¹ Rambeso iaby na ze malemy amy gny finoa, fa ka mitsara momba gny tohan-kevitsy. ² Gny olo raiky ro mana gny finoa ihina ndre ino ndre ino, fa gny hafa ro malemy tsy mihina laha tsy gny legioma. ³ Engao gny mihina gny raha iaby tsy hanamavo ze tsy mihina iaby; ze tsy mihina gny raha iaby engao tsy hitsara gnazy mihina iaby reo. Fa Ndragnahary fa magneky azy. ⁴ Ia moa iha, gnazy mitsara gny mpanompo olo hafa io? Agnilan' gny tompony i ro mitsanga na miatonta. Fa hatsangany i, fotony gny Tompo ro afaky mandreny azy. ⁵ Gnolo raiky mihevitsy fa misy andro soa mihoatry gny sasany. Gny hafa koa mihevitsy fa mindrygny andro iaby. Engao gny kiraidraiky ho resy lahatry araky gny raha hainy. ⁶ Ze mihevitsy gnandro, mihevitsy ze ho gnan'i Tompo; ze homa, ro homaho gnan'i Tompo, Manao mahavelo bevata an-Dragnahary i. Ze tsy homa, i koa mbo manao mahavelo an-Dragnahary avao koa. ⁷ Fa tsy misy miay gny vatany tsika, sady tsy hisy ho maty gny tegnany. ⁸ Fa laha tsika ro miay, miay ho gnan'i Tompo, laha tsika koa ro maty, maty ho gna'i Tompo. Tsika mety miay na maty, ho gnan'i Tompo. ⁹ Fotony zay ro nahafaty an'i Kristy sady nahavelo azy ndraiky, zay ro ahavy Azy ho Tompo gny maty voho gny mbo miay. ¹⁰ Fa iha moa ro mandily gny rahalahinao? Ka iha, nagnino ro tsy te gny ralahinao? Tsika iaby zao mbo ho tsaray aloha gny seza fitsaran-Dragnahary. ¹¹ Fa vosaoratry gny hoe:" Laha mbo velo koa zaho," hoy gny Tompo, " hiforitry alohako gny lohaliky iaby, gny lela iaby ro handrengy an-Dragnahary." ¹² Noho gny raha zay, tsika iaby io hanao tatitry gny vatany kiraidraiky amin-Dragnahary. ¹³ Ka, engao tsika tsy hifamitsara koa, hanapaky hoe, mba tsy hisy hametraky vato fandriky ho gnany ralahiny. ¹⁴ Mahay zaho sady resy lahatry amin' gny Tompo Jesosy, fa tsy hisy handoto gny tenany. Fa ndre ia ro mandramby tsy halio mihintsy. ¹⁵ Fotony laha i ro malahelo noho gny hanin'gny ralahinao. Ka robay noho gny haninareo ze nafoizan'i Kristy gny ainy. ¹⁶ Ka magnenga ze vetsevetseanareo ho soa ho aratia. ¹⁷ Fa gny fanjakan-Dragnahary ro tsy mahakasiky gny hany voho gny rano finoma, fa momba gny fahamarigna, fiadagna, voho gny fisinisinia amin'gny fanahy Masina. ¹⁸ Fa ze magnompo an'i Kristy ro ankasitrahin-Dragnahary voho eke gnolo. ¹⁹ Noho raha zay, engao tsika hanohy gny fiadagna voho gny raha magnefy gny kiraidraiky iaby. ²⁰ Ka ribahy noho gny hany gny asan-Dragnahary. Malio vatany gny raha iaby, fa loza ho gnany ze homa azy voho mahavy gny fahapohia. ²¹ Soa gny tsy fihomana-kena, ndre mino divay, na gny raha iaby ze mety ahapohiny gny ralahinao. ²² Gny finoa anagnanao, ajario aminao ao voho amin-Dragnahary ao. Sambatry ze tsy magnameloky gny vatany amin'gny raha ekeny. ²³ Ze mihakatry ro meloky laha homa, fotony tsy tamin'gny finoa raha io. Ndre ino ndre ino ro tsy baka amin'gny finoa fa fahota iaby zay.