¹ Ny fanahy iaby mba hagneky iaby gny hagneky iaby gny manam-pahefa bevata,satria tsy misy gny fahefa laha tsy baka amin-Dragnahary.Sady Ndragnahary ro nametraky gny manam-pahefa. ² Ka laha misy manohitry gny fahefa Ndragnahary voho manohitry koa gny lilin-Dragnahary ka helofa sady ho voasazy reo. ³ Satria gny mpanapaky tsy natao hampatahotry amy asa marina fa amy asa raty.Tianareo va gny hagniry tsy hatahotry raiky amin'ireo fahefa reo.Manaova raha marina mba ho deray . ⁴ Fa gny mpanompon-Dragnahary ho an'ireo misy gny marina fa laha gnareo manao raha raty ka matahotry azy,satria i tsy manday gny mesony amigny tsy misy antony.Ny mpanompo Ndragnahary magnameloky hoan'ze manao raha tsy marina. ⁵ Ka tokony hanaiky nareo,tsy aminy helokiny avao fa mila mieritreritry. ⁶ Mila mandoa hetra koa nareo ,fa reo manam-pahefa sady mpanompon-Dragnahary reo miasa maro fa tsy ankijano. ⁷ Aloavo gny hetranao miaraky amy hetran'ny entanao,matahora amin'zay tokony hatahora,bakeo magnaja amin'zay tokony ho hajay. ⁸ Ka manao trosa na aminia na aminia fa mifankatiava avao. ⁹ Maro gny lily io:"Ka mangalatry valign'olo,ka mamono olo,voho tsy mangalatry,sady ka mitsiriritry,"laha mbo misy gny lily ankoatrin'ireo,zay ho fehezy amin'ny safaraiky:"Tiavo gny namanao mitovy gnainao." ¹⁰ Gny fitiava zay tsy manao raty amin'olo,ka zay gny fitiava nampiteraky gny lily. ¹¹ Ka noho zay fa hainareo gny andro hifohazanareo amy tori-maso ,henany zao fa marikitry gny raha voalohany ninoantsika dia gny fanavota antsika. ¹² Rosogny haliky sady miamarikitry andro,noho zay,ndao haria gny asan'ny maiziky sady hisikinan-tsikagny fialiagny mazava ¹³ Andao handea amy lala mahity mitovy amin'andro fa tsy mitovy amin'andro fisinisinia tsy ampiheve na amin'andro hamamoa sady anadao tsy hanao na fila tsy voafehy voho tsy fifanohera sady fialona. ¹⁴ Mirakofa amin'i Jesosy Kristy Tompo ka manomeza hiriky ho an'ny nofotry mba hanomeza gny fahafahampo ilany.