¹ Tamigny tao fahafito amby ropolo nazakan'i Jeroboama pazakan'Israely, gny nanomboky nazaka i Azaria zanak'i Amazia pazakan'i Joda. ² Enina ambiny folo tao i Azaria gny nanomboky nazaka dra nazaka tao Jerosalema nandrisy gny ro amby dimapolo tao izy. Jekolia gny agnaran-dreniny, dra boak'agny Jerosalema izy. ³ Nanao marina teo amason'i Yaveh izy, araky ze nataon'i Amazia rany. ⁴ Na dre zay aza dra sy ba nala reo toeran'abo. Bo nanao soro vo nagnoro liti-kazo magnisy teo amireo toeran'abo avo gny olo. ⁵ Napahory gny pazaka i Yaveh dra boka hatramigny andro nahafatesany izy dra nitoby tao amina tragno mizara-toera. Jotama, zanadahinigny pazaka, gny lohanigny akohona dra nanapaky teo amigny vahoaky tao amigny tany. ⁶ Dra gny amireo raharaha hafa mahakasiky an'i Azaria, vo ze nataony aby, moa sy fa voasorasy ao amigny bokiny tataran'ireo pazakan'i Joda ra zay? ⁷ Dra nimaty nindray tamireo razambeny i Azaria, nalevin'ereo tagny amigny tanan'i Davida nindray tamireo razambeny izy. I Jotama, zanadahiny, gny lasa pazaka nandimby gny toerany. ⁸ Tamigny fahavalo amby telopolo tao nazakan'i Azaria pazakan'i Joda, dra i Zakaria zanak'i Jeroboama gny nazaka teo amin'Israely tagny Samaria nandrisy gny enim-bola. ⁹ Nanao ze rasy teo amason'i Yaveh izy, manahaky gny nataon'ireo razany. Sy niala tamigny fahotan;i Jeroboama zanak'i Nebata, ze nahavy gny Israely nanota izy. ¹⁰ Nikonokono hanohisy an'i Zakaria i Saloma zanak'i Jabesy, nanafiky anazy tagny Ibleama, dra namono anazy. Dra lasa pazaka nandimby gny toerany izy. ¹¹ Gny amigny raharaha hafa mahakasiky an'i Zakaria, dra voasorasy ao amigny bokinigny tataran'ireo pazakan'Israely reo. ¹² Zao gny zakan'i Yaveh ze zinakany tamin'i Jeho, manao ho: "Hipetraky eo amigny seza fiandriananIsraely hatramigny taranaky fahaefasy mandimby gny taranakao." DRa nitranga zay. ¹³ Nanomboky nazaka i Saloma zanak'i Jabesy tamigny fahasivy amby telopolo tao nazakan'i Azaria pazakan'i Joda, dra nazaka volany raiky moza tao Samaria izy. ¹⁴ Dra niakasy boak'agny Tirza ho agny Samaria i Menahema zanak'i Gady. Tagny gny nanafihany an'i Saloma zanak'i Jabesy, tao Samaria. Nahafaty anazy izy dra tonga pazaka nandimby gny toerany. ¹⁵ Gny amigny raharaha hafa mahakasiky an'i Saloma vo gny fikonokonoa narafiny, dra voasorasy ao amigny bokinigny tataranireo pazakan'Israely zay. ¹⁶ Dra nanafiky an'i Tifsa vo reo ze teo aby, vo gny sisi-tany nagnodidin'an'i Tirza i Menahema, akory sy nivohan'ereo honazy gny tana. Dra nitafihiny zay, dra nitatahiny avokoa reo apela bevoka tao amizay tana zay. ¹⁷ Tmigny fahasivy amby telopolo tao nazakan'i Azaria pazakan'i Joda, dra nanomboky nazaka teo amin'Israely i Menahema zanak'i Gady; nazaka nandrisy gny folo tao tao Samaria izy. ¹⁸ Nanao rasy teo amason'i Yaveh izy. Nandrisy gny andro-piegnany, dra sy niala tamigny fahotan'i Jeroboama zanak'i Nebata izy, ze nahaavy gny Israely nanota. ¹⁹ Dra Avy hanohisy gny tany i Pola pazakan'i Asyria, dra namen'i Menahema taleta volafosy arivo i Pola, ba homba anazy gny fanohagnan'i Pola dra hapatazaky gny fazakan'Israely teo atanany. ²⁰ Nalan'i Menahema boak'amigny Israely tamigny alalanigny fitakia gny olo manan-draha sirairay ba handoa sekely volafosy dimapolo ba hagnome gny pazakan'i Asyria io vola io. Dra nitoli-doha nihery gny pazakan'i Asyria dra sy nitoetra tao amigny tany. ²¹ Raha gny amireo raharaha hafa mahakasiky an'i Menahema, vo reo nataony aby, moa sy fa voasorasy ao amigny bokinigny tataran'ireo pazakan'i Israely ra zay? ²² Dra nimaty nindray tamireo razambeny i Menahema, dra i Pekahia zanany gny lasa pazaka nandimby gny toerany. ²³ Dra tamigny faha-dimapolo tao nazakan'i Azaria pazakan'i Joda, gny nanomboky nazaka teo amin'Israely tao Samaria i Pekahia zanak'i Menahema; nazaka nandrisy gny ro tao izy. ²⁴ Nanao rasy teo amason'i Yaveh izy. Sy ba nagnary gny fahotan'i Jeroboama zanak'i Nebata, ze nahavy gny Israely nanota izy. ²⁵ Nana lefisy raiky natao ho: Peka zanak'i Remalia i Pekahia, ze nikonokono hanohisy anazy. Nindray tamireo dimapolo lahin'i Gileada, dra namono an'i Pekahia vo Argoda dra Aria tagny Samaria i Peka, tao amigny tragno mimandanigny lapany pazaka. Nivonon'i Peka i Pekahia dra izy gny lasa pazaka nandimby gny toera. ²⁶ Raha gny amigny raharaha hafa mahakasiky an'i Pekahia, vo reo nataony aby, dra voasorasy ao amigny bokinigny tataran'ireo pazakan'Israely zay. ²⁷ Tamigny faharo amby dimapolo tao nazakan'i Azaria pazakan'i Joda, gny nanombohan'i Peka zanak'i Remalia nazaka teo amin'Israely tao Samaria; nazaka nandrisy gny ropolo tao izy. ²⁸ Nanao rasy teo amason'i Yaveh izy sy niala tamigny fahotan'i Jeroboama zanak'i Nebata, ze nahavy gny Israely nanota izy. ²⁹ Tmigny andron'i Peka pazakan'Israely, dra avy nangalaky an'Iona, Abela-beti-maka, Janoa, Kadesy, Hazora, Gileada, Galilia, dra gny tanin'i Naftaly aby i Tiglato-pilesera pazakan'i Asyria. Dra ninday gny vahoaky nagnagny Asyria izy. ³⁰ Ko dra nandrafisy fikono-konogna nanohisy an'i Peka zanak'i Remalia i Hosea zanak'i Ela. Nanafiky anazy izy dra namono anazy. Dra nazary pazaka nandimby gny toerany izy, tamigny faharopolo tao nazakan'i Jotama zanak'i Ozia. ³¹ Raha gny amigny raharaha hafa mahakasiky an'i Peka, vo ze nataony aby, dra voasorasy ao amigny bokinigny tataranireo pazakan'Israely zay. ³² Tamigny tao faharo nazakan'i Peka zanak'i Remalia, pazakan'Israely, dra nanomboky nazaka i Jonata zanak'i Azaria, pazakan'i Joda. ³³ Dimy amby ropolo tao izy nanomboky nazaka; nazaka nandrisy gny enina ambiny folo tao tao Jerosalema izy. Jerosa gny agnaranigny reniny; zanakapelan'i Zadoka izy. ³⁴ Nanao marina teo amason'i Yaveh i Jotama. Nagnaraky gny ohasy aby ze nataon'i Azaria rany izy. ³⁵ Kanefa, sy ba nala reo toeran'abo. Bo nanao soro vo nagnoro liti-kazo magnisy teo amireo toeran'abo avo gny vahoaky. Nasangan'i Jotama gny vavahady agnabon'i Yaveh. ³⁶ Raha gny amireo raharaha hafa mahakasiky an'i Jotama, vo ze nataony aby, moa sy fa voasorasy ao amigny bokinigny tataranireo pazakan'i Joda ra zay? ³⁷ Tamizay andro zay Yaveh dra nanomboky nagniraky an'i Rezina pazakan'i Arama, vo Peka zanak'i Remalia, hanohisy an'i Joda. ³⁸ Nimaty nindray tamireo razambeny i Jotama dra nalevy nindray tamireo razambeny i Jotama dra nalevy nindray taminireo razambeny tao amigny tanan'i Davida, razany. Dra i Ahaza, zanadahiny, gny lasa pazaka nandimby gny toerany.