¹ Izay ro naseho gn'Yaveh tamiko. Ingo, namoro valala bevata re lahafa nanomboke niboake ty voka ty lohantao, vaho ingo, tara ty voka tafara ty voka ty tane iereo, le hoe raho: "Nao Tompo Yaveh ehh, mba mitsetseva ahike, manao akore ty havelo Jakoba? Satria le vatane kele re?" ³ ka nampijano ty mikasike izay ty Yaveh. "Tsy hiseho zay", hoe re. ⁴ Ezao ro naseho ty Tompo Yaveh ahy: Ingo, mikaike amity fitsra ty afo ty Tompo Yaveh. Ezay ro nagnamaike ty tane malalake, ty rano laleke miarakamity tane vaho handrava ty tane avao kea. ⁵ Kanefa hoe raho tihoeke: "Tompo Yaveh eh, ajanogno rie; hanao akore ty hiveloma ndre Jakoba? Fa vatane kele re." ⁶ Le nampijano ty mikasike izay ty Yaveh tihoe: "Tsy hiseho avao kea zay," hoe ty Tompo Yaveh. ⁷ Ezao ro nasehone ahy: Ingo, nitsanga tagnila ty lala eo ty Tompo, niarake tamity vato malama tan-tagnane egne. ⁸ Yaveh nanao tamiko tihoeke: "Nao Amosa, ino ty hisagnao?" Le hoe raho: "Ingo, hagnega pilao amy Israely vahoako eo raho. Tsy hitsetse iereo sasy raho. ⁹ Horava fitoboha abo gn'Isaka reo, hopotehe fitoboha masy gn'Israely reo, vaho hitsanga handietse amity mesobey ty foko Jeroboama raho." ¹⁰ Vaho Amazia, iaze mpisoro betelay, nandefa hafatse tamy Jeroboama agne, mpanjaka Israely tihoeke: "Fa nivetsevetse handietse anao agnovoa ty foko Israely eo ty Amosa. Tsy zaka ty tane tsara iaby reo. ¹¹ Fa ezao ro tsara ndre Amosa: 'Ho mate amity mesobey ty Jeroboama, vaho ho sesntane hiala amity tanene vatane ty Israely." ¹² Amazia nitsara tamy Amosa tihoe: "Nao mpahisake, miheregna amity tane i Joda agne, vaho mihinana mofo naho mitokia agne. ¹³ Fa ko manao fitokia a Betela eto sasy, satria fitoboha masy ty mpanajaka naho tragno ty mpanajaka toy." ¹⁴ Le hoe ty Amosa tamy Amazia tihoe: "Tsy mpitoky raho na ana ty mpitoky. Mpiarake agnodry naho mpanao hetae amontana vaho aviavy raho. ¹⁵ Fa nagalake ahy bakegne ampiambena nagnodry ty Yaveh vaho nivola tamikotihoe: "Mandehana, keamitokia amy Israely vahoako." ¹⁶ Amizao mijanjigna ty tsara gn'Yaveh. Hoe riha tihoe: 'Ko mitoky handietse ani Israely, vaho ko mivola handietse ty foko Isaka. " ¹⁷ Naho izay le zao ro tsarae gn'Yaveh: "HIzare makorele an-tana ao ty valignao; anakelahignareo reo naho anak'ampelagnareo reo le ho tonta amity mesoby; ho hereke tane gnareo vaho ho zarae; ho mate amity tane maloto ao riha, vaho halefa sesentane hiala amity tanene ao vatane ty Israely."