¹ Ka ino moa zany gny tombotsoa anagnan'ny Jiosy? De ino koa gny tombotsoa gny famora? ² Soa iaby zao lafa kila fomba. Voalohany,Jiosy reo nagnakina gny fagnambara baka amin-Dragnahary. ³ Ka manao akory laha tsy manam-pinoa gny Jiosy sasany?Gny tsy finoan-dreo va ro hahavy gny fahatokisan-Dragnahary tsy ho tanteraky? ⁴ Tsy hisy mihintsy zay. Fe,engao fa marina Zagnahary,ndre mpavandy aza gn'olo tsiraikiraiky. Araky gny voasoratry hoe: "Ho atoro aminy safanareo fa olo marina nareo sady atoro lafa avy aminy fitsara nareo". ⁵ Fa laha manahaky gny tsy fahamarinantsika,tsy fagnehoa gny fahamarian-Dragnahary,ino gny raha azontsika volagny? Afaky mivola va tsika fa tsy marina zagnahary aminy fagnaboahany gny siakiny amintsika,sa tsy zay? (mampiasa lahategnin'ny olombelo aho). ⁶ Fe tsy hisy mihintsy anie zay! Fotony aminy fomba manao akory moa ro hitsaran-Dragnahary any tontolo iaby zao. ⁷ Fa laha toa gny fahamarignan-Dragnahary tsy magnome fidera maro ho azy noho gny vandiko,de nagnino moa no mbo tsy tsaray ho mpanota? ⁸ Nagnino tsy mivola,araky gny tatitry diso ze nivolagny fa tenenintsika sady araky gny famafign'olo sasany fa nivolanintsika hoe: "Engao zahay hanao raty,mba hiavaiagniny soa?"Rrarimy gny fitsara atao amindreo. ⁹ Ka ino zany? Magnome rariny gny safantsika va tsika? Tsy zay mihintsy.Fa tsika fa naganameloky gny Jiosy sy gny Grika, izy iaby reo,ho mpanota. ¹⁰ Raha zay de arakiny voasoratry hoe: " Tsy misy olo marina ndre raiky". ¹¹ Tsy misy ndre raiky nahafantatry.tsy misy koa ndre raiky nila an-Dragnahary. ¹² Roso nihataky reo iaby.Tsy nisy nila an-dreo iaby. Tsy misy mba manao gny soa,tsy misy,ndre raiky avao. ¹³ Gny dendan-dreo de fasa misokatry.Gny lelan-dreo mamaitaky. Gny poiziny bibilava reo ambany somin-dreo ao. ¹⁴ Gny vavan-dreo feno hazo sy lolom-po. ¹⁵ Gny tombokin-dreo havagna aminy fandatsahan-dra. ¹⁶ Gny fanimba voho fijalia amin-lalandreo egny. ¹⁷ Regny olo regny tsy nahay gny lalagn'ny fiadana. ¹⁸ Tsy mba misy fahavozoa an-Dragnahary nagnoloa gny mason-dreo". ¹⁹ Ananiky zao de haintsika fa ndre ino ndre ino volagnin'ny lily,miantefa amign'azy abany lily. Zay de mba hahavy gny vavan'ny tsirairaiky hamgina,mba hahazo valigny baka amin-Dragnahary zao tontolo zao. ²⁰ Zao fotny tsy hisy nofo hohamarigny amignasa gny lily amy masony eo. Aminy alalan'ny lily ro hiaviagmin'ny fahaiza gny fahota. ²¹ Fa amizao de nampahafantatry koa gny fahamarignan-Dragnahary tsy aminy lily. Noporofogny lily sy mpaminany reo. ²² Fe zay,gny fahamarignan-DZagnahary aminy alalan'i Jesosy Kristy hoan'izay mino iaby fotony tsy misy gny fagnavaha. ²³ Fa nanota gny olo iaby ka tsy mana gny vogninahitrin-Dragnahary, ²⁴ Hamariny maimaimpoa aminy fahasoany amin'ny alalany fagnavota ao amin'i Kristy Jesosy. ²⁵ Zagnahary nagnome an'i Kristy ho fanatitry aminy alalan'ny finoa gny rany. Nameany ho porofon'ny fahamarignany Kristy, nohony tsy fanenteany gn'ota talohatany. ²⁶ Amignin'ny faharetany . Niseho raha iaby zao ho fampisehoa gny fahamarignany amin'izao fotoa hananiky zao.Zay mba hahafahany magnaporofo fa marina I mba hanehoany koa fa I de magnamary gny raha iaby noho gny finoa an'i Jesoa. ²⁷ Aia moa zao gny firehareha? Voafafa zao. Fa ino moa gny gnantony? Amign'asa va? Tsia,noho gny finoa . ²⁸ Manampakevitry tsika fa gny olo raiky de ho hamarigny araky gny finoa tsy misy asan/ny lily. ²⁹ Sa Zagnahary gny Jiosy raiky avao va Zagnahary? Tsy Zagnahary gny Jentilisa reo koa va I? Eka,gnan'ny Jentilisa koa. ³⁰ Laha, raiky tokoa Zagnahary de ho hamarigniny aminy finoa gny voafora,de gnazy tsy voafora reo aminy alalagm'ny finoa. ³¹ Fantantsika aminy alalagn'ny finoa va zany gny lily? tsy hisy mihintsy zay? Fe koa ,magneky gny lily tsika .