¹ Ino ro hambarantsika? Tokony hanohy amy gny fahota va tsika mba hitomboa gny fahasoava? ² Tsy hisy mihintsy anie zao. Tsika ze maty amy gny ota, amy gny fomba manao akory gny mbo hiainantsika amy zao? ³ Tsy hainareo va fa reo ze natao batisa tao amin'i Kristy Jesosy ro natao batisa tao amy gny fahafatesa? ⁴ Koa, voalevy, niaraky taminy tagny gny alala gny batisa ho amy gny fahafatesan-tsika. Niseho zay mba hanahaky gny nanangana an'i Kristy tamy gny maty, tamy voninahitsy gny Ray , ro andehanantsika amy gny fiaignam-baovao avao koa. ⁵ Fa laha mikamba Aminy amy gny endriky gny fahafatesany tsika, voho hikamba amy gny fitsanganany avao koa ⁶ Haintsika zay, fa gny vatan-tsika taloha ro nofantsihy niaraky taminy, mba hamoteha gny tena gny ota. Niseho zay mba ho andevozy gny ota koa tsika. ⁷ I zay maty nambara fa marina sady afaky amy gny fahota. ⁸ Fa lafa maty niaraky tamin'i Kristy ntsika, sady mino fa hiara-belo Aminy avao koa. ⁹ Tsika mahay fa nitsanga tamy gny maty Kristy, tsy maty koa I. Tsy nanjaka Aminy koa gny fahafatesa. ¹⁰ Fa laha gny momba gny fahafatesa, maty noho amy gny fahota I, maty indraiky avao ho any gnolo iaby I. Kanefa, gny fiaigna ze hainay ro iaignany ho an-Dragnahary. ¹¹ Mitovy amy zay, tsy maintsy mihevitsy gnainareo fa ny maty amy gny fahota koa nareo, fa velo ho an-Dragnahary ao amin'i Kristy jesosy. ¹² Noho zay ka enga hanjaka ao amy gny gnainareo mety maty gny ota mba hagnarahanareo gny filan-draty. ¹³ Ka atolotsy ho any gny fahota gny ratsam-batanareo, ho fitaova ampiasa amy gny tsy fahamarigna. Fa atolotsy ho an-Dragnahary gnainao, toy gny nitsanga tamy gny maty ze velo hananiky zao. Sady atolory ho an-Dragnahary gny ratsam-batanao mba fitaova ampiasay amy gny fahamarigna. ¹⁴ Ka enga hanjaka aminareo gny ota. Fotony tsy ambany gny lily nareo, fa ambony gny fahasoava. ¹⁵ Ka ino? Tokony hanota va tsika, fotony tsy ambany gny lily, fa ambany gny ahasoava? Tsy hisy mihintsy anie zay. ¹⁶ Tsy hainareo va fa gny raiky ze anoloranareo gnainareo ho mpanompo tokony hankatoavinareo? Marina zay ndre mpanompogny fahota ze mitariky agny amy fahafatesa nareo, ndre mpanompo gny ankatoava ze mitariky amy gny fahamarigna. ¹⁷ Fa isaora Ndragnahary! fotony fa mpanompo gny fahota nareo, kanefa nankato tao agnaty gny fonareo gny fomba fampianara ze namea anareo. ¹⁸ Nahafa tamy gny ota nareo, natao mpanompo gny fahamarigna. ¹⁹ Movola manahaky gny olo zaho noho gny fahalaea gny nofonareo. Fotony vo nanolotsy gny ratsam-batanareo ho andevo gny fahalotoa voho gny raty nareo, manahaky zay koa zaho, atolory ho andevo gny fahamarigna ho amy gny fahamarigna gny ratsam-batanareo. ²⁰ Fa lafa nareo andevo gny ota, afaky tamy gny fahamarigna. ²¹ Amy zao, ino ro vokatsy azonareo tamy raha ze mahamegnatsy anareo henaniky zao? Fotony gny vokatsy gny raha zay gny fahafatesa. ²² Henaniky zao lafa nafahy tamy gny ota nareo sady ho mpanompon-Dragnahary, ro mijinja gny fahamasigna. Gny vokatsy gny fiaigna mandrakizay. ²³ Fa tamby gny ota fahafatesa, fa gny fagnomezan-Dragnahary koa gny fiaigna mandrakizay ao amin'i Kristy jesosy Tompontsika.