¹ Tsy haignareo,ry rahalahy (satria miresaki amign'olo mahay agny lily io zaho),fa gny lily mibaiko gny olo laha mbo velo? ² Fa gny ampela,laha mbo velo gny valiny,mbo fehezigny lilim-panambaliagny,fa lafa maty valini igny,eo i vo tsy voafehy. ³ Laha izay,laha mbo velo gny valiny,laha hoatry ka mandry amy johary hafa,zay vo kehy hoe mandrato i.Fa laha maty valiny,afaky amy lily io i,amy zay tsy ikehy hoe mandrato laha miaraky amy johary hafa. ⁴ Laha izay,ry rahalahiko,gnatao maty tamigny vatagn'i Kristy koa nareo.Natao zay mba hiaroanareo amy hafa,zay hoe,amign'I zay nitsanga tamy maty,mba ahafahatrika mamoa vihy ho an-Dzanahary. ⁵ Fa tamintsika tamy gny nofo,reo fila gny fahota,gnazy nahetriky gny lily,la niasa tamy ratsantsika mba hamokatry vihy ho agny fahafatesa. ⁶ Fa amigny zao nafahy tamy lily tsika.Maty tamy namatotry antsika isika.Zay ro mba ahafahantsika manompo amy fanahy vao,fa tsy amy fiteraha gny soratry. ⁷ Ino zao ro ho volanintsika? Gny lily mihintsy va ro fahota?Tsara hisy mihitry zao.Tsara ho nahay ny fahota zaho,laha tsy tamy lily.Tsara ho nahay gny fitsiririta zaho laha tsy nivola ny lily hoe:"Ka mitsiriritsy." ⁸ Fa nangala baha tamin'ny lily ny fahota ka nahav gny fitsiririta yabi amiko ato.Fa laha tsy misy gny lily,dia maty ny ota. ⁹ Taloha tany aho velo tsy gnisy gny lily,fa lafa niavy ny didy,velo ndraiky ny ota,ka maty zaho. ¹⁰ Gny lily nazy tokony handay fiaina koa ro nivaliky ho fahafatesa ho ahy. ¹¹ Fa gny fahota nahazo vahatry tamy lily ka namitaky ahy.Tamy lily ro namonoan ahy. ¹² Laha izay gny lily masina,ary ny lily ro masina,marina,sady soa. ¹³ Ka kaha izay nivaliky ho fahafatesa ho ahy va ny soa?Tsy hisy zao.Fa ny ota,mba hafahany hiseho ho fahota amy alala gny,ro nanday fahafatesa tan'amiko.Izay ro mba ho baka amy lily,gny fahota mety ho avy fahota tokoa. ¹⁴ Haintsika fa gnany fanahy ny lily,fa zaho baka amy nofo.Fa navarotry ho ambaniny fandevozagn'ota zaho. ¹⁵ Fa ny raha tiako hatao,tsy raha azoko soa.Satria raha tiako hatao,tsy ataoko,fa raha halako,ro ataoko. ¹⁶ Fa laha manao raha tsy tiako zaho,miharo hevitry amy lily fa soa gny lily. ¹⁷ Henaniky zao,tsara zaho koa ro manao azy,fa gny fahota velo amiko ato. ¹⁸ Fa haiko fa amiko,nazy amy nofoko,la tsisy raha soa mivelo.Fa ny faniria gny soa ro ato amiko,fa tsy afaky manao ino zaho. ¹⁹ Fa ny so nazy tiako tsy ataoko,fa ny raty tsy tiako,ro nataoko. ²⁰ Fa laha manao nazy tiako atao zaho,de tsy zaho ro manao anizay,fa ny fahota miai amiko ato. Ka,zaho la nahita ny fitspiky amiko ato fa ta ²¹ hanao ze raha soa zaho,fe ny raty avao ro amiko ato. ²² Lavariaky amy lilin-Dzanahary zaho amy gny fanahy maha olo. ²³ Nefa mahita fitsipiky raiky hafa zaho amy gny momba ahy.Raha io mifanaraky amy fitsipiky vaovao an-tssaiko ao.Mitazo ahy ho lavo gny fitsipiky gny fahota nazy amy vatako ao io. ²⁴ Olo mijaly zaho!Ia ro hanafaky ahy amy toy vatam-pahafatesa toy?Isaora Ndzanahary baka amign'i Jesosy Kristy Tompontsika! ²⁵ Lafa izay,vatako toy lafa hanompo gny lilin-Dzanahary amy saiko.Fa na izay aza,manonmpo fahota avao zaho amy nofo.