¹ Nohon'izay tsy mana fialantsiny iha, ry olo, ho anao ze mitsara, fa gny raha itsaranao gny hafa ro hagnameloha anao gny tegnanao fa iha mitsara io mbo manao anio avao koa. ² Nefa haintsika fa gny fitsaran-Dragnahary araky gny marina lafa lavo amindreo manao manaky anizay. ³ Diniho ry olo, nareo ze mitsara andreo manao gny raha manahaky anireo, ndre manao raha manahaky aniregny koa aza iha. Hipotaky gny fitsaran-Dragnahary va iha? ⁴ Sa hamorainao gny hareany hasoam-pagnahiny gny fanderany voho gny faharetany? Tsy hainao fa hasoam-pagnahiny ro natao hitariky anao aminy fibebaha? ⁵ Ka izay ro hoamin'ny habeny hatanjaha sy gny tsy fibebahany gny fonareo ro amorianareo heloky hogny tegnanareo aminy andro fahatezera, izay ro andro faharoa gny fitsaran-Dragnahary. ⁶ Hamaly gny olo iaby aminy fatsy mindry amin'ireo natao I : ⁷ Hagnome araky gny fahareta, gny asa soa mila dera, voninahitry gny tsy fahafatesa, fiaigna mandrakizay I. ⁸ Fa hoandreo zay mikara hoany gny tegnany, ze tsy magneky gny marina fa magneky gny tsy fahamarigna, hoavy gny heloky sy gny siaky. ⁹ Dragnahary hinday fahoria voho fijalia amigny fagnahin'olo iaby ze nanao raty amin'ny Jiosy taloha,voho amin'ny Grika koa. ¹⁰ Fa dera, no laza voho fiadagna rohoavya amindreo zay manao gny soa amin'ny Jiosy taloha voho amin'ny Grika avao koa. ¹¹ Fa tsy misy fiangara gny miaraky amin-Dragnahary. ¹² Fa ze iaby nagnota tsy nana gny lily ro ho trobo tsy mana lily avao koa, ze iaby nagnota niarajy taminy fagnaja gny lily ro ho tsaray araky gny lily. ¹³ Fa tsy reo mahakasa gny lily ro marina agnatrehan-Dragnahary eo, fa reo ze mampianatsy gny lily ro ho amarigny. ¹⁴ Fa reo hako ze tsy mana lily, ko lafa manao raha mahakasiky gny lily arakiny voajanahary, I avao ro lily hoany tegnany ndre tsy mana lily aza reo. ¹⁵ Amizayro anoroandreo fa gny asa angatahiny lily na voasoratsy ampondreo ao.Gny vetsivetsin-dreo avao koa ro vavolombelo hoandreo,ka gny vetsivetsindreo manoka romagnameloky na miaro andreo amitegnandreo. ¹⁶ Ary amin-Dragnahary koa. Izay ro hipoitsy aminy gnandro hitsaran-Dragnahary andreo tsiambaratelogn'olo iaby araky gny filazantsarako aminy lilin'i Jesosy Kristy ¹⁷ Ka laha Jiosy ro hikaikaiky gny tegna tegnanao ro mianky aminy lily sy mirehareha amin-Dragnaharyao, ¹⁸ Ary mahalala gny sitrapony sy mamantatsy gny raha soa mare, fotony nampianary taminy lily iha; ¹⁹ Ka laha resilahatsy iha fa gny tegnanareo ro mpitariky gny jamba,hazava hoandreo gnao aminy maiziky, ²⁰ Mpagnitsy gny adala, mpampianatry gny zaza maligniky, ka anagnanao ao aminy lily gny sorakiny fahaiza sy gny hato ka manao ahoa araky gny vokany aminy fomba hiaigna? ²¹ Ka hoanao ze mpianatsy gny sasany tsy mpianatsy gny tegnanao va iha? Anao ze mivola manohitry gny halatsy,mangalatsy va iha? ²² Iha ze mivola fa tsy tokony hivengivengy,nivengivengy va iha? Iha malay gny sampy,mandrombaky fiangona va iha? ²³ Iha ze falifaly mirehareha ao amy lily, nangalabaka an-Dragnahary va iha aminy fandikanao gny lily io? ²⁴ Fa gny agnaran-Dragnahary fa afa-baraka amindreo hako voho iha avao araky gny ze voasoratsy. ²⁸ Fa I tsy Jiosy aminy fijery ambaliky avao, ndre aminy famora ze fery aminy endriky ambaliky nofotsy avao. ²⁹ Fa I ro Jiosy agnatiny, fa gny famora ze gnany fo aminy fagnahy fa tsy aminy soratsy. Ka gny fidera olo manahaky an'zay tsy baka amin'olo fa baka amin-Dragnahary.