁸ Na_abanya ubufumu ukufuma mukifyashi kyakwa Davedi kabili nokupana kuli webo, kabili taulipo umubofi wakwa Davedi. U_wasungile amalamuna nokukoka nomutima onse nokukita ifilingile kumeso. ⁹ Lomba palififyo, mwakita ukubifya, Ukukila abapo. Mwalenga balesa babi, kabili mwasungulula ifyela fyakipasho ukutatika nemo, nokubika kunuma yenu. ¹⁰ Mboneni, ndukuleta ubonaushi pakifyashi kyenu; ndukuputula kuli mwebo abalalume abana mu isuleli, neli musha neli uukakulwilwe, ndukufumya ikifyashi, koti umo ulukokya ubusali kani kabuya. ¹¹ Uyo onse u_wamukifyashi ukafwa mumushi akaliwa kubwa, kabili nauyo ukafwila mwibala akaliwa kufyoni fya mwiulu, pakuti ninemo yawe nalabila." ¹² Pano ima, muka Yeloboam, kabili bwela kuñganda; ili amakasa yobe alukwingila mumushi, umwana Ahija alukufwa. ¹³ Bonse aba isuleli bakamulila nokumushika Eweka ukufuma mukifyashi kyakwa Yeloboam ukaya mukilende pamulandu nimuliye, ukufuma muli Yeloboam muñganda,emuli ifintu ifiweme kumeso aba yawe , lesa wa isuleli. ¹⁴ Kabili, ba yawe bakemya ifumu mu isuleli ukaputula ikifyashi kyakwa Yeloboam palibulya bushiku, lelo bushiku, panopeka. ¹⁵ Pakuti bayawe balukutula isaleli koti litete lya sukana mumenda, nokushula umushashi wa isuleli ukufuma mukyalo ikiweme ikyo apene ku fikolwe fyanbo. Akababanya mush; ya ufulefi inika, pamulandu balipangile Ashela imyamba nokutatika balesa kubukali. ¹⁶ Akapana isuleli pamulandu wakibikile kyakwa Yeloboam, pakubifya akita, kabili nokulenga isuleli mukibipile." ¹⁷ Ali muka Yeloboami aimine nokuya, nokwisa ku Tilzah, ili aishile kulubasa lwa ñganda umwana alifwile. ¹⁸ Aba isuleli balimushikile nokumulila, fyeka bayawe balabile ku mubofi wabo Ahijah u_wakubona. ¹⁹ Pamulandu ibi iyakwa Yeloboam, ifyo apangile ubulwi nokwikalika, moneni tafilebelwe mwibukulya fikitwa fyafumu sha isuleli. ²⁰ Yeloboam alikalikile imyaka 21 nokulala kufikolwe, kabili Nadab umwana alibele nifumu ukupinga pali wishi. ²¹ Pano Lehoboam mwana Solomoni alikwikalika mu Yuda.Lehoboam ali nemyaka 41 ili abele ifumu, kabili nokwikalika 17 imyaka mu Yelusalemi, umushi ba yawe basalile ukufuma mikoka yonse iya isuleli umo babikile ishina lyabo,inshina lyabangina bali Naamah umwina Ammonati umwanakashi. ²² Aba Yuda balikitile ifibipile kumeso aba yawe; nokumutatika kubukwa nokubifya bakitile ukukila pali bawisabo bakitile. ²³ Pakuti balibakile imishi ikililepo, amashiki yamabwe, kabili Ashelah imyanda pamikolo yonse mushi yalutepu. ²⁴ Kabili mwali mwali ubu cecemeshi mukyalo. Balikitile fumo lukoso ifyo abamukyalo ba yawe babafumishemo abantu ba Isuleli. ²⁵ Kyalikitilwe mumwaka wa busanu wafumu Yehoboam ukwebati Shishaki ifumu ya Ijipita aishile pali Yelusalemi. ²⁶ Bati picile fyonse muñganda ya bayawe. nefyasungilwe muñganda yafumu nokupita; nokupita ifyakusolelamo Solomoni apangile. ²⁷ Ifumu Lehoboami alipangile ifyakusolelamo ifya lubeba nokupana kubakulu ba bamalonda, abalikulama pamilyango yafibi fyafumu kuñganda. ²⁸ Kilakitika lyonse ifumu ingila muñganda yabayawe, bamalonda balapita; penka balabwesha muñganda yabamalonda. ²⁹ Pamilandu ibi ukulingana na Lehoboami, nefyo akitile, tafilebelwe mufikitwa fya fumu sha Yuda? ³⁰ Lyonse kwali amalwangano pali Lehoboami kabili na Yeloboam. ³¹ Ali Lehoboami alifwile nefikolwe kabili alisikilwe nabo mumushi wa Davedi.Bangina bali neba Naamah umwina Ammoniti umwanakashi Abijah umwana wakwe umwalalume alibele nifumu pakifulo kyakwe.