¹ Penka imfumu iyanakashi iya ku Sheba ili yafwile inkuwa iya kwa Solomoni nomulandu weshina ilya Bayawe, alishile mukumwesha namepusho akateshe. ² Alishile Kuyelusalema nekiombe ikikulu, na bangamela balipintile ifinu nkil bwino, na golode iingisana namabwe aa bukindami. Kabili ili aishile,kuli Solomoni ali mwebele fyonse ifyali nafyo mumutima. ³ Kabili Solomoni alialumbulwile amepusho akwe onsefye takwalipo nangu kimo ikyafisamikile kumfumu ikibulile ukumululwila ne. ⁴ Penka imfumu iyana kashi iya kusheba ili yamwene amano onse akwa Solomoni, neñganda iyi aibeke, ⁵ nekalyo akakwitebulu, ali nentangishi shakwe ili aikele kwenka nentungishi shakwe ili baimine nokubabombela nefya ku fwala fyabo, nabaka seya bakwe, nemilambu yakwe iya kokya iyi alumbulwile kuñganda ya Bayawe, penkapo noku muzombokela munda. ⁶ Penka aliyebele imfumu, "kyakine ishiwi lyoobe nalyufwa mukyalo kyangi nomulandu wamibele yenu nemano eno lyali lyakine. ⁷ Pakuti fino nshaetabile alya amashiwi ne ili naisa kuno, mukulimwefyo namenso angi.Angi nemwine moneni filya bambulile fyakepesha fye amano enu nebubile! fyakila filya naumfwile. ⁸ Abantu benu, balasangalala na basha benu balemana kumenso enu inshiku shonse nokumfwa amano enu. ⁹ Bakinjikwe Bayawe balesa wenu, enka uwa mwena insansa muli mwebo nokumwikalika nimfumu yabena Isuleli. Mulandu Bayawe ifi babamwene abena Isuleli umuyayaya mulandu fyenkenu eamipele imfumu ati muleputula imilandu mwenka umolokele nekuki ifyolokele!" ¹⁰ Penka yena imfumu iyanakashi alipele imfumu Solomoni ikitota kimo na kumi abiji ifya matalenta agolide nefinunkile bwino ifingi sana namabwe abukindami.Akaletelwepo libili ifinunkile bwino fimbi ifingi pamo nefi yaleta imfumu iyana kashi iya kusheba kumfumu Solomoni ne. ¹¹ Kabili nemato aakwilama, enkao aletele golide ukufuma ku Ofila, alilele nefiti ifingi sana ifya alemuga nemabwe abukindami ukufuma ku Ofila. ¹² Penka imfumu yalya lwile filya ifiti fya alemuga kemapanda akuñganda ya Bayawe nakuñganda yakwe iya bufumu, kabili alipangileko namasense nefyansa ifya ñgimbi. Pano takulu ifiti fimbi ifya elemunga ifya fyenkefyo ifya letelwepo nangu kumoneka ne ukufikisha fye nabulelo. ¹³ Kabili imfumu Solomoni alimupele imfumu iyanakashi iya Kusheba fyonse ifi afwaile, nefyonse fye ifi alombele, ukubikapo nafilya Solomoni amupele mwenka umwilile ubupani bakwe umwine penka imfumu yakusheba yabwele kukyalo kyabo naba bomfi bayo pamo. ¹⁴ Pano golide iyi balete ta kuli solomoni mumwaka umo ukulem kwayo kwa matalenta ifi tota amakumi asanu nalimo namatalenta naumo aagolide, ¹⁵ ukubikapo nailya iyi baleteta babasulu nebashilishi baleshitisha nailya baleta.Bamfumu bonse abaku alabya nefitumbafumu fyonse ifyamufyalo abaleleta golide nasiliva kuli Solomoni. ¹⁶ Kabili imfumu Solomoni alipa amakebo agolide. aakulu aakubumba ifitota fibili ikebo limo lyalipangilwe namashekele aagolide ifitota fisa nakimo. ¹⁷ Kabili alipangile namakebo aagolide. anini ifitota fitatu ikebo limo lyapangwa namashekele agolide ikitota kimo nakumi asani kabili imfumu aliabikile muñganda ilyapanga yababiloni. ¹⁸ Penka imfumu yali pangile ikipuna ikulu ili alamaikile ameno ansofu na golide iwamishe. ¹⁹ Nakilya ikipuna, napakuninsa pasanu napamo kunuma yakyo kwali ikipashano ikya mutwi uwamwana wa~gombe. Kabilikonse kabili kwali no kwakusamina amaboko kabili nefipashano ifya nkalamu fibili kafimakene kumpelo yafilya ifya kusaminako amaboko. ²⁰ Kabili pali ifi mpashano ifya babokwe ikumi nafibili ifyaimakene palya kimo palya kimo ukwapelele filya ukuninshilapo fyonse fisanu nakimo ikipuna ifya fyenkefyo kabili talyapangilwepo mubufumu bumbi nangu bumofyene. ²¹ Ifililo fyonse ifya mfumu Solomoni ifya kunwinamo fyali fya golide, nafililo fyonse fya nganda yampanga lya Lebanoni nafyo fyali fya golide. iiweme takwalipo ifya siliva ine mulandu munshiku ishakwa Solomoni takwalipo ukulanguluka ati siliva nakyena kine. ²² Pakuti imfumu yali namato, aakwe aengi kuni ka yamenshi pamo namato aengi kulya ku Hilama limo pamyaka itatu aleleta golide, nasiliva, nameno ansofu, naba kolwe namapikoko afyone. ²³ Kabili imfumu Solomoni alibalile amafumu bonse abapano pakyalo mububile namumano. ²⁴ Kabili nomulandu abamufyalo fyonse balifwaile ukumona Solomoni ati tukonfwe amano akwe aya abika lesa mumutima wakwe. ²⁵ Eli bonse pamuntu pamuntu baleleta imilambu yabo, yabo nefintu ifya siliva, nefya golide, nefya kufwala, namola, nefinunkile bwino, nabambili nabamyule, mwenka bashimbwilile ukupana pamwaka pamwaka. ²⁶ Penka Solomoni alitele amakalaki nabantu aba pa bambili. Kabili bali ifitota ikumi nifine, nefiubi ukumi nafibile ifyabantu abapa bambili aba babikile pamo mumishi yakulaminamo amakalaki nabamo mu Yelusalemu umualeikala umwine. ²⁷ Kabili siliva alele imfumu mu Yelusalema, alifulile pamo kwati mabwe kabili nefiti ifya sida nofyo efyo aletele fyalifulile pamo kwati fiti fyamukuyu ifili mumiñanzañaza iya Shafela. ²⁸ Penka bambli ba Solomoni bali bafumishe kuijipita, naku kilikya kabili aba shitishi ba bamfumu bakabashitisha kukilikya ne ndalama. ²⁹ Ikalaki limo pakukamushitisha kui jipiti nekumuleta alefwa indalama ifitota fisanu bna kimo namakumi asanu abasulu babamfumu baleshitulwishepo fimo pamo fyenkefyo kubamfumu bonse aba Hiti nabena Alama.