¹ Njigno ty tsara ze nalaeko ho toreo aminao eo toy, nareo Longo Israely. ² Tonta ty aja mboe tsy mahasaky lahy gn'Israely; vaho tsy hitsanga sasy re; nadera tamity tanene re; vaho tsy misy ndre raike aza hananga aze. ³ Fa ezao ro tsarae TompoYaveh: "Iaze tana ze niboaha ty arivoy le hana zato tavela, vaho iaze raike ze niboaha ty zato le hana folo tavela ze ahy ty longo Israely." ⁴ Fa ezao ro tsarae gn'Yaveh tamity longo Israely tihoe: "Ilao raho le velo riha! ⁵ Ko mila ani Betela; na militse a Gilgala agne; ko mindaha a Beri-sheba agne. Fa Gilgala le azo antoke fa ho ndevo, vaho hizare tsisy dikane ty Betela. ⁶ Ilao ty Yaveh le ho velo riha, laha tsy iazy le hiboake manahake ty afo amity longo Josefa ao re. Handrapake zay, vaho tsy hisy ndre ia ndre ia hamono izay a Betela ao. ⁷ Ndaty reo le hamalike ty rarene ho zaka mafaetse vaho hanorake ty mare amity tane!" ⁸ Zagnahare nanao ani Ikotokelimiadilaona naho Telonohorefy; mamalike ty ieke ho maraindray re; manao ty andro ho maike miarake amity hale re vaho mikaike ty rano ty riake; mandrake reo amity velaran-tane re. Yaveh ty agnarane! ⁹ Minday harava tampoke amity mafe re mba ho avy amity fiaro mafe ty fandrava. ¹⁰ Malay ty ndaty iaby ze manoro iereo amity vavahady ty tana ao re, vaho malay ty ndaty iaby ze mivola ty mare iereo. ¹¹ Satria magnitsakitsake tsy mana reo riha vaho mangalake antsasa mbare amine-na le nagnore tragno vita tamity vato aza riha,le tsy hitoboke amy zay ao. Mana tanen-boaloboke soa riha, kanefa tsy nino ty divae gnizay riha. ¹² Fa haiko ty isa fandikan-dily gnao reo naho ty habevata hadisoagnao reo-iriha ze mampijale ty rarene, mandrambe kolikoly, vaho mivily amy ndaty mila fagnampea reo amity vavahady ty tana ao. ¹³ Naho izay le mitsy amity andro manahake izay ty ndaty hendre, satria andro raty zay. ¹⁴ Mila ty soa fa tsy ty raty,mba ho velo riha. naho zay Yaveh, Iaze Zagnahare ty maroy, le tena hiarake anao, arake ty tsaraenao fa ie. ¹⁵ Halagno ty raty, teavo ty soa, atoboho ty rarene amity vavahady ty tana ao, Vasa Yaveh, iaze Zagnahare ty maroy hiregnay amy sisa nenga Josefa reo. ¹⁶ Naho izay, izao ro tsarae gn'Yaveh, iaze Zagnahare ty maroy, ty Tompo tihoe: "Ty fibabababa le ho amy efa-joro iaby reo, vaho hivola izay amity lala iaby iereo, 'Loza,loza!' Hikaike mpabole reomba ho amity fandala iereo vaho malahelo reo hibababa. ¹⁷ Hisy fibababa amy tanen-boaloboke reo ao, satria handrio agnivoagnareo aoraho, " hoe Yaveh. ¹⁸ Loza ho anareo ze magniry ty andro gn'Yaveh! Nanao akore nareo ro magniry ty andro gn'Yaveh? Ho fagnafaiza izay vaho tsy hisy hazava, ¹⁹ manahake ty ndaty lahafa milay liona naho bera mifanoje amine, na militse amity tragno naho mametsake ty tagnane amity lakoro eo vaho maneketse aze ty menara. ²⁰ Feie vao ty andro gn'Yaveh tsy ieke fa tsy hazava? Iem-pito vaho tsy misy hazava? ²¹ "Hejeko, hanoeko tsisy dikane ty hafalea, tsy mangalake mamine amy fivoriagnareo maresakeo raho. ²² Na le magnomey raketse oroa naho raketse hohane amiko aza nareo, le tsy handrambe reo raho, na hagnete ty raken-pihvagna gniereo biby vondragnareo. ²³ Afaho tamiko ty tabataba antsagnareo reo; tsy hinjajy ty feo tylokangagnareo raho. ²⁴ Fa kea, engaho hikoriake manahake ty rano ty rarene, vaho ty hamare hanahake ty renerano mikoria zisikagne. ²⁵ Ninday soro naho raketse tagnefetse agne zisike ty efa-polo tao ho ahy vao nareo, nareolongo Israely? ²⁶ Hanondrotse ani Sokita ho mpanjakagnareo nareo, vaho Kiona, Zagnahare ty vasiagnareo-aoly ze nanoenareo ho anareo. ²⁷ Naho izay le halefako sesetane mihoatse ani Damaskosy,"hoe Yaveh, ze Zagnahare ty maroy ro agnarane.