1 Tsika ze mbo henja engao mba handefitry gny falemea gny malemy, sady tsy tokony hanao gny raha teany gnaintsika. 2 Ao gny kiraidraiky hanao gny raha hampisinisinia gny mpiara-belo fazay ro soa, handrebohantsika azy. 3 Ndre Kristy aza tsy nanao gny raha teany. Fe, manahaky an'izao gny voasoratry hoe:" Gny fagnaboka nagnaraty anao reo fa niavy tamiko tatoy iaby." 4 Fa ndre ino ndre ino voasoratry taloha tagny ro fampianara antsika, mba ho amin'ny gny fahareta voho gny fampahereza gny Soratry Masina ro hanagnantsika toky. 5 Ndzagnahary gny fahareta voho gny fampahereza ro hagnome fisaigna manahaky gnany tsiraidraiky hoy Kristy Jesosy. 6 Hataony raha io amin'ny fomba fisaigna raiky voho amin'ny gny tsihovy raiky avao koa ro hiderantsika an'i Ndzagnahary voho gny Banan'i Tompontsika Jesosy Kristy. 7 Fotony tsika mifankazahoa rolahy, manahaky gny nampiharoan'i Kristy anareo, ho fandrenge an'Ndzagnahary. 8 Ambarako fa Kristy ro fahamarignan-Ndzagnahary, mba ahafaha magnarina gny fampanantena nameany gny raiky, 9 gny Jentilisa hamea voninahitry gny Ndzagnahary baka amin'ny gny famindra-pony. Raha zay fa voasoratry hoe:" Fotony raha zay ro hagnome fandrenge Anao tanjikfy gny Jentilisa Aho sady hiantsa fandrengea gny agnaranao." 10 Mbo voasafa avao ndraiky gny hoe:" Misinisinia, miaraky amin'gny fokonolony, ro Jentilisa." 11 Hoy ndraiky hoe:" Derao gny Tompo, ro Jentilisa iaby e, engao gnolo iaby handrengy Azy ." 12 Isaia nivola hoe:" Hisy taranak'i Jese, sady gny raiky ze hiongaky hanapaky eo amin'gny Jentilisa. Hana gny fahatokia aminy Jentilisa reo. 13 Gny Ndzagnahariny gny fatokisa ro hagnome anareo gny fisinisinia voho gny fiadagna amin'gny finoa, mbo tsentsy fahatokisa, hery baka amin'gny Fanahy Masina. 14 Gnaiko zao koa ro resy lahatry gny mahakasiky anareo, rahalahiko. Resy lahatry iaho fa nareo avao ro tsentsy hasoa, tsentsy fahalala iaby. Resy lahatry iaho fa nareo koa ro mifagnanatry. 15 Manoratry aminareo iaho momba gny raha sasany mba hampatiaroviko anareo, fotony gny fagnomeza Ndzagnahary gny fahasoava tamiko. 16 Zay ro andesiko hanompoako an'i Kristy Jesosy nalefa t'a Jentilisa tagny, mba hanolotry manahaky gny soro gny filazantsara-Ndzagnahary. Tokony hataoko raha zay mba ho azo ekea gny farity gny Jentilisa, voatoka gny Fagnahy Masina. 17 Gny fisinisiniako ro baka amin'gny Jesosy voho gny fahasoava-Ndzagnahary. 18 Tsy hasaky hivola ndre ino ndre ino laha tsy gny soa nataon'i Kristy tamin'gny alalako ho gnan'ny fankatoava gny Jentilisa iaho. Raha iaby reo vita tamin'gny safa voho gny asa, 19 tamin'gny hery gny famantara voho gny fahagaga gny Fanahy Masina. Baka Jerosalema, lavidavitry manahaky gny Ilyrikioma, ro ahafahako magnatanteraky gny filazantsaran'i Kristy. 20 Gny vetsivetsiko laha gny hitory gny filazantsara, fa tsy gny hoe ahaiza gnolo gny agnarany Kristy. 21 Raha zay fa voasoratry hoe:" Taminy gnazy tsy nivola Azy ro nahajery Azy, gnazy ze tsy nahare ro ahazo Azy." 22 Baka amin'gny raha zay avao zao ro tsy ahafahako hamonjy anareo . 23 Fa henaniky zao, tsy mana faritry amin'reo koa Iaho, fa tao maromaro ro nagniriako mare gny handeha aminareo agny. 24 Ndre ombia ndre ombia gny andehanako a Espana, magnantegna iaho gny ahita anareo lafa mandalo, de asesinareo amin'gny tana andehanako, lafa mahazo fafiny bakaminareo betibetiky Zaho. 25 Fa henaniky io Zaho handea a Jerosalema agny hanmpo gny mpino reo. 26 Fa filafilain'gny Makedonia voho gny Akaia gny fandrambesa anjara ho andreo latsa gnazy mpino a Jerosalema. 27 Eka, haravoa gnandreo, sady, mpitrosa aminy vatany reo. Fa laha gny Jentilisa ro nizara tamindreo gny raha reo, de tokony hagnompo andreo koa reo aram-pitaova. 28 Lafa nitanterahiko asa io sady nagnamafy fa voavory gny vokatry , de handea a Espaina zaho sady hitsikdiky andreo amin'gny lalako. 29 Haiko fa lafa mandea aminareo zaho de handay andreo amin'gny fitahian'i Kristy. 30 Henaniky io zaho mampirisiky anareo, ry rahalahy , amin'i Jesosy Kristy Tompontsika, voho amin'gny hatea gny Fanahy, hiaraky hialy miaraky amiko amin'gny vavaky ataonareo amin-Dragnahary ho gnahy. 31 Mivavaha mba ho avotry amindreo ze tsy mino agny Jodia zaho, sady mba ho ekea ny gnazy mpino gny fanompoako ho gnany Jerosalema. 32 Mivavaha mba hoavy aminareo amin'gny sitrapon-Dragnahary, sady mba ahafaky ahy, miaraky aminareo. 33 Ndragnahary gny fiadagna ro hitahy anareo iaby. Amena.