¹ Loza ho ahy ze mahazo ay a Zionaao, vaho ho ahy ze milamy amity tane haboa gny Samaria ao, ndaty malaza bakamy firene soa vatane reo, ze hiavia ty foko Israely mba ho vonje! ² Hoe mpitarike anareo reo: "Mandehana a Kalne agne kea magnetea; bakao le mandehana a Hamata agne, itana bevata ay; bakeo le mizotsoa a Gata gniereo Filistina. Feie vao soa naho fanjaka roe reo reo? Feie vao bevata naho ty faretagnao ty faretane gniereo? ³ Loza ho ahy ze magnemotse ty andro ty loza naho nampagnariketse ty seza fiambena ty hereloha. ⁴ Miroro am-pandrea pivoria iereo vaho mino an-kitsele gniereo eo. Mihinana ana nagnodry bakamy reo agnodry aman'ose iereo vaho ana nagnodry bakamity vokane. ⁵ Niantsa antsa gegege reo tamity feo ty harpa iereo; namoroporo zaka magneno manahake ty nanoe ndre Davida. ⁶ Nino divae tamity finga jobo iereo vaho nino diloilo soa vatane, nefa tsy nalahelo ty amity harava ndre Josefa. ⁷ Kea nindeha an-tsesen-tane miarake amy sesentane voalohane reo iereo te amizao, vaho ty hafalea gnireo ze miampatsampatse le rava. ⁸ "Iraho, Tompo Yaveh, le fa nifanta tamity vatako-izay ro fitalilia ty Tompo Yaveh, Zagnahare Tompo ty maro, hafahako ty firengerengea ndre Jakoba; hafahako ty fiaro mafene. Kea hagnomey tana miarakamy ze iaby amine ao raho." ⁹ Vaho laha misy folo lahy sisa an-tragno raike ao, le ho mate iaby iereo iaby. ¹⁰ Laha misy longo ilahilahy avy hangalake ty fate gniereo-ty raike ze hagnoro ty fate gniereo afara ty hindaisane fate reo miboake ty tragno-laha mivola amity ndaty an-tragno ao re tihoe: "Misy ndaty miarake aminao vao ty ao?" Laha mamale ze ndaty zay tihoe: "Oho". Le hivola re tihoe: "Mianjigna, fa ao tika tsy hanogno ty agnara gn'Yaveh." ¹¹ Fa, ingo, hagnomey lily ty Yaveh, ka ho potepoteke ty tragno bevata vaho ho poteke ty tragno kele. ¹² Feie vao ty sovaly milay amity vatovato? Feie vao misy ndaty miarake agnombe ty ao? Nefa namalike ty hamare ho poize nareo vaho ty hamaregna ho mafaitse. ¹³ Inareo ze fale amy Lodebara, ze manao tihoe: "Feie vao tsy fa nangalake ani Karnaima tamity heregnay avao zahay?" ¹⁴ "Nefa ingo, hananga firene handietse anareo raho, nareo foko Israely-izay ro fitalilia gn'Yaveh Tompo, Zagnahare Tompo ty maro. Hampijale anareo manomboke a Lebo-hamatao ao zisikagne amity baibo ndriake Araba ao iereo."