¹ Nisy lelahin'Agnahary boak'agny Joda avy tao Betela nohonigny zakan'i Yaveh. Nizoro teo agnilanigny alitara i Jeroboama ba hagnoro liti-kazo magnisy. ² Nihikiaky tamigny alitara nohonigny zakan'i Yaveh izy ho: "Alitara! Alitara! Izao gny ambaran'i Yaveh ho: 'Ingo , hisy lelahy atao ho Josia hateraky amigny fianakavian'i Davida, dra eo aminao gny hanovany soro pisoro amigny toera abo indridra ze magnoro liti-kazo magnisy eo aminao izao. Hagnoro tolan'olombelo eo aminao ereo."' ³ Boak'eo gny lelahin'Agnahary nagnome famatara gny androns'igny avo, nanao anizahoky ho: "Izao gny famatara nizakan'i Yaveh: 'Ingo, hiparitaky gny alitara, dra hiraraky gny lavenoky eo aminazy."' ⁴ Gny fa renigny pazaka zay nizakanigny lelahin'Agnahary, fa nitoka fatrasy nanohisy gny alitara tao Betela izy, dra nanizisy gny tagnany boak'eo amigny alitara i Jeroboama, nanao anizahoky: "Sambory izy." Boak'eo maty gny tagnany ze nahiziny tamigny lelahy, dra sy afaky nagnemosy anizay hihery sasy izy. ⁵ (Niparitaky avo koa gny alitara dra niraraky boak'eo amigny alitara gny lavenoky, araky gny voafarisigny famatara ze namenigny lelahin'Agnahary nohonigny zakan'i Yaveh.) ⁶ Namaly Jeroboama pazaka dra nizaka tamigny lelahin'Agnahary ho: "Mataha sitraky amin'i Yaveh zagnaharinao, dra mivavaha ho anahy, ba hahery aminahy ndraiky gny tagnako." Noho izay dra nivavaky tamin'i Yaveh gny lelahin'Agnahary, dra nahery taminazy ndraiky gny tagnanigny pazaka, dra lasa manahaky gny taloha zay. ⁷ Hoy gny pazaka tamigny lalehin'Agnahary ho: "Ndao holy miaraky aminahy dra hangalaky ay, dra hameko valisoa hanao." ⁸ Hoy gny lelahin'Agnahary tamigny pazaka ho: "Na dre hamenao anahy aza gny asasaky gny fanagnanao, dra sy handeha hiaraky aminao zaho, na hihina-kany na hino rano amity toera tihoky, ⁹ akory Yaveh nandidy anahy tamigny zakany ho: 'Sy hihina mofo na hino rano hanao, na hihery amigny lala ze niavianao."' ¹⁰ Noho izay dra nandeha tamigny lala hafa gny lelahin'Agnahary dra sy nihery tagny atragnony tamigny lala ze nandehanany ho agny Betela. ¹¹ Dra nisy paminany atisy raiky nipetraky tao Betela, dra avy gny raiky tamireo zanadahiny dra nizaka taminazy gny raha aby ze vitanigny lelahin'Agnahary tao Betela tamin'io andro io. Nizakanigny zanany taminazy koa reo zaka ze nizakanigny lelahin'Agnahary tamigny pazaka. ¹² Hoy gny ran'ereo tamin'ereo ho: "Eza gny lala nandehanany?" Dra hitanigny zanany gny lala nandehananigny lelahin'Agnahary boak'agny Joda. ¹³ Noho izay dra hoy izy tamireo zanadahiny ho: "Asio lasely ho anahy gny boriky." Ko dra nasian'ereo lasely gny boriky dra nitikirany zay. ¹⁴ Nagnoriky anigny lelahin'Agnahary gny paminany atisy dra nahita anazy nipetraky teo ambaninigny hazo terebita; dra hoy izy taminazy ho: "Hanao ra gny lelahin'Agnahary boak'ao Joda?" Dra namaly izy ho: "Izaho indrindra." ¹⁵ Boak'eo nizaka taminazy gny paminany atisy ho: "Ndrao hindray aminahy agny atragno dra hihina-kany." ¹⁶ Dra namaly gny lelahin'Agnahary ho: "Sy handeha hihery hiaraky aminao zaho na hilisy hiaraky aminao, na hihina-kany na hino rano miaraky aminao amizay toera zay, ¹⁷ akory nandidia anahy tamigny zakan'i Yaveh izay ho: 'Sy mahazo mihina hany na mino rano agny hanao, na mihery amigny lala ze nandehananao."' ¹⁸ Dra hoy gny paminahy atisy taminazy ho: "Paminany mahaky anao koa zaho, dra nisy azely nizaka taminahy nohonigny zakan'i Yaveh, nanao anizahoky ho: 'Andeso mihery agny atragnonao miaraky aminao izy, ba hahafahany mihina-kany vo mino rano."' Kanefa navandy tamigny lelahin'Agnahary izy. ¹⁹ Noho izay dra nandeha nihery niaraky tamigny paminany atisy gny lelahin'Agnahary dra nihina-kany tao atragnony vo nino rano. ²⁰ Raha nipetraky teo an-databasy ereo, dra avy amigny paminany ze ninday anazy nihery gny zakan'i Yaveh, ²¹ dra nihiakiaky tamigny lelahin'Agnahary ze avy agny Joda izy, nanao anizahoky ho: "Hoy Yaveh ho: 'Akory sy nakato gny zakan'i Yaveh hanao dra sy nitandry gny didy ze namen'i Yaveh anao, ²² fa nihery vo nihina-kany vo nino rano tao amigny toera ze nizakan'i Yaveh anao ba sy hihina hany na hinomanao rano, dra sy halevy agny amigny lolon'ireo razambenao gny vatanao."' ²³ Gny fa avy nihina-kany vo gny fa avy nino izy, dra nasianigny paminany lasely gny borikinigny lelahin'Agnahary, gny lelahy ze nihery niaraky taminazy. ²⁴ Gny fa lasa gny lelahin'Agnahary, dra nisy liona nifanena taminazy tegny an-dala dra namono anazy, dra nanga teo an-dala gny fatiny. Boak'eo gny boriky nizoro teo agnilanizay, dra gny liona avo koa dra nijoro teo agnilanigny faty. ²⁵ Gny fa nandalo teo gny olo dra nahita gny faty tavela teo an-dala, dra gny liona nizoro teo agnilanigny faty, dra nandeha ereo dra nizaka anizay tagny amigny tana ze nipetrahanigny paminany atisy. ²⁶ Gny fa renigny paminany ze ninday anazy nihery tamigny lala zay, dra hoy izy ho: "Gny lelahin'Agnahary ze sy nakato gny zakan'i Yaveh zay. Noho izay dra namen'i Yaveh gny liona izy, ze namiravira anazy vo namono anazy, araky gny napitandremanigny zakan'i Yaveh anazy." ²⁷ Ko nizaka tamireo zanadahiny gny borikiko,' dra nasia'ereo lasely zay. ²⁸ nandeha izy dra nahita gny faty tavela tegny an-dala, dra gny boriky vo gny liona nizoro teo agnilanigny faty. Sy nihaninigny liona agnilanigny faty, na nivonony gny apondra. ²⁹ Nalanigny paminany gny fatinigny lelahin'Agnahary, napandriany teo amigny boriky izay, dra nandesiny nihery. Avy tagny amigny tanany manoka izy ba handala vo handevy anazy. ³⁰ Napandreny tao amigny lolony manoka gny maty, dra nindala anazy ereo, anano anizahoky ho: "Indrisy, ry rahalahiko!" ³¹ Gny fa avy nandevy anazy ereo, dra nizaka tamireo zanadahiny gny paminany atisy, nanao anizahoky ho: "Gny fa maty zaho, dra alevegno ao amigny lolo ze nandevegna anigny lelahin'Agnahary. Apandreo eo agnilanigny tolany gny tolako. ³² Akory gny hafasy ze nambarany nohonigny zakan'i Yaveh, tamigny alitara tao Betela vo tamireo tragno aby agny amigny toera abo agny amireo tanan'i Samaria, dra hitranga vatany." ³³ Tafaran'io dra sy niala tamigny fomba rasiny i Jeroboama, fa bo nanohy nanondro pisoro avy amigny karazan'olo ho amigny toera agnabo avo . Ze te-hanopo dra natokany ho pisoro. ³⁴ Lasa fahota tamigny fianakavian'i Jeroboama vo nahaavy gny fianakaviany ho potiky vo ringa teto agnabonigny tany zay.