¹ Dra Namana, pifehy gny fafiky gny pazakan'i Syria, dra lelahy lahibe sady be voninahisy eo amasony topony, akory tamigny alalany gny nagnomezan'i Yaveh fadresena an'i Syria. Lelahy matazaky,be heri-po avo koa izy, dra nefa boka. ² Nandeha niboaky isan-tokony ereo syriana dra nangalaky zanakapelany masaisaiky dra avy tao amy tanin'Israely. Nanopo gny nalin'i fahamarony izy. ³ Hoy gny zazavavy tamigny topovaviny ho: "Enga anie ba hiaraky amigny paminany ze agny Samaria gny topoko! Dra hagnasitrany gny topoko amigny habokany izy." ⁴ Ko nandeha i Namana dra nizaka tamigny pazaka ze nizakanigny zazavavy masaiky boak'agny amigny tanin'Israely. ⁵ Dra hoy gny pazakan'iSyria ho: "Mandehana amizao, dra hapinday taratasy ho anigny pazakan'Israely ho." Lasa i Namana dra ninday taleta volafosy folo, volamena enin'arivo, vo akazo fisoloa folo nindray taminazy. ⁶ Ninday gny taratasy ho anigny pazakan'Israely avo koa izy ze nizaka ho: "Gny fa andesin'aminao ty taratasy ty, dra ho hitanao fa nandefa an'i Namana panopoko aminao zaho, ba hagnasitraky anazy amigny habokany." ⁷ GNy fa avy namaky gny taratasy gny pazakan'Israely, dra naniasy gny akazony izy dra nizaka ho: "Moa ra Zagnahary zaho, dra hamono na hamelo,gny mitalia anahy hagnasitrany lelahy amigny habokany ty lelahy ty? Ohasigny mitalia fifandiran'aminahy izy." ⁸ Ko gny fa ren'i Elisa gny lelahin'Agnahary fa nandrisy gny akazony gny pazakan'Israely, dra nandefa zaka tagny amigny pazaka izy nanao anizahoky ho: "Nagnino gny nitriatinao gny akazonao? Angao izy hagnotany anahy amizao, dra ho fatany fa misy paminany ao Israely." ⁹ Dra avy nindray tamireo sovalany vo gny kalesany i Namana dra nizoro teo ambatrangarany gny tragnon'i Elisa. ¹⁰ Nagniraky pinday hafasy tagny aminazy i Elisa, nanao anizahoky ho: "Mandehana dra apandroy ipito ao amin'i Jordana gny vatanao, dra hihery amigny taloha gny nofonao, halio hanao." ¹¹ Fa ory i Namana dra lasa vo nizaka ho: "Ingo, niheveriko fa hiboaky hagnaton'anahy izy dra hisanga vo hitoka gny agnaran'Yaveh Zagnahariny, dra hagnofahofa gny tagnany amigny toerany dra hagnasitrany gny habokako. ¹² Moa i Abana vo Farpara, reniranon'i Damaskosy, sy soa kokoa noho gny rano aby ao Israely? Sy afaky mandro ao amireo ra zaho dra halio?" Dra nihery izy dra lasa akahorian'avo. ¹³ Boak'eo reo ponopon'i Namena nagnariny dra nizaka taminazay ho: "Ry rako, raha nandidy anao hanao raha-sorosy ilany gny paminany, moa sy nanao anizay ra hanao? Ko maiky fa , gny fa mizaka sotra aminao izy ho: 'Apandray gny vatanao dra halio hanao?" Boak'eo dra nandeha nizoso izy dra napandro gny vatany ipito tao amin'i Jordana, nakato reo toromarikigny lelahin'Agnahary. NIhery manahaky gny nofo zaza masaiky ndraiky gny nofony, dra sitrany izy. ¹⁵ Nihery tagny amigny lelahin'Agnahary i Namana, izy vo reo piara-dia taminazy aby dra nizoro teo anoloany. Hoy izy ho: "Ingo, fatako amizao fa sy misy Zagnahary manera gny tany afa-sy ao Israely avo. Noho zay, andeso gny fagnomeza boak'amigny panoponao." ¹⁶ Fa Elisa namaly ho: "Raha bo velo koa i Yaveh, ze eo agnatrehany gny hizoroako, dra sy hitakasy na ino na ino zaho." Napirisiky an'i Elisa ba hitakasy gny fagnomeza i Namana, fa nanda izy. ¹⁷ Noho zay dra hoy i Namana ho: "Raha sy zay, dra mangataky aminao zaho ba hagnome gny panoponao tany apy zakanigny apondra ro, akory manomboky zao, dra hagnome fagnatisy oroa na soro hon'Agnahary hafa sasy gny panoponao afa-sy i Yaveh. ¹⁸ Aoky ba hamela heloky gny panoponao i Yaveh amity raha raiky ty, dra izao, gny fa milisy ao atragnon'i Rimona gny pazakako ba hanopo ao, dramitehy amigny tagnako izy dra mekohoky ao atragno'i Rimona zaho, gny fa mekohoky ao atragnon'i Rimona zaho, dra enga anie Yaveh ba hamela heloky anizay." ¹⁹ Dra hoy i Elisa taminazy ho: "Mandehana apedagna." Dra lasa i Namana. ²⁰ Nandeha halavira bory avo izy, gny fa nizaka taminazy i Gehazy panopon'i Elisa gny lelahin'Agnahary ho: "Ingo, fa namindra fo ty Namana gny Syriana gny topoko tamigny sy fandresa reo fagnomeza ze nindesiny tegny atagnany. Raha bo velo koa i Yaveh, dra hagnaraky anazy zaho dra hitakasy raha boak'aminazy." ²¹ Noho zay dra nagnoriky an'i Namana i Gehazy. Gny fa nahita olo nilomay tafarany i Namana, dra nidikosy nizoso tamigny kalesany izy ba hisena anazy dra nizaka ho: "Mizaka ra raha ho?" ²² Dra hoy i Gehazy ho: "Mety aby gny raha aby. Nirahinigny topoko zaho, nanao anizahoky ho: 'Ingo, nisy tovolahy ro boak'amireo zanaky gny paminany avy nagnaton'anahy boak'agny amigny vohis'i Efraima. Mengavy re ba omeo taleta volafosy raiky vo akazo hisoloa ro ereo." ²³ Namaly i Namana ho: "Faly loasy zaho magnome taleta volafosy ro honao." Napirisiky an'i Gehazy i Namana dra namatasy taleta volafosy ro tao agnaty kitapo ro, niaraky tamireo akazo ro hisoloa, dra nanoby reo tamigny ro tamireo panopony, ze ninday reo kitapom-bolafosy nialoha an'i Gehazy. ²⁴ Gny fa avy tao amigny havoa i Gehazy, dra nangalaky reo kitapom-bolafosy tegny atagnan'ereo izy dra nagnavony reo tao atragno; nalefany reo lelahy, dra lasa ereo. ²⁵ Gny fa nilisy i Gehazy dra nisanga nanoloa gny topony, dra hoy i Elisa taminazy ho: "Boak'eza hanao, ry Gehazy?" Namaly izy ho: "Sy nandeha teza na teza gny panoponao." ²⁶ Hoy i Elisa tamin'i Gehazy ho: "Sy nindray taminao ra gny fagnahiko gny fa nihidy tamigny kalesany ba hiseza anao gny lelahy? Fotoa fandresa vola vo akazo, tanin'oliva vo tanim-boaloboky, agnondry vo agnomby, dra panopo lahy vo apela ra zao? ²⁷ Noho zay dra ho aminao vo gny taranako mandrakizay gny habokan'i Namana." Ko niala tamigny fagnatrehany i Gehaza, boka fosy manahaky gny ora-panala.