¹ Nitoka gny rany tamireo zanaky gny paminany i Elisa paminany dra nanao taminazy ho: "Mekazoa ho anigny lia, dra andeso eo atagnanao ty botela masaiky misy dililo tihoky dra mandehana agny Ramota-Gileada. ² Gny fa avy hanao, dra taliavo i Jeho zanadahin'i Josefata zanak'i Nemsy, dra midira vo apisangano eo amireo namany vo andeso ao agnaty efisy manoka izy. ³ Dra alao gny botela misy dililo vo araraho eo agnabonigny lohany dra zakao ho: 'Zao gny zakan'i Yaveh: "Fa nosorako ho pazaka eo amin'Israely hanao."' Boak'eo dra sokafo gny vatrangara, dra maenga; dra ka mihemosemosy." ⁴ Dra nandeha tagny Ramota-gileada, gny tovolahy, paminany. ⁵ Nony avy izy, indreo, nitoby gny kapiteninigny tafiky. Dra hoy gny paminany zatovo: "Ninday hafasy honao zaho, ry kapiteny." Jeho namaly ho: "Ho an'iza aminay zay?" Gny paminany zatovo namaly ho: "Honao, ry kapiteny." ⁶ Dra nisanga i Jeho dra nizoso tagny atragnony, dra nararakigny paminany zatovo teo agnabonigny lohany gny dililo dra hoy izy tamin'i Jeho: "Zao gny zakan'i Yaveh, gny Zagnaharin'Israely: 'Fa nagnososy anao ho pazaka teo amigny olon'i Yaveh, teo amin'Israely Zaho. ⁷ Sy maisy vononao gny havan'i Ahaba toponao, ba hamaliako faty gny lion'ireo paminany panopoko, vo reo lion'ireo panopon'i Yaveh aby, ze nivononigny tagnan'i Jezebela. ⁸ Fa ho ringa gny fianakavian'i Ahaba manotolo, dra ho foagnako eo amin'i Ahaba gny zanadahiny aby, na gny andevo zay na gny olon'afaky. ⁹ Hataoko manahaky gny akohonan'i Jeroboama zanadahin'i Nebata vo manahaky gny akohonan'i Basa zanadahin'i Ahia gny akohonan'i Ahaba. ¹⁰ Reo amboa gny hihinan'an'i Jezebela ao Jezirela, dra sy hisy olo handevin'anazy."' Dra nisokafinigny paminany gny vatrangara vo nenga izy. ¹¹ Dra Jeho niboaky teo amireo panoponigny topony, dra nisy raiky nanao taminazy ho: "Mandeha soa ra gny raha-aby? Nagnino gny nagno aminao igny olo marary say igny? Jeho namaly anereo ho: "Fatandrareo igny olon'igny dra fatandrareo ze raha zakany." ¹² Hoy ereo: "Vandy zay. Zakao anay." Jeho namaly ho: "Zay sy zay gny nizakany taminahy, dra hoy koa izy ho: "Zao gny zakan'Yaveh: Fa nagnososy anao ho pazaka teo amin'Israely Zaho."' ¹³ Dra samby nangalaky malaky gny akazony ivelany ereo dra nametrak'anizay teo ambanin'i Jeho tegny amigny farany agnabonigny tohasy. Siniok'ereo gny tropetra dra hoy ereo ho: "Pazaka i Jeho." ¹⁴ Zay gny fomba nikomian'i Jeho zanadahin'i Josafata zanak'i Nimsy hanohisy an'i Jorama. dra Jorama pazaka fa niaro an'i Ramota-gileada, izy vo gny Israely aby, noho i Hazaela pazakan'i Syria, ¹⁵ kanefa nihery tagny Jezirela i Jorama pazaka ba ho sitrany amireo sary ze nataon'ireo Syriana anazy, gny fa nialy tamin'i Hazaela pazakan'i Asyria izy. Hoy i Jeho tamireo panopon'i Jorama: "Raha izay gny hevindrareo, dra ka anga hisy olo hienga vo hiboaky gny tana, ba hizaka zao vaovao zao agny Jezirela." ¹⁶ Dra nitikisy kalesa nagnagny Jezirela i Jeho; akory nangaka'ay tagny i Jorama. Dra nandeha nizoso ba hihao amin'i Jorama i Ahazia pazakan'i Joda. ¹⁷ Nisanga teo amigny tilikambon'i Jezirela gny pitily, dra hitany nagnato boaky lavisy reo nama'i Jeho; hoy izy: "Mahita andian'olo magnato zaho." Jorama nanao anizahoky ho: "Mangala pitikisy sovala raiky, dra alefaso ba hiseza anereo izy; Zakao izy ba hizaka ho: 'Avy ba hihava ra handrareo?"' ¹⁸ Dra nalefa ba hiseza anazy gny pitikisy sovala; dra hoy izy: "Zai gny zakanigny pazaka: 'Avy ba hihava ra handrareo?"' Dra hoy i Jeho: "Pifagnino moa hanao vo gny fihavana? Mihodigna dra magnaraha anahy." Dra nizaka tamigny pazaka gny pitily ho: "Nihao tamin'ereo gny pinday hafasy, kanefa sy niherin'izy." ¹⁹ Dra nandefa pitikisy sovala raiky faharo izy, ze nagnegny amin'ereo dra nanao anizahoky ho: "Zao gny zakanigny pazaka: 'Avy ba hihava ra handrareo?"' Jeho namaly ho: "Pifagnino moa hanao vo gny fihavana? Mivilia dra magnaraha anahy." ²⁰ Nitatisy nadraiky gny pitily ho: "Nohao tamin'ereo izy, kanefa sy nihery. Fa gny lala ze nindesa kalesa gny lala nandehanan'i Jeho zanadahin'i Nesmy, dra nirifasy fatrasy izy." ²¹ Dra hoy i Jorama: "Homany gny Kalesiko." Dra nomanin'ereo gny kalesiny, dra samby nitikisy gny kalesiny aby, i Jorama pazakan'Israely vo i Ahazia pazakan'i Joda, da hihaon'amin'i Jeho. Hitan'ereo tao amigny tanan'i Nabota gny Jezirelita izy. ²² Gny fa hitan'i Jorama i Jeho, dra hoy izy: "Avy ba hihava ra handrareo, ry Jeho?" Izy namaly ho: "Ino gny fihavanan'eo, raha bo maro be koa gny fanopoa-sapy amigny asa fivarota-tegna vo gny oly rasin'i Jezebela reninao?" ²³ Dra navilin'i Jorama gny kalesany vo nenga izy dra nizaka tamin'i Ahazia ho: "Misy fitaky, ry Ahazia." ²⁴ Dra nezagnin'i Jeho tamigny heriny aby gny sipiky dra nitifiriny teo agnelagnelanigny sorok'i Jorama; nisatoky teo amigny fony gny zana-sipiky, dra nezera aboak'eo amigny kalesy izy. ²⁵ Dra hoy i Jeho tamin'i Bidkara kapiteniny: "Alao izy dra ario ao amigny sahan'i Nabota gny Jezirelita. Sarovy tamy zaho vo hanao niaraky ninday kalesy nagnaraky an'i Ahaba rany, dra nametraky anizay faminania zay hamelezan'anazy i Yaveh: ²⁶ Yaveh nitalily ho__'Nahita gny lion'i Nabota vo gny lion'ireo zanadahiny Zaho omaly__dra hapanohisy anao anizay eto amity saka tihoky tokoa Zaho__hoy i Yaveh. Ko Amizao, alaviro izy dra ario eo amin'io saka io, araky gny zakan'i Yaveh." ²⁷ Gny fa nahita anizay i Ahazia pazakan'i Joda, dra nienga niakasy tagny amigny lala magnagny Beta Hagana izy. Fa i Jeho nagnorik'anazy, dra nanao anizahoky ho: "Vonoy eo amigny kalesy avo koa izy," dra nitifirin'ereo teo amigny fakara ho agny Gora, ze eo agnilan'i Jibleama izy. Nienga tagny Megido i Ahazia dra maty tagny. ²⁸ Nandesin'ireo panopony tamigny kalesy nagnagny Jerosalema gny fatiny dra naleviny tao amigny lolo nindray tamireo razambeny tao atanan'i Davida izy. ²⁹ Dra tamigny faharaikambiny folo tao nazakan'i Jorama zanadahin'i Ahaba gny nanomboky nazaka teo amin'i Joda i Ahazia. ³⁰ gny fa avy tao Jezirela i Jeho, dra ren'i Jezebela zay, dra nandoko gny masony, vo nibango gny volony, dra niteza teo am-batrangarakely izy. ³¹ Raha nilisy gny vavahady i Jeho, dra hoy izy taminazy ho: "Avy ba hihava ra handrareo, ry Zimry, pamono gny toponao?" ³² Niandradra tegny am-batrangarakely i Jeho dra hoy izy: "Iza gny miandany Aminahy? Iza? Boak'eo dra nisy tandapa ro na telo nitalaky. ³³ Ko dra hoy i Jeho: "Alasaho izy." Dra nalasak'ereo i Jezebela, dra gny ilany tamigny liony nipirisy tegny amigny rindry vo reo sovala, dra nosihosen'i Jeho tamigny tombony izy. ³⁴ Gny fa nilisy tao amigny lapa i Jeho, dra nihina vo nino rano izy. Dra hoy izy: "Atio amizay gny apela voahozo dra angao izy, fa zanak'apelan'i pazaka izy." ³⁵ Naandeha nandevin'anazy ereo, kanefa sy nahita afa-sy harandoha, vo tomboky, dra gny lelatagnan'ereo. ³⁶ Dra niherin'ereo dra nizaka tamin'i Jeho. Hoy izy: "Zao gny zakan'i Yaveh ze nizakany tamigny alalan'i Elia gny Tisibita panopony, manao anizahoky ho: 'Ao amigny tany ao Jezirela gny hihinanan'ireo amboa gny nofon'i Jezebela, ³⁷ dra gny fatin'i jezebela dra hanahaky gny zeziky eo amigny velaranigny saka eo amigny tany ao Jezirela, ba sy hisy olo afaky hizaka ho: "Jezebela io.""'